Quel est le site Web ?

Fahamni f'Sahti

Page d'Accueil
Algérie
Algiers
Fahamni f'Sahti

فهمني فصحتي تعتني بصحتكم و تفهمكم بكل بساطة في كل أنواع الأمراض، المعروفة و اللي ماشي معروفة، باش تحافظو على صحتكم وعلى صحة أقاربك

فهمني فصحتي تعتني بصحتكم و تفهمكم بكل بساطة في كل أنواع الأمراض، المعروفة و اللي ماشي معروفة، باش تحافظو على صحتكم وعلى صحة أقاربكم

تعتمد صفحة فهمني فصحتي على خبراء في الصحة باش توفرلكم أجود و أقيم النصائح

راسلونا عبر الخاص أو عن طريق البريد الإلكتروني باش تطرحولنا أسئلتكم ولا تحكو لنا على تجربتكم ولاتجربة واحد من الأقارب تعكم

fahamni.sahti@gmail.com

التحقو بنا في الفايبر : https://invite.viber.com/?g2=AQBbHTvpJLVfPU3fROxMryk4AzbYp%2FgqaaVyIB3FYT4XLLvg7swzZmpOH%2BKliO8o

25/04/2023

بزاف أطبة ينصحو الوالدين لي عندهم رضيع باش يشرو ماص المفرزات الأنفية لي تساعد الرضيع باش يتنفس مليح كي يكون نيفو مبوشي

فهمني في صحتي توجهكم باش تستعملو ماص المفرزات الأنفية بالطريقة الصحيحة

#الصحة #الوقاية

30/03/2023

الإلتهابات في الجهاز التناسلي هيا عدوى تصيب جميع رجل وجميع إمرأة علا الأقل خطرة في حياتهم، علاجها يتمثل في مضادات حيوية يمدها طبيب للمريض، بصح كي المصاب مايداويهاش قادرة تسببلو العقم

فهمني فصحتي ديما هنا باش تبينلكم بليك العلاج في وقتو أفضل وقاية

#الإلتهابات #الصحة #الوقاية

27/03/2023

سرطان الثدي مرض سامط، الأعراض ديالو مينداك مايبانوش، علاهاديك كل إمرأة لازم دير تشخيص باش تحمي روحها وتكون مهنيا

وماننساوش بلي كاين شحال من إمرأة قاومت سرطان الثدي وبرات منو بعدما تبعت العلاج ديالها

فهمني فصحتي تشارك معاكم تجارب غيركم باش تفيدكم

#سرطان #الصحة #الوقاية

13/03/2023

علابالك بلي المرأة الحامل ممنوع عليها تاكل اللحوم لي ماتكونش طايبة مليح خاطرش قادرة تتسبب في الإصابة بمرض داء المقوسات، مرض يضر الجنين

هاد المرض ماعندوش أعراض علا المرأة الحامل ومايبانش علاهاديك لازم دير التحاليل كل 4 سمانات وإذا حكمها هاد المرض، تاخد العلاج لي يمدهولها طبيب ومور الولادة يعالجو الطفل ديالها

لازم على المرأة الحامل تحمي نفسها قبل ما تعرض روحها والجنين ديالها لهاد المرض
فهمني فصحتي ديما تنصحكم وتوعيكم

#الصحة #الوقاية

09/03/2023

الكيس المائي مرض يجي من مكروب ينتقل مالحيوان ولحم الحيوان والخضر والفاكية كي ماتكونش مغسولة مليح

هاد المرض ماعندوش أعراض ومينداك يقدر يسبب وجع في البلاسة لي يكون فيها ولوكان يبطا في الجسم رايح يكبر ويقدر ينتشر ويقيس أعضاء مهمة كيما الكبد، القلب والمخ

بصح كي يفيقولو في الوقت يديرو عملية للمريض وينحولو الكيس المائي، علا هاديك لازم نديرو التحاليل كي نحسو بأي وجع ماشي عادي في جسمنا

فهمني فصحتي تحب توعيكم

#الصحة #الوقاية

27/02/2023

الفطريات بين صباعتين ولا في دفارتين هيا بكتيريا تسبب إلتهابات، سامطة باش تروح حتا بالدوا بصح تبرا

عند الشخص المصاب بالسكر تولي خطيرة وتتكاثر بالخف وتقاوم بزاف للدوا، المصاب يقدر يجوز شهور وشهور وهوا في سبيطار يعالج فيها ، علاهاديك كي يجوه فطريات لازم يشوف طبيب في أقرب وقت

فهمني فصحتي تخمم فيكم وفصحتكم
#الفطريات #الصحة #الوقاية

23/02/2023

الا كنتوا مراض بالصرع ما تنساوش تاخدوا الدواء ديالكم، و في حالة ما والمكمش العلاج استشيروا الطبيب باش يعطيكم دواء يساعدكم وما تزيدش تدهورحالتكم.
فهمني في صحتي ديما هنا باش تسمعكم.

#الصحة #الوقاية #الصرع

20/02/2023

بزاف ناس ما تعرفش تتعامل مع شخص في حالة نوبة صرع.
اليوم حبينا نبارطجيو معاكم كيفاش تقدروا تعاونوا شخص اثناء النوبة.
فهمني فصحتي ديما معاكم باش تنصحكم وتوعيكم

#الصحة #الوقاية #الصرع

18/02/2023

مرض الصرع، مرض ما يعديش.
ماتخافوش من شخص اثناء نوبة صرع، سييو تحمولوا راسوا برك واقعدوا معاه حتان تجوز النوبة.
ونتوما كانت عندكم تجربة مع واحد مريض بالصرع؟
شاركوا معانا تجاربكم في الخاص

-être
# الصحة #الوقاية #الراحة-النفسية #الصرع

16/02/2023

علابلكم بلي كي الطفل الصغير تحكمو بزاف الحمة يكون اكثرعرضة للإصابة بمرض الصرع.
ماتستهزاوش باولادكم وادوهم للطبيب في حال ما تكون عندهم الحمة بزاف.
فهمني فصحتي ديما معاكم باش تنصحكم و توجهكم

#الصحة #الوقاية #الصرع

14/02/2023

14 فيفري هو اليوم العالمي لمرض الصرع.
الصرع هو اضطراب دماغي مزمن يقيس 50 مليون شخص في العالم، وهاد المرض يتميز بنشاط كهربائي غير عادي في المخ، و يسبب نوبات صرع و يقدر يخليه يفقد الوعي أحيانا.
يصيب الصرع كامل الفئات العمرية، ولكن يظهر في أعلى مستوياته عند الأطفال ولي عمرهم فوق الستين.

#الصحة #الوقاية #الصرع

02/02/2023

ضغط الدم الشرياني مرض شائع، بزاف ناس تعاني من هاد الحالة ولا عندها فرد من عايلتها عندو هاد المرض.
باش نحافظو على صحتنا و نقدرو نساعدو غيرنا، مليح نعرفو نستعملو جهاز قياس ضغط الدم.

مستوى ضغط الدم الطبيعي يكون بين 120 ملم زئبق/70 ملم زئبق، بصح هاد النسبة تختلف علا حساب العمر، الرجل، المرأة والحامل، علاهاديك لازم نشوفو طبيب باش نعرفو إذا كان الضغط ديالنا مرتفع ولا منخفض

#الصحة الوقاية # الراحة_النفسية # جهاز_قياس_ضغط_الدم #

Adresse

Algiers
16000

Site Web

https://web.facebook.com/fahamni.sahti/

Notifications

Soyez le premier à savoir et laissez-nous vous envoyer un courriel lorsque Fahamni f'Sahti publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.