Medicine nerds

15/02/2026

ما نحتاج والو من هاذ الدنيا غير أني ما نزيدش نعيش ڨارد مخلطة كي تكون دالتي ... لاه يعني لاه ملي كنت ايكستارن و انا كي نحضر تتخلط

#باندا

15/02/2026

بش ترفد la pratique ويعلموك فالمدسين ، يليق تكون طفلة..

حنا الاولاد لنا الله ..

أوس

13/02/2026

كاين فئة من الشعب بزاف mechante ..

جا للاستعجالات طفل صغير كان بلع قطعة نقدية 10 DA وكانت فالمريء ، والديه. كانوا بزاف مخلوعين و هادي حاجة طبيعية ..كانوا يحللوا فينا نديروا اي حاجة .. بصح هادي خدمتنا نديروها بلا هاد شي .

ايا فهمناهم واش كاين بلي لازم نديروله hospitalisation وكيفاه نديروا geste حتى نقلعوه .. بصح عندنا مشكل réa pediatrique ..راها garde vide يسما يستنى حتى يوم الغذ ..

شوي هكذا حتى حس الطفل بلي هودت l’estomac ، درنا radio de contrôle لقيناها هودت ، سلامات فاتت على خير ، الطفل ضرك مايحتاج حتى geste مي لازم يبقى فقط متابعة عند طبيب الاطفال ..

وحنا نهدروا نفهموا فيه واش يدير ووين يروح و يكمل la prise en charge رفد الطفل من يديه قالنا الله يعاونكم الله يعاونكم وخرج وحنا نهدروا ..

اوس / راح نولي توكسيك ..

13/02/2026

_ يلحق رمضان نتفكر روحي مين كنت ايتيديون ... البؤس .. نوي بلونش .. تفوت اڨزاما ... تولي ترقد ... تفطن مع اذان العشاء ... تفطر بكاس حليب و حبة كرواصون .. سي مالوغو شوية ... بصح انتيك كانت حلوة و كنا حامدينها .. تربينا نشوفو للناس لي تحتنا ... كاس حليب مالقاهش ؟ .. بدون إطالة .. لهذا قررنا حنا مجموعة من الروازدن نديرو مبادرة " قفيفة رمضان" ...

si vous êtes intéressés .. plus de détails sur mon compte Instagram .

67 Followers, 24 Following, 0 Posts - See Instagram photos and videos from Docteur.armandou ()

13/02/2026

كل زفير أهل الأرض لا يغير مسار غيمة ... فإن أراد الله لك الخير ساقه لك و لو على ظهر عدوك

#باندا

12/02/2026

ندير طب و نتخرج و كي نخدم نولي ندور غير بطوموبيل أودي
أنا مع أهل الباصيون بعدما لقاوني دايرة سطوب و حلفو يوصلوني

#باندا

12/02/2026

"لن ينتهي البؤس أبدا يا ثيو "
-فنسنت فان غوخ -
#باندا

11/02/2026

كي نديڤوتي وتسماطلي ، نتفكر بلي مكانش ERCF في حياتي … تعاود ترجعلي الروح ..

اوس.

11/02/2026

الحاجة الشابة ..

كي يدخل عندك مريض يكون en état critique ويكون يحتاج une prise en charge نت تخدم خدمتك مريڤل و الاهل يكونوا متفهمين ومتعاونين ويوقفوا على المريض …

كي تشوف les résultats يرتاح وكاين استجابة للعلاج ، المريض يفرح و نت تفرح و les parents يفرحوا و مرة على مرة يخدعك بدعوة شابة

شعور انتيك ❤️

10/02/2026

كاين وحد العفسة راح نصدمكم و احرزوا رواحكم منها …

كاين des agents يجيبولكم المرضى و يقلك هذا parent اذا تقدر تشوفه ،ايا نت من نيتك وزعما دير فالخير .. مي فالصح راه يخلص عليهم ويقلهم نص ليا ونص للطبيب …

أوس.

09/02/2026

ونا ناوي نديها sage femme شانكتب هنا ضك ، حصلتونا …

أوس.

06/02/2026

الطبيب كي يكون garde فالاستعجالات ، يشوف عدد كبير وهائل من الحالات منها من لايتطلب فحص استعجالي ..
يليق كل مريض تعطيه حقه و وقته اثناء الفحص و ماتتهاونش معاه و ماتفوت حتى حاجة ..

هكذا راح توصل لنقطة وين تتعب وتبدا تتراجع قدراتك العقلية و ينقص التركيز والاستيعاب ..

كنت garde لحقت 04:30 صباحا ، تعبت وغلبني النعاس و فقدت التركيز .. كنت نشوف في طفل تقريبا مرتين نعاود الوصفة لاني نكتبها على اساس انسان بالغ ،كي نكمل نفيق بلي غلطت ونعاود من جديد ..

مريض اخر كنت نكتب في certificat وتوقفت لمدة 3-5 دقايق ونا نستحضر في كلمة perte de substance ..

العقل البشري كي يخدم مدة طويلة و يرهق يليق يرتاح لانه درجة الاستيعاب و التركيز تقل، حتى يجدد النشاط و يسترجع الطاقة ....

نحن لسنا روبوتات وشكرا

أوس