Medicine nerds

28/12/2025

يالارجنتين رانا جاييين 😭❤️❤️❤️

26/12/2025

لبنات مساكن فيسع يكلحوهم…

تلقاها جاية ضعيفة وتحب تزيد le poids ، سيرتو فالمناسبات زواج وخطوبة وكذا ، بش يبان عندها corps شباب .. تروح لعند لعشاب يعطيلها خلطة مدغول فيها les corticoïdes ..مع لول تبانلها راها تسمان مي فالصح corticoïde راه يخلطلها les paramètres لداخل .. ماتربح صحتها مادير لاطاي شابة ..تولي تشبه لوردة شارلمونتي ..

تعرف واش يديروا les corticoïdes !اهبط تشوف لي كومنتار

24/12/2025

واحد يحكم لاباج دقيقة عندي هدف نماركيه على السودان ونجي …

أوس

22/12/2025

انتارن وسمعت رزيدون يعيطلك " الحكيم " .. اعرف بلي راح تروح لتيندوف زحف .

اوس

22/12/2025

بريدي موب ماله😃😃😃

21/12/2025

حتى واحد مايكذب عليك ..

لي سطاج لي ديرهم فلاكستارنا وفلانتارنا ( اذا سرفيس مليح مارانيش نحكي على التهمبير ) راح ينفعوك بزاف .. تعرف les CATs ، كيفاه تجيري الحالة ، كيفاه تتصرف ، كيفاه تتعامل مع المرضى ، كيفاه توجههم ، تهدر معاهم ..

ضكا خدمت 04 gardes ، ماحسيتش روحي out ولا تايه ،ولا جديد فالسرفيس ، كي تشوف حاجة كبيرة عليك تشاور l’avancé ..
هكذا ويبقاو نقائص مع الوقت تولي تعرفهم ومع الخدمة تزيد تتعلم ..

لي عنده الوقت يبروفيتي ❤️

اوس

21/12/2025

اكتر حاجة تستفزني في الفيسبوك... هداك لبوست لي تحطوا وحدة راحت لطبيب وتصور وش مدلها دوا وتقولهم لبنات وش رايكم الدوا هدا يفيد ولا لالا؟وفي الغالب تكون راحت لبوليكلينيك ولاسبيطار برك بسك الله غالب ماعندهاش باش تروح بريفي...تحسب طبيب نتاع سبيطار كان يزرع في البطاطا مشي يقرا..
لا علينا... اايا ويطيحوا عليها فلي كومونتار... ام قدور تقولها ديري الخلطة الفلانية وام جعفر تقولها انا رحت لخالتي فلانة قطعتهالي ضربة ضربة😃و وحدة تقولها ااا هدا دوا مدولك على جال ليسطوما؟ انا كنت نشربو كي كان عندي حجرة في المخ... حاسبين كل حاجة عندها دوا سبيسيال وادا تمد لحاجة خلاف طبيب هداك مايعرفش... المشكل وين انو لي حطت لبوست تامن ڨاااع وش يقولولها...
ولا هديك لي تصور وتقولهم هدي وش نديرلها ويبداو يدبروا عليها تسمع لكامل النصائح غير لهداك لي يقولها روحي لطبييب😃😃..

المهم الواحد يدورها اعشاب شوي زعتر شوي حنتيت وهي فرات...

#ماروكو

20/12/2025

يسما جنيكو في دزاير ڤاع نفس الصنعة ؟

18/12/2025

كي يكون عندك مريض وشفت حاجة غير عادية ولا شكالك من حاجة تقلق فيه .. ماتقلهش دبر راسك ولا ماتسقسينيش هادي خاطي specialité تاعي ..لأنو لوكان جا يعرف ماراحش يشكيلك ، هو هدر معاك حاب يدي رايك ولا يدي نصيحتك ..
على الاقل وجهه ولا اعطيه نصيحة لانك قبل ماتكون résident كنت médecin généraliste وقريت 07 سنين فالطب ..
كاين حوايج basics فالطب تقدر تتصرف فيهم وحدك ..

أوس

18/12/2025

_ سلام عليكم .. آرماندو لي ما زال شافي عليه ، تفضلو صفحتو الجديدة

https://www.facebook.com/share/17cdZt9kdg/

اللهم باعد بيننا و بين الحاقدين 🤲.

16/12/2025

كاين وحد الجاست يديروه بزاف البنات ، وهو تصرف خاطئ .
كي تجي دير لفة خمار ، تحط épingle في فمها ، هنا يقدر في يفوت فالمريء و الاكثر خطورة يفوت فالمجاري التنفسية ..في حذ ذاته يقدر يدير مضاعفات كيما les infections ، النزيف ، يمشي لمكان اخر ، مشاكل فالتنفس … الخ . بلا مانهدر على مضاعفات التخذير العام بش نحوه .

من الاحسن تتجبوا التصرف هذا .

13/12/2025

القايلة والسخانة 45 ، الماتش مع الزوج تاع الڤايلة … سطاد يشبه لحقل تاع بطاطا ، الزمارات فالسطاد ، السحور .. لاربيطر نحالك زوج بينالتيات و وهدف صحيح حسبه تسلل.. يبدا الضغط و الخوف ..تخرج كالكيلاتريس وتبدا تحسب ، اذا نطلعوا ولا لالا ..

نهار هداك يطيحلك تيدي وديجا يكونوا عندك زوج غيابات ماتربح ماتش ماتربح قراية ..

قريبا ..