27/10/2024
كاين بزاااااف آباء يجهاوا هذا الامر 😄
وانت كمختص عليك بالتوعية ❤
كي تحكم وليدهم الحمى !!!!!
يمدلوا aspegic !!! Algifen 😏عادات مورثة aspegic كنا نشربوها لكلش حتى كي كنت صغيرة مكنتش نفرق بينها و بين smecta 😂 الحمد لله على نعمة العلم🤲
مايعرفوش مساكن !!!!
بعض الاحيان خطأ البائع الصيدلي ( احدد بائع الصيدلي ،لان الصيدلي صراحة اثق فيه ) يقولك هو مدهولي ، و هي فالصح وليدك مريض علاه رحت للصيدلية 🤔
علابالكم هذي الادوية مصنفة ضمن les anti_inflammatoire !
معنتها ضد الالتهاب ! و شكون هي الخلايا لي تسبب التهاب ؟ هي الكريات البيضاء ! لي دافع على الحسم تاعكم !
يعني كي يدخل فيروس /بكتيريا للجسم الكريات البيضاء تروح تهاجموا تصرا حرب بيناتهم و البقاء للاقوى !
اذا انت مديت anti_inflmmatoireun ! راك رايح تنقص من وسائل الدفاع و بالتالي هذاك الفيروس او البكتيريا تغلبكم و يتفاقم المرض 🙁 عوض تنقصوه
Algifen = ibuprofene .
تقولولي طبيبة واش نمدو كي مانمدوش aspegic ؟
باراستامول اما على شكل :
Sirop = efferalgon
Suppo= doliprane
نمد sirop/supo :
♡اذا كان كفل عندو اسهال هاذيك suppo ماتشدلوش ،مدولوا sirop !
♡ اذا كان عندو قيء : هذام الدواء ماراحش يمتص يسما نمدولوا suppo
♡ اذا طفل طلعتلوا الحمى و هو راقد ، ماتنوضوهش مبعد تحصلوا فيه كيفاش يعاود يرقد ، مدولوا suppo
ايه الان شحال نمد من مرة فالنهار ؟
Suppo :
على حساب الوزن ، لازم توزنوا الطفل : لكل 1kg نمدوا 15mg من الباراستامول
الوقت بين 2 suppo هو 6 ساعات واش معناه؟ ديروا suppo ماحبطتش الحمى تزيدوا وحداخر هاذي ماشي حلوى 😄 لازم 6 ساعات بين 2 suppo .
مثال طفل يوزن 10 كغ
كمية الباراسيتامول لي تناسب وزنه : 15×10=150
Donc on ecrit sur l'ordonnance:
1_ doliprane(paracetamol) suppo 150 mg__________ 1 boite
1suppo chaque 06 heures si fievre !
Sirop:
Paracetamol(doliprane) sirop________ 1 flacon (flc)
01 dose de poids ( ddp) chaque 06h si fievre
واش معناه ddp : هذاك sirop فيه الداخل واحد tube مرقم (الارقام هي الاوزان ) تسحب الدواء و تتوقف في وزن الطفل .
ان شاء الله تكونوا استفدتوا من المعلومات ،لا تنسونا بخالص الدعاء 🤲
