16/06/2025
📌 وشنو الفرق بين الزيركون والسيراميك؟
👑 كاين زوج مواد يستعملوهم بزاف فتلبيسات الأسنان: السيراميك والزيركون. كل واحد فيهم عندو مميزاتو وعيوبو.
🔹 السيراميك (اللي فيه معدن):
يجي فيه معدن من التحت وتكون فوقو طبقة بورسلان.
يعطي منظر مليح، بصح كي يكون الضوء قوي (فلاش ولا ضو الشمس)، يبان المعدن، وتبان السن غامقة.
يقدر يسبب سمار فاللثة مع الوقت.
مناسب أكثر للأسنان لي ما تبانش بزاف (الخلفية).
🔸 الزيركون:
ما فيه حتى معدن، شكله طبيعي بزاف، خاصة الأنواع الحديثة لي ولات شفافة.
قوي بزاف ويتحمل الضغط، ما يتكسرش بسهولة.
ما يغيّرش لون اللثة وما يسببش حساسية.
يصلح للأسنان لي تبان ولا حتى للجسور.
⚖️ الخلاصة:
تحب منظر طبيعي؟ خيّري الزيركون.
تحوسي حاجة متوسطة الثمن وتستحمل؟ السيراميك فيه معدن يقدّي الغرض.
💬 ديري استشارة مع طبيبك باش يختارلك الأنسب حسب حالتك 😉
