Cabinet De Pédiatrie Dr Oubetroune

23/07/2025

22/07/2025

Attention à vos enfants

ارواح تشوف واش راك تشرب ولدك 🙂

واش تعرف على الملون الغذائي 129؟ (Allura Red)

🔴 راهو موجود في بعض المشروبات و الياوورت بنكهات (كيف اللي فيه الرمان ولا الفراولة).
📦 هاد الملوّن تلقاه مكتوب في المكونات باسم:
E129 أو ملوّن 129 (بكمية 16 ملغ في بعض المنتجات).
🧠 واش الخطر منو؟
✅ مسموح به في بزاف دول (منهم الجزائر).
❌ لكن بزاف دراسات ربطتو بـ:
فرط النشاط عند الصغار 🧒
مشاكل في التركيز
حساسية عند بعض الناس (حكاك، عطس، مشاكل تنفس)
وممكن يولي خطر إذا تاكله بزاف يومياً 😬
💊 شحال مسموح ناكل منه؟
الهيئات الصحية قالت:
ما تفوتش 0.7 ملغ في اليوم على كل كيلوغرام من وزنك.
مثال:
واحد يوزن 70 كغ = يقدّر ياكل حتى 49 ملغ في اليوم.
وكاين منتوجات في السوق فيها 16 ملغ في وحدة وحدة!
ملا احسب لروحك لولدك صغير يوزن 10 كغ حتى 20 كغ ، باين كثر من كمية المسموحة
❗وين نلقاو E129 بزاف؟
مشروبات الحليب المنكهة
العصائر الصناعية
الياوورت بنكهات
حلوى الجيلاتين (كالمصاصة، الجيلي)
بعض الحلويات و البسكويتات الملوّنة

16/07/2025

🍼✨ ارواحو نقولكم كيف تختارو الماء المناسب للرضيع، وعلى واش تركزوا 🧑‍🔬

شوف، الكثير منا يظن أي ماء معدني يصلح، لكن الحقيقة لا. كلى الرضيع مازال ما تتحملش الأملاح والملوثات. لازم تركز مليح على هذي النقاط:

✅ 1️⃣ نسبة الأملاح المعدنية (Residus sec):
🔹 لازم تكون أقل من 500 ملغ/لتر.
✋ الأملاح العالية ترهق كلى الرضيع.

✅ 2️⃣ الصوديوم (Sodium):
🔹 أقل من 20 ملغ/لتر.
✋ الصوديوم العالي خطير على توازن الأملاح.

✅ 3️⃣ النترات (Nitrates):
🔹 أقل من 10 ملغ/لتر.
✋ النترات العالية تسبب متلازمة الطفل الأزرق.

✅ 4️⃣ النتريت (Nitrites):
🔹 يفضّل تكون قريبة للصفر (0.02 ملغ/لتر أو أقل).
✋ النتريت مادة أكثر سمية من النترات، لذلك وجودها بكميات معتبرة ممنوع في مياه الرضع.

✅ 5️⃣ الفلور (Fluor):
🔹 أقل من 0.3 ملغ/لتر.
✋ كثرة الفلور تضر الأسنان والعظام.

📍 ملاحظة مهمة:
⚠️ في أغلب القارورات المعبأة في الجزائر، نسبة الفلور لا تكون مذكورة بوضوح على الملصق. ومع ذلك، معظم الدراسات تؤكد أن تركيز الفلور في المياه المعدنية الجزائرية عموماً منخفض ولا يتجاوز المستويات المسموحة.

في الأخير نتمنى من المنتجين في الجزائر يديرو علامة أو وسم الماء الخاص بالرضع:
✅ “صالح لتحضير أغذية الرضع”
أو
✅ “Convient à l’alimentation des nourrissons”
✋ هذا يسهّل عليك التأكد أن الماء مناسب 100% للطفل بدون ما تحتاج تحاليل إضافية.

ارواحو التعليقات نزيد نفهّمكم أكثر، و قبل تفاعل مع منشوري كي يسجل محتوى أصلي عندي، كاين راهم ينسخوه وينسبوه لأنفسهم.

16/07/2025

Corps étranger au niveau du Nez simple

11/07/2025

Bon à savoir

10/07/2025

Attention à la sucette

02/07/2025

ما لا تعرفونه عن النودلز..

28/06/2025

Les plus beaux messages d'anniversaire de Ania et Elina elferhi je vous adore ça me touche vraiment Merci mes amours

24/06/2025

❤️❤️