25/09/2024
Mirë se vini!
Jemi të nderuar dhe të privilegjuar.
Shoqata shqiptare “Nerashti” ka arritur të themeloj Shkollën Shqipe në vitin 1999.
Pikësynimi ishte i qartë: krijimi i mësojtoreve për mësimin e gjuhës shqipe. Këtë mision e kanë bërë të mundshëm shumë kontribues dhe vullnetarë që nuk kanë lejuar që shkolla shuhet asnjëherë.
Si çdo vit edhe sivjet ju presin shkronjat e gjuhës shqipe, mësimet e letërsisë, historisë dhe kulturës shqiptare.
Ne ju urojmë suksese të gjithë atyre që ndjekin shkollimin-mësimet dhe aktivitetet kulturore-artistike në Shoqatën Shqiptare “Nerashti” dhe përzemërsisht, mirëseardhje nxënësve të rinjë në skollën tonë. Ne apelojmë te prindërit që t’i përgjigen masivisht kësaj iniciative sepse vetëm në këtë mënyrë do të kontribojmë në ruajtjen dhe kultivimin e gjuhës së shenjtë shqipe në diaspor.
Gjuha e nënës është themeli i identitetit kombtar. Duke e ditur atë, ne mbrojmë atdheun, flamurin dhe kulturën tonë të pasur. Andaj prindër të dashur, bëjani obligim vetes pjesëmarrjen e fëmijëve tuaj në aktivitet e “Shkollës shqipe Kopenhagë”.
Shkolla është e hapur çdo të Diellë nga ora 14-16. Adresën e gjeni në faqen zyrtare të Shoqata shqiptare Nerashti - Danimark.
Shkolla udhëhiqet nga z. Nevzat Kjamilji, kordinator si dhe mësueset Mirdita dhe Leonora.
Z. Nevzat është marr me aktivitete kulturore-artistike që nga hapja e shkollës , në vitet 99/2000 dhe është kujdesur që shkolla mos të shuhet asnjëherë. Ai kujdeset për aranzhimin e aktiviteteve tona, nevojave të shkollës dhe kujdeset që neve të mos na mungoj asgjë.
Mësuese Leonora e ka kryer Shkollën e lartë pedagogjike dhe është e diplomuar në Fakultetin e Edukimit në Prishtinë. Ajo ka një përvojë 16 vjeçare si mësimdhënëse në Kosovë dhe i është bashkangjitur Shkollës Shqipe vitin e kaluar dhe zhvillon mësismin e gjuhës shqipe këtu.
Mësuesja Mirditë, e diplomuar në Fakultetin e Komunikimit në Tetovë, i është bashkangjitur Shkollës shqipe disa vite më parë dhe përveç mësimit të gjuhës, merret edhe me zhvillimin e aktiviteteve kulturore-artistike me fëmijët.
Ne duam të japim kontributin tonë në ruajtjen dhe promovimin e kulturës tonë në diaspor.
Vlerat, kultura dhe atdhetarizmi bashkohen rrjedhshëm te Shoqata Shqiptare “Nerashti” me vullnetarët në këtë shkollë dhe fëmijët që vijnë atje, për të bërë realitet këtë mision fisnik tonin.
Ju mirëpresim!
