Quelles sont les heures d'ouverture ?

Lundi 09:00 - 17:00 Mardi 09:00 - 17:00 Mercredi 09:00 - 17:00 Jeudi 09:00 - 17:00 Samedi 09:00 - 17:00 Dimanche 09:00 - 17:00

Quel est le site Web ?

https://www.facebook.com/202928986244507/

Dr Medjdoubi - Pédiatre baba ali Saoula, baba ali, Algiers (2025)

12/10/2025

إنتهاء الحرب لا يعني تمويل الحرب القادمة
دمتم مقاطعين 💔💔💔

09/10/2025

🌸
من أصعب اللحظات على الأهل لما يشوفو صغيرهم مريض أو متعب... 💔
ولا شيء يريح قلوبهم و يهدىء روعتهم من ان يكون طفلهم بين أيدي طبيب يفهمهم ، يطمأنهم، و يسمعهم بصدق — فقد ترتاح القلوب قبل الأجساد

في عيادة طب الأطفال و حديثي الولادة د. مجدوبي، نرافق صغاركم من أول أيام حياتهم،
خطوة بخطوة، مع متابعة دورية و مستمرة

كما نضمن لكم متابعة مختصة
في كل ما يتعلق بـ 🌟
الأمراض الصدرية.
🌟أمراض الغدد🌟 خاصة مشاكل نقص النمو و كذا البلوغ المبكر ،
🌟مع متابعة خاصة ايضا لمرضى السكري..
🌟و كذا المتابعة الدقيقة للأمراض المزمنة،
و العارضة بإحاطة طبية شاملة تجمع بين العلم، الخبرة، والراحة النفسية.
❤️.

في عيادتنا، الطب ليس فقط علاج… بل علاقة ثقة ورعاية ممتدة.

للاستشارة والمتابعة الصحية المتخصصة 💬
يرجى الاتصال لاخذ موعد 📅 على رقم العيادة
0555324298
✨ صحة اطفالنا أمانة… ورعايتهم مسؤوليتنا.

#سحاولة

08/10/2025

10 طرق طبيعية باش نقوّيو مناعة البيبي 💪🌸 (بدون دواء) 🍼
بزاف امهات يقولولي:
“كل مرة وليدي يمرض ، واش نقدر ندير باش نرفع مناعتو؟”
اليكم 10 عادات بسيطة وفعّالة 👇
لرفع المناعة طبيعيا عند الطفل

1️⃣ الرضاعة الطبيعية:
أقوى سلاح طبيعي 💪، تعطي طفلك الأجسام اللي تحميه من الميكروبات.
2️⃣ الهواء النقي:
خرجيه شوية للهواء الطلق كل يوم (حتى في الشتاء، دقائق تكفي 🌤️).
3️⃣ شمس الصباح:
فيتامين D ضروري باش الجسم يحارب الأمراض ☀️.
4️⃣ نوم كافي وهادئ:
البيبي اللي يرقد مليح ، مناعتو تخدم بالراحة 😴.
5️⃣ اللمسة و الحضن:
تلامس الجلد للجلد الام لرضيعها يعزز الأمان النفسي والمناعة ❤️.
6️⃣ المعدة السعيدة = مناعة قوية:
انتبهي لهضم البيبي، لا تغيّري الحليب فجأة، وراقبي الفضلات 👶 وخاصة احرصي على تقديم الاكل الصحي له
7️⃣ نظافة معتدلة:
ماشي كل حاجة تعقميها! لازم جسمو يتعرّف شوية على الجراثيم باش يبني دفاعاتو 🧼✨.
8️⃣ غذاء صحي للأم (إذا ترضع):
كولي خضرة، فواكه، حبوب كاملة، وابتعدي عن السكر الزايد 🍎🥦.
9️⃣ شرب الماء :
الماء يخلص الجسم من السموم يحسن الدورة الدموية و يزيد مناعة الانسان 😌.
🔟 ضحك ومرح:
اللعب والضحك مع الطفل يرفع هرمونات السعادة اللي تقوّي المناعة! 😄💖

#سحاولة

06/10/2025

كي نبداو مرحلة ادخال الطعام للبيبي لازم نأخد بعين الاعتبار بزاف حاجات مثل سنه و قدراته على المضغ و البلع و كدا مراحل التسنان عنده و لازم ندير في بالي ماشي كلشي مسموح في طعام الرضيع خاصة قبل اتمامه عامه الأول
في ما يلي بعض الاطعمة الممنوعة عند الرضيع قبل عمر السنة:

1. العسل الطبيعي
❌ ممنوع تماماً قبل سن سنة.
🦠 قد يحتوي على بكتيريا البوتيليزم التي تسبب التسمم الغذائي الخطير.

2. حليب البقر الكامل (كشراب رئيسي)
❌ لا يُعطى كبديل لحليب الأم أو الحليب الصناعي.
🍼 لا يوفر الحديد الكافي ويصعب هضمه .

3. بياض البيض النيء أو غير المطبوخ جيداً
❌ يزيد خطر الإصابة ببكتيريا السالمونيلا.
🥚 يمكن إعطاء البيض كاملًا مطهوًا جيدًا بعد الشهر السادس .

4. السكر المضاف والحلويات
❌ يُسبب تسوس الأسنان ويؤثر على الشهية.
🍬 تجنب العصائر المحلاة والمربى والحلويات المصنعة.

5. الملح
❌ يضر الكلى غير الناضجة.
🧂 لا تضف ملحًا لطعام الرضيع.

6. المكسرات الكاملة أو القطع الصلبة
❌ خطر الاختناق.
🥜 يمكن اعطاءها للطفل مرحية او مهروسة .

7العصائر الصناعية
❌ مليئة بالسكر و المواد الحافظة، قليلة الفائدة.
🧃 الماء وحليب الأم هما الأفضل.

8. الأطعمة القابلة للاختناق
مثل:
🍇 العنب الكامل
🥕 الجزر النيء
🌭 قطع السجق والنقانق
🍿 الفشار
🍬 الحلوى الصلبة
> 🛡️ يجب تقطيع أي طعام صلب إلى قطع صغيرة جداً وطرية.

9. الأسماك الغنية بالزئبق
❌ مثل: التونة البيضاء، سمك أبو سيف.
🐟 الأفضل إعطاء الأسماك قليلة الزئبق وبكميات محدودة.

10. منتجات الألبان غير المبسترة
❌ قد تحتوي على بكتيريا ضارة.
🧀 استخدم فقط منتجات مبسترة وخاصة للأطفال.
---

✔️ تذكير:

إدخال الطعام يبدأ بين الشهر الرابع و السادس تدريجيا ، كما يجب أن يكون طريًا ومهروسًا. جيدا

كل طعام جديد يُقدّم لوحده لمدة 3 أيام لمراقبة التحسس.

استشيري طبيب الأطفال دائمًا قبل إدخال أي نوع جديد.

#سحاولة

28/09/2025

🌸 من الأخطاء الشائعة والمتسببة في الفطام المبكر هي إضافة الحليب الصناعي 🍼
🔹️ إما للتخفيف من تعب الرضاعة الطبيعية 🤨
🔹 ️او ظنا ان الرضيع لا يشبع 🙄
🌸 فتكون النتيجة وخيمة على الرضاعة الطبيعية 👎
🌸 فنقص الطلب أي عدد الرضعات ينقص من إنتاج الحليب تدريجيا 🧠 الى ان يجف
🌸 كما أن طعم الحليب الصناعي الحلو 🍬 يجعل الرضيع يستسيغه أكثر وتدفقه العالي يجعل الرضيع يشبع أكثر فيرفض الرضيع حليب الثدي الأقل حلاوة والأقل كثافة وتدفق
🌸 والنتيجة هي التخلي عن الرضاعة الطبيعية ⛔ للأسف مع كل ما تحمل من فوائد ذكرتها سابقا
🌸 لذا استشيري سيدتي طبيب الأطفال 👩‍⚕️ قبل إدخال الحليب الصناعي فهو الكفيل بتقييم مدى الحاجة إلى هذا الحليب

#سحاولة

لاخد موعد بالعيادة يرجى الاتصال ب
0555324298
💗 الرضاعة الطبيعية أفضل هدية 🎁 تقدميها لطفلك ❤

21/09/2025

✨📚 نتمنى لكل اطفالنا الاعزاء عودة موفقة مليئة بالنشاط و النجاح 🌸
ربي يفتح عليكم أبواب العلم و المعرفة، و يجعل هاد العام الدراسي خطوة جديدة نحو التفوق و تحقيق الأحلام 🙏💡 🌸
نتمنى لكم عودة مليئة بالفرح، و أيام عامرة بالضحكة و الأمل.
ربي يحفظ خطواتكم و ينور دروبكم بالعلم و النجاح 🌸📚

كما نعلم متابعينا الاعزاء ان العيادة في خدمتهم من السبت الى الخميس من 9 الى 17
لاخد موعد بالعيادة يرجى الاتصال بالرقم
0555324298
نشكركم على ثقثكم الدائمة

08/09/2025

نعلم مرضانا الاعزاء ان العيادة ستكون في عطلة من 09 الى 21 سبتمبر.
هاتف الصفحة يبقى متاح عبر الواتساب ، الفايبر و المسنجر
تمنياتنا بالصحة و العافية للجميع
#سحاولة

0555324298

18/08/2025

نعلم مرضانا الاعزاء ان العيادة لا تزال في خدمتهم الى اواخر شهر اوت بإذن الله .. سنعلمكم مسبقا بتواريخ العطلة السنوية ان شاء الله
#سحاولة

لأخد موعد بالعيادة يرجى الاتصال ب
0555324298

05/08/2025

🍼💛 الرضاعة الطبيعية... قصة كفاح ، مايش سهلة، بصح فيها حب كبير ما يتوصفش 💛🍼

بمناسبة الأسبوع العالمي للرضاعة الطبيعية حبيت نتطرق للموضوع من الجانب الانساني بعيدا عن الجانب العلمي لي اكيد لا يختلف اثنان فيه عن فوائد الرضاعة الطبيعية

الرضاعة الطبيعية ماهيش اكل فقط
هي حضن دافئ
هي لمسة حنان
هي لغة غير مفهومة للأخرين لكنها مفهومة بينك و بين ابنك

كاين لي تشوف صور الرضاعة الطبيعية وتقول: "آه شحال ساهلة وحلوة!"
لكن الحقيقة؟ 💭
الرضاعة فيها لي مايتحكاش…
فيها دموع وسط الليل، فيها قلة نوم، فيها تعب نفسي وبدني،
وفيها نظرات الناس والأسئلة الغريبة:
"مازال ترضّعي؟"،
"راهو كبير خلاص!"
"ما يكفيهش الحليب تاعك؟"

👩‍🍼 كل أم مرت بتجربة مختلفة: كاين لي واجهت ألم وتشققات،
كاين لي قلّ الحليب عندها،
وكاين لي حست بالذنب كي ماقدرتش تكمل…
بصح، في وسط كل هاد الصعوبات،
كاين لحظة سحرية،
كي يرضع البيبي، ويسكت، ويشوف فيك،
وتحسي بالسكينة في قلبك…
هديك اللحظة، تعوّض كل شي.

❤️ صدّقيني، البيبي تاعك يشوفكِ بطلة…
يشوف فيك أمان، دفء، وحب مايتعوضش.

🎀 الرضاعة الطبيعية مشي واجب مفروض، هي اختيار،
واختيار صعيب أحياناً،
بصح راهو أعظم هدية تقدميها لطفلك.

🎯 لهذا، في هاد الأسبوع العالمي للرضاعة:
لازم ...
نوقفو مع بعض
نشجعو بعض
وما نحكموش على بعض

لكل أم ترضع، أو حاولت، أو قررت تتوقف،
نقولك: راكِ عظيمة.
النية تاعك، الحب تاعك، والسعي تاعك… كلهم كافيين.

معا لدعم الرضاعة الطبيعية

#سحاولة

لاخد موعد بالعيادة يرجى الاتصال ب
0555324298

01/08/2025

معا_لنشر_الوعي_عند_الامهات #

🍼✨ "قصتي مع الصفاير" – أم فرح تحكي:

نهار ولدت فرح، كانت فرحتي لا توصف…
لكن بعد يومين، لاحظت بلي خدودها بداو يصفرّو، وعينيها ما بقاش عندهم اللمعة كي العادة.

رحت عند ماما، قالتلي:
"آه راهو صفاير، عادي، كل البيبيات يجيهم… ديري لامبة بيضا و اعطيها شوية سكر في الما."
عجوزتي هي تان قاتلي عادي شربيلها عشبة مليلس ولا حبيتي نقطولها 😮‍💨
أنا ما ارتحتش… حسيت قلبي مش مطمّن.

تصلت بطبيبة الأطفال، قالتلي:
"الصفاير كاين منه نوع عادي، يجي لبيبيات جداد لأن كبدهم مازال ما تعلّمش ينقّي البيليروبين.
لكن لازم نشوفو الطفلة، خاصة إذا بدا الصفاير من أول نهار."

رحت بيها، دارولها تحليل، ولقاو الصفاير مرتفع.
دخلنا للمستشفى، وفرح تحطت تحت العلاج الضوئي، والحمد لله جاز كلش بخير.

لو كنت سمعت غير لكلام العجايز، كان يمكن اليوم نحكي غير بالبكاء...
بالمناسبة للناس لي متعرفش مادة البيليروبين ممكن تطلع لخلايا الدماغ و تتعمل تلف دائم مع عواقب لايمكن التشافي منها

الحمد لله، الثقة في الطبيب ورضاعة بنتي كل ساعتين كانوا هما المنقذ.

📌 نصائح من أم جرّبت:

ماشي كل صفاير عادي. طبيب الاطفال و التحاليل المناسبة هي لي تحدد مدى خطورة الوضع او لا .

كل ما البيبي يرضع أكثر، ينقص الصفاير أسرع.

ما تعطي لا سكر ، لا عسل، لا أعشاب. راه البيبي عندو نظام حساس بزاف.

العلاج الضوئي مكانوش جداتنا يعرفوه، بصح اليوم متوفر وساهل.

💛 ربي يحفظ كل البيبيات، وخلي ثقتك في العلم، مش في العادات القديمة.

#سحاولة
حي 120 مسكن كناب بابا علي مقابل الملعب
لاخد موعد بالعيادة يرجى الاتصال ب
0555324298

26/07/2025

📌 واش معناها عدم تحمّل اللاكتوز؟

كاين ناس كي يشربو الحليب ولا ياكلو مشتقاتو (كيف الجبن، الياغورت...) يحسو بوجع فالمصران، انتفاخ، غازات، ولا حتى إسهال.
هادي الحالة اسمها عدم تحمّل اللاكتوز

🧬 علاش يصرا هاد الشي؟

الحليب فيه سكر يسمّوه لاكتوز. باش يهضمو، الجسم لازم يكون فيه إنزيم يسمّوه لاكتاز.
الناس لي عندهم هاد المشكل، ماعندهمش كفاية من هاد الإنزيم، وبالتالي اللاكتوز مايتفككش فالجسم.

🤕 الأعراض لي يقدرو يحسو بيها:
نفخ فالبطن
وجع فالمعدة
غازات
إسهال
إحساس بالغثيان بعد ما ياكلو منتجات الحليب

🧑‍⚕️ كيفاش نعرف إذا راه عندنا هاد المشكل؟

نجرب نحبسو الحليب ومشتقاتو ونشوفو إذا خفات الأعراض

نروحو للطبيب، يقدر يدير تحاليل ولا اختبارات بسيطة

🍽️ هل لازم نحيو الحليب كامل من حياتنا؟

❌ لا لا! مشي كل الناس كيف كيف:
كاين لي يتحملو كميات صغار من الحليب او مشتقاته
كاين انواع من الحبن ناقصة فيها كمية اللاكتوز و البعض يمكن يتحملها
كاين في السوق منتجات حليب بدون لاكتوز

كاين حتى حبوب فيها إنزيم اللاكتاز تأخد للضرورة قبل الماكلة

❗ نقطة مهمة بزاف:

عدم تحمّل اللاكتوز ≠ حساسية الحليب
الحساسية حاجة أخطر، وتدخل فيها المناعة.
أما عدم التحمّل، راه غير مشكل هضمي.

22/07/2025

📢📢📢
حرصًا على تفادي أي لبس، نُعلم مرضانا الكرام أن مقر العيادة لم يطرأ عليه أي تغيير، وهو لا يزال في نفس العنوان:
حي 120 مسكن كناب، بابا علي. سحاولة مقابل ملعب بابا علي
Cité CNEP 120 logements Baba Ali Saoula
لاخد موعد بالعيادة يرجى الاتصال بالرقم
0555 32 42 98
نشكركم على ثقتكم الدائمة

Dr Medjdoubi - Pédiatre baba ali Saoula

12/10/2025

09/10/2025

08/10/2025

06/10/2025

28/09/2025

21/09/2025

08/09/2025

18/08/2025

05/08/2025

01/08/2025

26/07/2025

22/07/2025

Adresse

Heures d'ouverture

Site Web

Notifications

Raccourcis

Partager

Type

Lundi	09:00 - 17:00
Mardi	09:00 - 17:00
Mercredi	09:00 - 17:00
Jeudi	09:00 - 17:00
Samedi	09:00 - 17:00
Dimanche	09:00 - 17:00