يوميات محاربي السرطان Quotidien des cancereux en algerie

يوميات محاربي السرطان Quotidien des cancereux en algerie صفحة يوميات مرضى السرطان هي لي تجمعنا🎗💪🏼
𝗽𝗮𝘁𝗶𝗲𝗻𝘁𝘀 𝗮𝘁𝘁𝗲𝗶𝗻𝘁𝘀 𝗱𝗲 𝗰𝗮𝗻𝗰𝗲𝗿 ❤️ 💙😷
أدعمهم و شجعهم ليكملوا رحلة العلاج .💯
لا تنسوا التبرع بدمكم للمرضى 🏨

30/05/2026

#رسالة إسمي أيمن 15 سنة
محارب سرطان الدم حبيت نبشركم و نفرحكم معايا بخبر شفائي التام من السرطان الحمد لله ❤️
راح نقرا و نجتهد باش نولي مختص في طب الأورام

30/05/2026

رسالة أخت : اعطونا تجارب عن اثار الجانبيه للكمياوي في اليوم السادس ، إني اشعر بضعف شديد و الم شديد

29/05/2026

أخت تقول : مش قادرة نتحمل ولا نتقبل مرضي بسرطان الثدي ، كيفاش تقبلتو؟!

28/05/2026

اليوم رابع يوم من الكيماوي ماما مراهيش تقدر تاكل وتقيا بزاف واش نديرلها؟

27/05/2026

*عيد أضحى مبارك من "يوميات محاربي السرطان" 🌙🤍*
لكل محارب ومحاربة راهم يكملوا رحلتهم بقلب قوي،
لكل عائلة واقفة سند وما خَلّاتش الأمل يطيح،

ولكل متابع واقف معانا بكلمة، دعوة، أو دمعة صادقة...
نقولوها من القلب: *عيدكم مبارك، وربي يجعله عيد فرحة وشفاء وطمأنينة.*

نعرفو بلي العيد عندكم عندو معنى آخر.
ماشي غير لحم وزيارة... العيد هو يوم جديد تعيشوه، نفس تتنفسوه، ضحكة تخرج من قلبكم رغم التعب.
وأنتم كل يوم تثبتو بلي القوة الحقيقية ماهيش في الجسد، بل في الروح اللي ما تستسلمش.

نتمناو العيد الجاي نكتبو معاكم يومية جديدة عنوانها: "شفاءٌ لا يُغادر سقماً".
ولغاية ذلك الوقت، راكم مش وحدكم. حنا معاكم في كل يومية، في كل وجع، وفي كل انتصار صغير.

تقبل الله منا ومنكم، وكل عام وأنتم بخير، وأنتم أقوى.



23/05/2026

إسمي أحلام مصابة بسرطان العضام ، اليوم قررت نحبس العلاج و نبقى مع أولادي وعائلتي ،أتضرع لله و أدعوه، عندي ثقة في ربنا سبحانه و تعالى

*مبادرة عيد الأضحى لمحاربات السرطان 🐑🤍السلام عليكم خاوتي،راه قرب العيد، وكل دار تحضّر للأضحية... بصح ماشي غاع الناس راح ...
22/05/2026

*مبادرة عيد الأضحى لمحاربات السرطان 🐑🤍
السلام عليكم خاوتي،
راه قرب العيد، وكل دار تحضّر للأضحية... بصح ماشي غاع الناس راح تقدر تشري هاذ العام، وظروف بزاف عائلات صعيبة.

حبينا ما نخلوا حتى وحدة من أمهاتنا وأخواتنا محاربات السرطان بلا فرحة العيد.
لذلك درنا مبادرة بسيطة: *توزيع 4 كغ لحم على كل مريضة* باش يدخل الفرح لدارهم نهار العيد.

*التفاصيل:*
- عندنا في القائمة *40 مريضة* من محاربات السرطان.
- ثمن الكيلو: *3200 دج* → يعني 4 كغ = *12800 دج للمريضة الواحدة*.
- كل واحد يتكفل على حساب استطاعتو: كيلو، نص كيلو، ولا تتكفل بمريضة كاملة.

علابالنا الصدقات راح تكون ناقصة هاذ العام، بصح لو كل واحد دار اللي عليه نكملوهم كاملين بإذن الله.

*واش عليك دير؟*
دخل للقائمة اللي راهي فالمنشور و نزيدو نحطوهم في التعليقات ، خير المريضة اللي حاب تتكفل بيها، وابعثلنا على الخاص باش نسجلوك ونكملو العدد كامل قبل العيد. هكذا نوزعوهم يوم الإثنين ان شاء الله

ربي يجعلها في ميزان حسناتكم، ويشافي كل مريضة، ويجعل فرحتكم في العيد كيما راح تفرحوهم.

"من فرّج عن مؤمن كربة من كرب الدنيا، فرّج الله عنه كربة من كرب يوم القيامة" 🤍

اللي حاب يشارك يكتب "مشارك" في الخاص، وربي يجازيكم خير قبل كل شيء.
fans

21/05/2026

إسمي جواد 16سنة مصاب بالتوحد و مصاب بسرطان الدم ، نبشركم بشفائي التام و الحمد لله ، راني فرحان بزاف ، إذا أنا قدرت نتغلب عليه نتوما تاني تقدروا 👊🏼 fans

20/05/2026

ما هو أصعب موقف واجهتوه خلال رحلتكم مع علاج السرطان؟ 🎗️
نستفيد من تجاربكم..

18/05/2026

#رسالة : أنا مريضة سرطان مsتتئصلة ثدين ومجرفة لإبطين ، ما ادعوه لنفسي بالشفاء ادعو لكل مريض بالشفاء 🤲🏼

Adresse

Les Hopitaux En Algerie
Algiers

Site Web

Notifications

Soyez le premier à savoir et laissez-nous vous envoyer un courriel lorsque يوميات محاربي السرطان Quotidien des cancereux en algerie publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type