عيادة جنتي

04/04/2025

📢 طفلك ماشي غبي… لكنه مختلف! 🤯🔍

📉 النتائج الدراسية هاد العام ما كانتش كيما حبيتي؟ طفلك ذكي، لكن طريقته في التعلم ممكن تكون مختلفة عن الطريقة التقليدية! 🚀
💡 قبل ما تلوميه… جربي تفهميه! يمكن السبب مش كسل ولا إهمال، يمكن عندو طريقة خاصة في التفكير تحتاج غير تشخيص صحيح وتوجيه مناسب!

🔬 كيفاش نقدر نساعدك؟
🧠 نكتشف مع بعض قدرات طفلك المخفية ونحدد نقاط قوته وضعفه 🎯
📊 تقييم شامل في 4 جلسات يكشف وين المشكلة: تركيز؟ ذاكرة؟ قلق؟ صعوبات تعلم؟ 🤔
📜 تقرير مفصل يعطيك خريطة واضحة تساعدك على دعمه بالطريقة اللي تناسبه 💡

💰 السعر: 6500 دج فقط!
📍 المكان: الحميز - العاصمة
📞 احجزي قبل ما يفوت الوقت: 0667190593

🎯 ما تخليش ورقة امتحان تحدد قيمة طفلك… فاهميه قبل ما تحكم عليه! 🔥

25/01/2025

🥰موعدنا غدا بإذن الله 🥰
♦️ورشة الحاجيات النفسية للطفل♦️

25/01/2025

25/01/2025

24/04/2024

كل يوم نسمعو حكايات غريبة عجيبة فالجلسات، اشكاليات مستعصية، اضطرابات متعددة يقدر أي واحد يسمعها يكذب حقيقتها من هول بشاعتها 😢

كي نجو نحاولوا نفهمو أصل هذه الإشكاليات دايمن نلقاو مصدرها واحد هو خبرات الطفولة والمراهقة وأساليب تربوية غير متزنة 🥺

ياناس اذا اردنا اصلاح حال مجتمعنا علينا أولا أن نعي ونفهم أهمية رسالة التربية🌷

قبل ما نجيبو هداك الكائن البريئ لي هو نعمة من عند الله، لازم نفهمو ثقل هد المسؤولية، ونسقسو أنفسنا دائما هل نحن مستعدون لحمل هذه المسؤولية، واذا عندنا معلومات و وسائل كافية بش نقومو بدورنا كمربين...🤔

صح بكري كانت المعلومات شحيحة حول التربية وكانوا أجدادنا يربو بحكمتهم في الحياة✨

لكن اليوم في عصرنا الحالي، لاعذر لنا، العلم موجود لخدمتنا...فعلا لا عذر لنا🫷

01/03/2024

💢نفرح كي تقرالي ..

💢نفرح كي تاخدلي الراي..

💢نفرح كي تنجح، راني كارهة حياتي كي سمعت بمعدلك..

💢مكاش حاجة تفرحني كما عقالتك..

💢الكلام لي سمعتو من جارنا هبطلي كامل المورال ..

✅صحيح أن نجاح أطفالنا هو مصدر من مصادر سعادتنا كمربيين، لكن تحميلهم مسؤولية اسعادنا هو شكل من أشكال الحمل الثقيل الذي نثقل كاهلهم به، واذا عولنا عليه وحده وتجاهلنا مصادر أخرى قد نصاب بالإحباط، ومؤكد أن هدا الشعور سينتقل الى أبنائنا، ولنا أن نتخيل ضعف مناعتهم وقصورهم في التعامل مع هذه المشاعر القاسية في هذا السن المبكر..

✅وفي المقابل نظرتنا للحياة بحلوها ومرها، أفكارنا العقلانية المتزنة تجاه ذواتنا، تجاه الآخر، تجاه كل ما يقع من أحداث حولنا، محيط الأسرة الآمن...، كلها مصادر تتشكل وتتبلور لتمنح أطفالنا قواعد أساسية يبنى عليها مفهوم السعادة لديهم ...

✨تلك الكائنات الصغيرة البريئة ليست مسؤولة عن سعادتك أو شقائك، أنت الإنسان البالغ الناضج من يملك القدرة على التغيير، على البناء، وعلى الهدم أيضا...

17/02/2024

♦️بزاف أولياء يشكيو من أبناءهم المراهقين، على نظافتهم الشخصية، على اهمالهم، على عادتهم الغير صحية، وغالبا مانلقى السبب الرئيس يتمثل في عدم تعودهم على عادات صحية منذ سن صغير
وكاين فكرة مغلوطة مفادها "الطفل مزال صغير كي يكبر يتعلم"❌

✅وهي فالصح الطفل بداية من عمر السنتين يكون عندو قابلية واستعداد مذهل لتعلم الكثير من العادات 🤯

♦️واذا متعلمهاش في سن مبكر ممكن جدا الأهل يواجهو صعوبة كبيرة في تعويد أبناءهم أو حتى اقناعهم في ممارسة هذه العادات

♦️نمدلكم بعض التوصيات ممكن راح تفيدكم في تعليم أبناءكم عادات صحية ...

💢أفضل طريقة هي التعليم بالقدوة (غير معقول نطلبو من أبناءنا عمل حنا أصلا مراناش نديرو فيه، كما المطالعة مثلا)

💢طبيعي طفلك يقوم ببعض الأخطاء في طريقو لتعلم عادات صحية (تجاهل تلك الأخطاء)

💢التشجيع والمدح هو غذاء أساسي، راح يمد ثمار زكية

💢اسحب نفسك تدريجيا (معليش فالبداية تقوم ببعض المساعدات، بعدا اذا كانت هد العادة صعبة نوعا ما على ابنك، لكن مع الوقت حاول تخلي طفلك يقوم بها لوحده مع وجود مرافقة بسيطة)

✨وأخيرا لازملك صبر وثبات بش توصلوا لنتائج ملموسة ✨

06/02/2024

✅😍بعد النجاح الباهر الذي حققه البرنامج العام الماضي...

💢💢 تعلن مؤسسة نسائم جنتي عن فتح تسجيلات برنامج اللغة الإنجليزية🇺🇸⁩لغة العالم 🌍

✨ اذا كنت تلميذ مبتدئ لا تتقن اللغة الإنجليزية⁦🙋

✨ اذا كان لديك ابن في #الابتدائي..
و تريد تحسين مستوى أبناءك في اللغة الانجليزية 🧑

✨ اذا كنت شغوف بتعليم لغة وثقافات جديدة والتواصل مع أناس من مختلف انحاء العالم⁦لأبنائك 🗺️⁩

✨ إذا كنت تريد السفر حول العالم⁦ مستقبلا✈️⁩

👈اللغة الإنجليزية⁦🇺🇸⁩ هي مفتاحك🔑 استغل وقت فراغك في تعلم اللغة العالمية⁦🌍

💢البرنامج من إعداد الأستاذ وهو أستاذ ذو خبرة وكفاءة عالية في التدريس، متحصل على عدة شهادات معترف بها

💢البرنامج يتضمن مفاجآت رائعة وأنشطة مستحدثة بعيدة عن طرق التعليم التقليدية 😀
*اذا كنت مهتم علق بـ تم لارسال كامل التفاصيل
👈للتسجيل تواصلوا معنا عبر أرقام وصفحة المؤسسة🏃🏃 ✅☎️😌 0667190593/0541786377

#الحميز #العاصمة
#لغتي #لغة #لغات #أجنبية
#تدريب #تدريس

13/10/2023

▪️أسلوب تربية لاحظتو بزاف فالجلسات مؤخرا أثناء تعاملي مع الأطفال، جا الوقت نحكي عليه...


♦️الطفل المدلل يبان أصغر من عمرو، كونو متعودش يقوم بمهام مالمفروض يديرها كما أقرانو (ولي يشوفو يبان بلي عندو تخلف ولا مشكل معرفي، بصح هو شخص عادي عندو قدراتو كما غيرو بصح الدلال لي تعرض ليه يخليه يبان ميعرفش وميفهمش)

♦️الطفل المدلل يعيش بمبدأ "كل طلباتي أوامر" وبمجرد نوبة غضب قصيرة يقدر يلبي كل إحتياجاتو"، وكي يكبر ويدخل الروضة ولا للمدرسة ويصطدم بالواقع راح يواجه مشكلات كبيرة فالتأقلم مع النظام الجديد يولي يسمع كلمة جديدة في قاموسو "كلمة لا"، وراح يتشكل عندو مشكلات دراسية و سلوكية

♦️الطفل المدلل راح تتشكل عندو صعوبة في التواصل الاجتماعي، راح تجيه صعيبة يكون صداقات، وراح يسيئ فهم العلاقات

♦️الطفل المدلل راح نجيه صعيبة يتحمل مسؤوليات كي يكبر خطرش في صغرو كان دايمن كاين لي يلبي حاجياتو، ويتحمل مهام بالنيابة عليه، ويصحح أخطاؤو ويفريلو أموراتو (يقدر حتى يطور مستقبلا إضطراب شخصية اعتمادية، وراح يحصلو فيه والديه ومستقبلا زوجتو وأطفالو..)

👈توصيتي لكل مربي ✨كي تربي خمم لبعيد✨

23/09/2023

😤منحبش نهدر عالسلبيات تع مؤسسات التربية والتعليم ، بش منديروش ذرائع للفشل، ونحاولو نكونو ايجابيين مهما تعسرت الظروف ...

مي كاين حالات تخليك تنطق بسيف عليك، حالات توضع في خانة الجرائم ضد الإنسانية دون مبالغة

حالة طفل صادفتها اليوم في احدى الجلسات 💔

بش أستاذة تقول على تلميذ بلي نتا متفهمش، أنت مشي تع قراية، وش راك تدير كامل مكاش نتيجة، وتعزلو في آخر القسم هو وأمثالو من التلاميذ ذوي المعدلات المنخفضة، خلينا مالصراخ والتهديد بإعادة السنة، خلينا مالمقارنة، بش توصل تنحي آخر قشة من قشات الأمل لي متمسك بيها الطفل، بش تخليه يأمن بلي صح مكاش منو فايدة، بش تكرهلو حاجة أسمها قراية🥺

بش تخلي أمو صح تأمن هد الكلام وتولي تدير ضغط رهيب على طفلها بش يحسن مستواه وتفقد هي تان أملها في وليدها، وكي تروح الأم تشكي للمديرة العجيب أنو توقف مع الأستاذة وتقولها هي أحسن الأساتذة لدي، وعندها الحق وش راهي تدير راهي تربي فيهم😑

هذا ڨع بلا متفهم الأسباب ، بلا ماتراعي، بلا متقول بلي كاين حاجة أسمها عامل نفسي، كاين حاجة اسمها شخصية إنسان على المحك، حاجة أسمها مستقبلو لي بتصرفك هذا ديتو في ستين داهية

عبالنا الأستاذ مضغوط بزاف و حقوقو شبه مهضومة، لكن لا أبرر أبدا هذه الممارسات، لا يوجد لها مبرر أصلا!

💢رسالتي لبعض الأساتذة والمسؤولين: اذا شفت بلي ماتقدرش لهد المسؤولية، وبلي الضغط خلاك تدير ممارسات كهذه، يوجد مهن أخرى وأرض الله واسعة

💢رسالتي للوالدين لي ولادهم صادفوا معاملات كهذه: احميو ولادكم، ديرولهم حصانة، ابحثوا عن حلول ما، ولا تصدقوا كل ما يقال عن أطفالكم!

💢رسالتي للأستاذة المحترمين العارفين لحجم المسؤولية والمراعين لنفسية التلميذ وكرامة وجهه : بارك الله فيكم، دمتم رمزا للأمانة، ربي يكثر من مثالكم❤️