طبيب اسنان عين الدفلى حاج جيلاني

طبيب اسنان عين الدفلى حاج جيلاني 0654.803.806

قصة اليومجاني مريض متقلّق، وقالي:"عالـجت ضرسي في ثلاث حصص ونزعت العصب، ومع ذلك مازال يوجع. بعد ما درنا الأشعة، بان بلي...
23/11/2025

قصة اليوم
جاني مريض متقلّق، وقالي:
"عالـجت ضرسي في ثلاث حصص ونزعت العصب، ومع ذلك مازال يوجع.
بعد ما درنا الأشعة، بان بلي العصب كان معمّر غير للنصف… والنصف الثاني مخليه هكذاك، تراكمت فيه البكتيريا وسبّبتلو الألم.

عاودنا العلاج من جديد، كامل العمل درناه في حصة وحدة مدتها حوالي ساعة، ونقّينا القناة كامل حتى لآخر مليميتر، والحمد لله خرج مرتاح.

جا الحسين للعيادة 😊، ماكانش يتوجّع ولا والو. غير كونترول عادي.شفتلو البلومباج القديم وقلتلو:"شوف الحسين… هاذ البلومباج ل...
17/11/2025

جا الحسين للعيادة 😊، ماكانش يتوجّع ولا والو. غير كونترول عادي.
شفتلو البلومباج القديم وقلتلو:
"شوف الحسين… هاذ البلومباج لازم يتعاود 🦷🔍. تحتو بدات السوسة تخدم خدمتها في صمت 🐜."

الحسين سمع النصيحة 👍 قال: "توكل على الله دكتور."

نحّينا البلومباج القديم، ولقينا السوسة فعلاً بادْية تخدم 😬.
نظّفنا الضرس مليح، درنا العازل المطاطي 🛡️، وخدمناه كيما لازم حتى رجعت الضرس جديدة ✨.

خرج الحسين فرحان وقال:
"بارك الله فيك دكتور… خير درناها اليوم قبل ما تولّي مصيبة 🙏😊."

قصة صغيرة… بصّح فيها عبرة كبيرة: مرات المشكل يكبر بلا ما يبان وبلاما يوجع ، والكشف بكري يوفّر عليك الوجع تاع الغدوة 🔍🦷.

الحكاية بدات هكذا:المريضة خدمت ضرسها العام لي فات، بصح الوجع ما حبّش يروح 😣.السبب ما كانش سحري ولا غريب. كان كاين تسوّس ...
16/11/2025

الحكاية بدات هكذا:
المريضة خدمت ضرسها العام لي فات، بصح الوجع ما حبّش يروح 😣.
السبب ما كانش سحري ولا غريب. كان كاين تسوّس جانبي صغير مستتر تحت البلومباج القديم 🦠.

كي نقولو "تحته"، يعني البلومباج ما كانش محكم ومفيني مليح، وكان كاين فراغ 🕳️ يخلي الماكلة تدخل كل نهار 🍗، وتتخبّى بلا ما تقدر الفرشاة توصل لها 🪥.
النتيجة؟ بكتيريا تعمل حفلة يومية 🎉 والتسوّس يكبر بصمت.

العلاج كان واضح. نحّينا البلومباج القديم، نظّفنا تحته مليح، ومن بعد درنا بلومباج جديد تحت ظروف تقنية محترمة 🧑‍⚕️✨:

• استعملنا الحاجز المطاطي (Rubber Dam) باش نعزلو الضرس من اللعاب ونضمنو خدمة معقمة ومضبوطة 🛡️.
• حطّينا الماتريس باش يرجّع الضرس للشكل الطبيعي ويتفادى أي زوائد جانبية 📏.

النتيجة: ضرس نضيف، بلومباج محكم، وماكانش باب للماكلة تدخل وتعاود المشكل 🔒😁.

الجميل في القصة هو أن الوجع هذا كان "منطقي" وماهوش لغز. الضرس كي تحترملو قواعد اللعبة… يحترمك ويرتاح 😌🦷.

13/11/2025

استقبال أطفال روضة عالم الطفل 👶✨، مع فحص شامل لأسنانهم 🦷🔍 والتنبيه لأي بداية تسوّس موجودة. كما يتمّ شرح الطريقة الصحيحة لتنظيف الأسنان بطريقة مبسّطة 🪥😊، مع تقديم نصائح وقائية تساعدهم يحافظوا على صحة فمّهم 👄💙.

#روضة #مدرسة

🦷 تسوس عميق تحت اللثة – ناب سفلي #كاين حالات وين التسوس يجي مخبي تحت اللثة، وهادي من أصعب الحالات 🔬لازم عزل مليح ودقة كب...
04/11/2025

🦷 تسوس عميق تحت اللثة – ناب سفلي #
كاين حالات وين التسوس يجي مخبي تحت اللثة، وهادي من أصعب الحالات 🔬
لازم عزل مليح ودقة كبيرة فالخدمة، باش المكان يبقى نقي والكمبوزيت يثبت كما لازم 💪

اليوم خدمنا هاد الناب في جلسة وحدة باستعمال كمبوزيت جمالي، والنتيجة جات طبيعية ومنسجمة مع باقي الأسنان ✨
الدكتور : حاج جيلاني بن شرقي
رقم الهاتف : 0654.803.806

كيفاش حتى يدير التسوس ؟علاه السن يولي فيه ثقب ياك هو صلب وقوي ؟في الفم كاين بكتيريا تعيش بشكل طبيعي، ماشي كلها مش مليحة...
13/10/2025


كيفاش حتى يدير التسوس ؟
علاه السن يولي فيه ثقب ياك هو صلب وقوي ؟

في الفم كاين بكتيريا تعيش بشكل طبيعي، ماشي كلها مش مليحة . كاين بعض الأنواع تحب السكريات بزاف 🍬

🔹 1. البكتيريا تستعمل السكر كطاقة
البكتيريا اللي في الفم (خاصة Streptococcus mutans) ما تقدرش تعيش بلا طاقة.
راح تقلي منين تجيبها الطاقة؟
الطاقة تجيبها من السكريات

🔹 2. اابكتيريا تبدأ في تحليل السكريات (التخمير)
كي توصل السكريات للفم، البكتيريا تدخلها داخلها وتبدأ عملية اسمها التخمير .

🔹 3. الناتج من عملية التخمير هذي = طاقة + أحماض
الطاقة راح تعيش بيها
والحمض ترميه فوق السن

🔹 4. الحمض هذا هو الخطر
حمض اللاكتيك يهبط الـpH في الفم (يعني يخليه حامضي بزاف).
(الطبقة الخارجية للاسنان) يبدا تذوب بسبب الحمض هذا بالدارجة لاسيد هو لي يذوب الطبقة الخارجية

🔹 5. النتيجة: التسوس يبدأ
كي يتكرر الأمر هذا وديما ناكلو سكريات يعني ديما كاين حمض فوق الاسنان
، يتكون تسوس.
خصوصاً في الأماكن اللي يتجمع فيها بقايا الطعام

ملخص بسيط بالدارجة
البكتيريا كي تلقى السكر تحولو ترجعو اسيد وكيما تعرفو لاسيد راه الحديد ويذوبو ،
علابالي لاسيد هذا ماهوش قاوي بزاف بصح كي يتكرر الامر كل يوم سكر وكل يوم قازوز وعصائر لي اصلا فيهم لاسيد .
يوم ورا يوم لاسيد هذاك لي هو غير شويييية راح بعد سنوات يحفر السن .
صاريلو كيما قطرة الماء فوق حجرة كل يوم تقطر عليها
مع انو قطرة الماء ضعيفة في القوة لاكن مع مرور الوقت راح تكسر الحجرة..
اذا عجباتك المعلومة بارتاجيها
واستناونا في منشورات اخرى توعوية

15/05/2025

يصف احدهم ألم اسنانه شعرا فيقول :

تمت إعادة علاج السن بعد أن تسلل إليه التسوس من الحوافتعود أسباب هذه المشاكل إلى عدة عوامل:لتفادي تكرار هذا المشكل، تم ات...
28/04/2025

تمت إعادة علاج السن بعد أن تسلل إليه التسوس من الحواف
تعود أسباب هذه المشاكل إلى عدة عوامل:

لتفادي تكرار هذا المشكل، تم اتباع عدة خطوات دقيقة، منها:

⬅️ تنظيف الحواف جيدًا بالاستعانة بعدسات مكبرة لضمان رؤية واضحة ودقيقة.

⬅️استخدام أقراص (disques) لإزالة البقايا.

⬅️استعمال جهاز التلميع الهوائي (aéropolisseur) لتحضير السطح بشكل مثالي.

⬅️استخدام الحاجز المطاطي (digue ) لعزل السن وضمان بيئة عمل نظيفة وجافة.

⬅️تطبيق مادة السيراميك (composite céramique) على شكل طبقات (couche par couche)، للحصول على التصاق مثالي ومتانة عالية.

كل هذه الإجراءات تهدف إلى تقديم أفضل علاج ممكن، وضمان عمر أطول للسن بإذن الله. فالأعمار بيد الله، ولكننا نسعى دائمًا لتقديم الأفضل.

في مثل هذه الحالات، حيث يمتد التسوس إلى أسفل اللثة، يكثر تواجد الدم واللعاب مما يعيق وضع مادة السيراميك بشكل صحيح.لذلك، ...
28/04/2025

في مثل هذه الحالات، حيث يمتد التسوس إلى أسفل اللثة، يكثر تواجد الدم واللعاب مما يعيق وضع مادة السيراميك بشكل صحيح.
لذلك، كان من الضروري عزل السن جيدًا باستخدام العازل المطاطي (Rubber Dam)، لضمان بيئة جافة ونظيفة.
بعد العزل، قمنا ببناء الجدار المكسور مع الحرص على ألا يحدث التصاق بين السن المعالج والسن المجاور، وأيضًا على عدم ترك فراغ قد يؤدي إلى تجمع بقايا الطعام.
بحمد الله، تمت العملية بنجاح مع احترام جميع المعايير العلاجية اللازمة.
نترككم مع الصور التوضيحية.

للاستفسار أو الحجز:
عيادة اليقين لطب الأسنان
العنوان: عين الدفلى، تحت فندق ناجم، بجانب المخبزة
رقم الهاتف: 0654.803.806

"تبسَّم فإنّ البسمةَ مفتاحُ القلوب"

علاج عصب لضرس علوي يحتوي على أربع قنوات، تم إنجازه خلال ساعة و45 دقيقة باستخدام تقنية الحشو الحراري.حاليًا في انتظار الج...
27/04/2025

علاج عصب لضرس علوي يحتوي على أربع قنوات، تم إنجازه خلال ساعة و45 دقيقة باستخدام تقنية الحشو الحراري.
حاليًا في انتظار الجلسة الثانية لاستكمال العلاج بحشو تجميلي بمادة الكمبوزيت (سيراميك).

ابتسامتك تهمنا... ثقتك مصدر قوتنا!

للحجز والاستفسار:
📍 عين الدفلى تحت فندق ناجم جنب المخبزة
📞 0654.803.806
أهلاً بكم في عيادة اليقين لطب الأسنان!

Retraitement
16/02/2025

Retraitement

Adresse

.. .
'Aïn Defla

Téléphone

213664847503

Site Web

Notifications

Soyez le premier à savoir et laissez-nous vous envoyer un courriel lorsque طبيب اسنان عين الدفلى حاج جيلاني publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter La Pratique

Envoyer un message à طبيب اسنان عين الدفلى حاج جيلاني:

Raccourcis

Partager

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram