13/05/2026
Bilisan nyo naman please!!! wag nyo ibigay mga Filipino sa ibang lahi!!!! kayo nlang pag asa ng Pilipinas!!!!
Sa special session ngayong Miyerkules, Mayo 13, 2026, naglabas ang En Banc ng ng Resolusyon sa kasong G.R. No. 278747 (Rodrigo Roa Duterte and Senator Ronald “Bato” M. Dela Rosa v. Hon. Lucas Bersamin, et al.) na pinagkokomento sa loob ng 72 oras ang mga respondent sa Urgent Manifestation with Omnibus Motion (Urgent Manifestation) at Extremely Urgent Supplemental Manifestation with Motion (Supplemental Manifestation) na inihain ni petitioner Senador Ronald “Bato” M. Dela Rosa.
Ituturing na naihain sa mga partido at mga abogado nito ang Resolusyon kapag na-upload na ito sa eCourt PH at nailathala sa website ng Korte Suprema.
Binibigyan din si Senador Dela Rosa ng hindi lalagpas sa 72 oras mula pagkatanggap ng Comment ng mga respondents para maghain ng kanyang Reply.
Nilinaw ng Korte Suprema na maaari pa ring humingi si Senador Dela Rosa ng pansamantala o madaliang hakbang, kung kinakailangan.
Naghain si Senador Dela Rosa ng Urgent Manifestation noong ika-11 ng Mayo 2026 bilang tugon sa mga ulat na ang International Criminal Court (ICC) ay naglabas na ng warrant of arrest laban sa kanya kaugnay ng imbestigasyon nito sa drug war sa Pilipinas.
Humiling si Senador Dela Rosa ng temporary restraining order (TRO), writ of preliminary injunction o ng status quo ante order (SQAO) para pigilan ang pag-aresto, pagdetine o paglipat sa kanya ng walang paunang pahintulot mula sa korte.
Kinwestiyon din niya ang bisa ng subpoena na inilabas ng Philippine National Police Criminal Investigation and Detection Group na inutusan siyang magpakita sa Camp Crame hinggil sa umano’y mga extrajudicial killing noong siya ay Davao City Police Director.
Sa parehong araw, naghain si Senador Dela Rosa ng Supplemental Manifestation na inaakusahan ang mga operatiba ng National Bureau of Investigation (NBI) ng tangkang pagharang sa kanyang pagpasok sa Senate Session Hall. Sinabi rin niya na may ipinakita si dating Senador Antonio F. Trillanes IV (Trillanes) na kopya umano ng ICC arrest warrant laban sa kanya.
Humiling ni Senador Dela Rosa ng TRO at/o SQAO para pigilan ang NBI at si Trillanes na arestuhin o detenihin siya, o maghain ng ICC warrant o anumang banyagang dokumento.
Basahin ang kabuuan ng Press Briefer sa https://sc.judiciary.gov.ph/press-briefer-may-13-2026/.
Basahin ang Resolusyon ng Korte Suprema sa https://sc.judiciary.gov.ph/wp-content/uploads/2026/05/278747.pdf.
Maaaring i-download ang kopya ng mga available na pleading mula sa Current Cases section ng website ng Korte Suprema: https://sc.judiciary.gov.ph/public-pleadings/.
Sumunod sa Credit Attribution Policy ng SC Public Information Office: https://sc.judiciary.gov.ph/credit-attribution-policy/.
