دكتور من سوريا مقيم بالمانيا، أكتب تجربتي مع الحمية والرياضة ،وكيف خسرت اكتر من ٤٠ كغ من وزني .
24/08/2025
اكتر شي بيعطيني طاقة ايجابية و دافع للاستمرار هو مشاهدة التغيير الايجابي على الناس المحيطة بي او المتابعة الي...
رفيقي هون بالحارة نزل ١٣ كغ خلال ٣ شهور ،
تنين تانيين (بيعرفو حالن 😊) صارو ملتزمين بالنادي بشكل منتظم ،
اكتر من واحد ترك التدخين بعد معاناة لسنوات ،
كتار من الاهل والمعارف صارو يحاولو يغيرو من العادات الخاطئة
لو كنت اعتمدت عالتفاعل واللايكات هون بالصفحة ، كنت بطلت نشر من زمان ، تفاعل قليل وانتشار اقل ، شي من سياسات الفيسبوك وشي بتحس انو المحتوى المفيد ما بينتشر متل المحتوى التافه او المسلي .
بس الدافع الاكبر هو اني بعرف انوفي ناس تأثرت وعم تتأثر وعم ،تبلش تتغير ، ناس حقيقية من لحم ودم مو لايكات و وشيرات...بصراحة ما بعرف اذا رحةيستمرو بهالطريق كتير ، بس عالاقل في محاولة ...
كنت حابب نعمل متل كروب ، وليس صفحة ، نتبادل التجارب ،والاهم نشوف الاستمرارية ، بس ماعندي وقت و طاقة بالوقت الحالي...
😊😊😊😊
الصورة : غدا اليوم
😁😁😁
24/08/2025
مشوار الجري عالنهر
كلاكيت تاني مرة
😊😊
23/08/2025
ابر التنحيف الجديدة ، عمليات البدانة الجديدة ....
كلها بتلعب عالوتر الحساس ، هدف كل الناس :
تنزيل اكبر نسبة وزن خلال فترة قصيرة .....
طبعا هالاجراءات آمنة طبيا ولها استطباباتها المحددة اذا تمت تحت اشراف طبي ونفسي ، وليس مجرد دعاية و سفر سريع لتركيا او مصر....
بالواقع هذا الهدف هو اسهل مرحلة بالريجيم ، لانها مرحلة مؤقتة مهما كانت صعبة ، ٣-٤ شهور او سنة بالكتير رح توصل لوزن مناسب ، سواء بالادوية ، او بالعملية ، او بالالتزام بالحمية والرياضة .
المشكلة الكبرى هي بعد وصولك لهذه النقطة .
هون رح تضل لحالك ، ولازم تحافظ على وزنك الجديد ، وهالعملية رح تستمر مدى الحياة ....
برأيكم ، مين رح يكون الاسهل عليه بهالمرحلة ؟؟؟
اللي وصل لهون عن طريق الحمية والرياضة ، ولا اللي وصل عن طريق الادوية او العملية ؟؟؟
نظريتي بهالموضوع : ما دام طريق الحمية والرياضة قدامك قدامك ...فالافضل انك تبلش فيه من هلا وخلاص ....
23/08/2025
فطوري أنا وهيمن
المقلاية فيها ٧٥ غ بروتين تقريبا، بدون زيت نباتي
(بيض،شوفان، لبنة عالية البروتين ،جبنة مبشورة عالسطح)
الدهن اللي بالبيض والجبنة كافي ، دهن حيواني طبيعي ، بيغني عن الدهن بالزيت النباتي المصنع.
فاصوليا حمرة مسلوقة ، مع الحمض والكمون وزيت الزيتون، مصدر للكارب الصحي والبروتين النباتي ( الاقل قيمة غذائية من البروتين الحيواني)
Be the first to know and let us send you an email when يلا نبلش ريجيم posts news and promotions. Your email address will not be used for any other purpose, and you can unsubscribe at any time.
