Quel est le site Web ?

https://www.facebook.com/103946925286874/

Medical Student's Life, Algiers (2025)

06/08/2023

اوكاي ... لاباج خليناها لمدة طويلة .. لالا طويييييلة .. بالصح رانا ولينا ان شاء الله .. راح يكونو ادامنة جدد معانا .. راح تعرفوهم مع الوقت .. إن شاء الله تحبوهم .. و دمتم 😌
#المدير
#تشتشك

12/06/2023

#رسائلكم
سلام خويا يعيشك جوزلي مساج.
كاين وحدة مريضة بالسرطان وقالولها بلي كاين دوا يساعدها كي دير لاشيميو(يعني كي تشرب هاذ الدوا ودير لاشيميوتيرابي ماتضرهاش)
نوع تاع الدوا ماشي متوفر لقينا البديل ديالو (ماشي سور البديل ديالو الفارماسي قال هكا) حبييت نعرف هاذ الزوج نواع إيلا كيفكيف، لي عندو فكرة مايبخلنيش
جزاكم الله خيرا

21/04/2023

و ككل عيد من كل عام ،تتناثر و تتطاير التهاني هنا و هناك في غروب د برومو .. و كما تعودنا تعود جائزة اكبر تفاعل الى منشور الديليغي لا احد يعلم لماذا .. اما الباقي كل واحد و زهرو لي بارطاجا لول طاح مع الحماس ، و لي رياجاولو صحابو .. الخ الخ الخ

المهم صح عيدكم ،كل عام و نتوما بخير

10/04/2023

من منكم

04/04/2023

قبل قليل .. كنت نتفرج انتيك .. ايا قالك سمورة ندااء الى كل طالب "راه ناوي " يقرا طب غير بدل نيتك .. لماداا ؟ .. لانو صاي راه داتهالو الضاوية لي تحت تعليم و اشراف سليمان لي دارت وش مارااحش يدير الطبيب لي قرا عشر سنين و عامين اختصاص .. و نتوما خاوتي و خواتاتي وش نقولكم .. .. جيبو لو سوكري من عند الضاوية و إلا راح تتطفر عليكم

صح فطوركم

23/03/2023

صح فطوركم يا جميلين 🤍

22/03/2023

...
سلام خويا تعيش جوزلي الميساج تاعي راني نحوس على الدرايف تاع ريزيدانا فارماسي آلجي مع لي كور تاعهم اذا قدرت تلقاهم لي الله يسترك

21/03/2023

راهم قدامي زوج نساء في القطار .. مانعرفهمش .. وحدة مزوجة في رغاية و هي من بومرداس عندها زوج بنات وحدة فارماسيان مدولها لاڨريمون، حلت فالبيار غير كيما و لخرى تخدم فلوزين إيه .. مولات لاڤريمون خدمت في سانوفي ديجا .. في زوج ماشي مخطوبات و عندهم 27-28 سنة .. يماها عايشة وحدها في رمضان طيبلها الشربة مسكينة .. لخرى تحب تاكل كبدة مشرملة بالجلبانة .. تبعتها ليسطوما تاعك ديميسيوني، المهم لا علينا .. عندها خوها قاضي في عمرو 45 سنة .. خسارة كبير ولا كانت خطبتلو وحدة من بنات صحبتها القطارية .. إيه نتي وين تنزلي!؟ في بومرداس و نتي؟ ياااا جزناهاااا رانا في تيجلابين!!! فوالا الشح فيك مادام .. اتعلمي تحكمي بلاصتك و تزهينا بسكاتك .. إن شاء الله الخطرة الجاية تلقاي روحك في واد عيسي هادا واش ندعيلك🥺

15/03/2023

طالب طب
م لي يجيب الباك و هوما يباركولو ..
يجيب الباك يباركولو ..بعدها يسوتني يباركولو ..بعدها يجيب ريزيدانا كيفكيف ..بعدها يجيب DEMS يباركولو .. و عدا عن هادو قااع كي يطلع من عام لعام تان يباركولوو

و يقولك حياة الطبة ماشي مليحة و الطبة مساكن .. انها حياة مليئة بالتهاني خخخ

14/03/2023

عجبتني .. قلت نحطها ..

وقع حصان أحد المزارعين في بئر مياه عميقة لكنها جافة. بدأ الحصان بالصهيل طالباً النجده، استمر على هذا النحو عدة ساعات.

كان المزارع حينها يدرس الموقف ويفكر بكيفية أستعادة الحصان؟ لم يستغرق الأمر طويلاً كي يقنع المزارع نفسه بأن الحصان قد أصبح عجوزاً وأن تكلفة استخراجه تقارب تكلفة شراء حصان آخر.

هذا إلى جانب أن البئر جافة منذ زمن طويل وتحتاج إلى ردم.
نادى المزارع جيرانه وطلب منهم مساعدته في ردم البئر كي يحل مشكلتين في آن واحد (التخلص من البئر الجاف، ودفن الحصان)، وفعلاً بدأ الجميع بالمعاول والجواريف في جمع الأتربة والنفايات وإلقائها في البئر .

في بادئ الأمر .. أدرك الحصان حقيقة ما يجري، فأخذ بالصهيل بصوت عال يملؤه الألم وطلب النجدة وبعد قليل من الوقت اندهش الجميع لانقطاع صوت الحصان فجأة؛ فأعتقدوا بأنه مات .

نظر المزارع إلى داخل البئر فصعق مما رآى؛ 👍🏽
لقد وجد الحصان مشغولاً بهز ظهره، وكلما سقطت عليه الأتربة يرميها بدوره على الأرض فيرتفع هو بمقدار خطوة واحدة للأعلى.

هكذا استمر الحال، الكل يلقي الأوساخ إلى داخل البئر فتقع على ظهر الحصان فيهز ظهره فتسقط على الأرض حيث يرتفع خطوة بعد خطوة إلى أعلى، وبعد فترة من الزمن اقترب الحصان للأعلى فقفز قفزة بسيطة وصل بها إلى خارج البئر بسلام.

الهدف من هذه القصة هي ان الحياة تلقي بأوجاعها وأثقالها ومخلفاتها عليك، فأما أن تدفنك وإما أن تلقيها من على ظهرك وترتقي.
- بمعنى أنك كلما حاولت أن تنسى همومك فهي لن تنساك وسوف تواصل إلقاء أثقالها وأتربتها عليك .

✨وكل مشكلة قد تواجهك في الحياة هي حفنة تراب يجب أن تنفضها من على ظهرك كي تتغلب عليها وترتفع بذلك خطوة للأعلى.

✨وكل شخص سلبي أو غير سوي قد تصادفه في حياتك قد يؤلمك بسلوكياته الغير سويه أو ممارساته اللا أخلاقيه ألقيه من فوق ظهرك لترتفع .

✨انفض مخلفات الحياة لا تتوقف، لا تستسلم أبدا..
واجعل يقينك بالله ورحمته لا يتزعزع.
ومهما شعرت أن الآخرين يريدون دفنك حيّا لا تستسلم.
[أَلَيْسَ اللَّهُ بِكَافٍ عَبْدَهُ]

05/03/2023

في أيام مضت ، إن شاء الله مايولوش .. رحت ندير فورماسيون .. تقولولي وش من فورماسيون ؟ .. soins infermiers .. تقول ماكفانيش سبيطار .. لا علينا ، كي لحقت قلت صاي السطاد سطادي و انا نلعب فيه ،بحكم شفت مقبل و سييت مقبل .. صبرت روحي و اعتبرتها تثبيت للمعلومات .. ايا لحقنا ل injection musculaire .. فهموها انتيك بيان ،اووب جوز ل لابراتيك .. بداو يجوزو بالواحد ... لي ماياسبيريش .. لي مايكونش سريع .. و انا في تلك الأثناء نتخيل في روحي شيكورهم .. نديرها بدون غلطات و لا شيء .. لحقت دالتي بسم الله .. دخلت الابرة .. تعوجت :)) .. ااه ؟! اصبروا و الله نعرف نديرها .. حمدتها لي جات ف ماكات ، جررت وش بقى من ما وجهي و عدت لبلاصتي ...

03/03/2023

«هــوِّن عـلـيـك فـذا طـريـقٌ رابِــحٌ
تـرضـى به يـومَ الخـلائـقِ تجتـمِـعْ

لمـا يـنـالُ المُخْـلِصـون أجـورَهـم
ويفوزُ من طَـلَـب العلـومَ ويرتـفِـعْ»

جمعة طيبة .. بالتوفيق 🥀

15/02/2023

أبطال ..
نندهش كل يوم من قوتهم و صبرهم .. فاللهم زدهم قوة و إرادة و طهر أجسادهم ،رب أبدل ألمهم شفاء يثلج ارواحهم يا شافي يا رحيم ..♡

15 فيفري .. اليوم العالمي لمرضى السرطان

09/02/2023

تلاقيت بفيديو منذ قليل .. قالك لوكان يبقالك نهار واحد فحياتك وش تدير فيه .. اي شخص مسلم عاقل يحوس يتقرب من ربي سبحانو .. كيما كان الحال كانو اجابات من هذا النوع نتوب ،نصلي .الخ .. و الاجابة الفريدة من نوعها من واحد الطفلة مالغري فيها الصلاة ،جاءت كالتالي : مع لول نروح نشوف sunrise ، آي ويل pray ، نروح للبحر ،و نروح للجبل ،ان شاء يكون يطيح التلج باش نروح الشريعة إي توو .. يا الشكب تموت فالسركالة هاديك .يخلاص النهار فطريق .. ضحكتني بصح توحد ربي و الله

06/02/2023

(اصْبِرْ لِحُكْمِ رَبِّكَ فَإِنَّكَ بِأَعْيُنِنَا وَسَبِّحْ بِحَمْدِ رَبِّكَ حِينَ تَقُومُ)

03/02/2023

انا مانقدرش نقرا الصباح ، نقرا ف الليل
انا ايضا فالليل :
يا خبر !! .. الساعة اثنا عشر

01/02/2023

لن يتغير أي شيء .. إن لم تتغير ♡

25/01/2023

طوال مسيرتي الدراسية و انا نتلاقا بناس "من العائلة " يقراو فالبلاصة لي نقرا فيها .. لي اكتسحت الساحة ،غلبتهم قاع وحدة فاميلتي انا كبير عليها .. يعني خباري واصلين واصلين لدارنا و للعائلة و للناس قع .. انتيك ، لحقت لافاك قلت هاديك هي أخيرا نجوت .. حتى جابت الباك و لحقتني .. يا يما ، لقد غرقت مرة أخرى .. بصح انتيك لافيشاج تاعها لخر جابت 6 .. قلتلها وش درنا ؟ .. قاتلي وش راك تتهدد فيا ؟ .. قلتلها نوو راني نعقد هدنة معاك .. استريني و نسترك ،هادي هي لازم عليك تقبلي .. رانا فيها

Medical Student's Life