Medical stories

Medical stories Anti-depressant🥼🩺

23/08/2025

لحظة إدراك عام هذا مافاتش شهر تسمينا ماقريناش فيه😐
قالو عنابة لن تخون قالو 🚶🏻

🙋🏻:الحكيم عبالك الصين خدمت روبو قادر على حمل🙂!!🧑🏻‍⚕️:نعم علمت بالموضوع😌🍼فالصين كشفت على أول روبوت مزود برحم صناعي للحمل ...
23/08/2025

🙋🏻:الحكيم عبالك الصين خدمت روبو قادر على حمل🙂!!
🧑🏻‍⚕️:نعم علمت بالموضوع😌

🍼فالصين كشفت على أول روبوت مزود برحم صناعي للحمل والولادة و أعلنت شركة "كايووا تكنولوجي" الصينية عن تطوير أول روبوت من هذا النوع، قادر على إتمام عملية الحمل من تخصيب الى الولادة نيابة عن النساء🙂🤌🏻
🍼مع إمكانية حمل الجنين لمدة تصل إلى 10 أشهر في بيئة سائل أمينوسي صناعي، وتغذيته عبر أنبوب يحاكي الحبل السري.👶🏻
🍼ويتوقع أن يطرح النموذج الأولي في الأسواق بحلول عام 2026، بسعر يقل عن 100 ألف يوان (نحو 13,900 دولار)، ويستهدف فئات الراغبين في تجنب الأعباء الجسدية🙂
🙋🏻:الحكيم عبالي راح يفيد نساء لي مايقدروش لكن السؤال المطروح الأمومة إلى أين...؟؟ خاصة إذا ولات موضة باه يتجنبو أعباء جسدية كيما قالو..... ☠️
🧑🏻‍⚕️هذا سؤال صعب سؤال يراودني😐
🥏

هذي في مصر مي دزاير معظمهم سكيباو ssh 😂
23/08/2025

هذي في مصر مي دزاير معظمهم سكيباو ssh 😂

💔الموت في حادث بدون اي جرح او ضرر جسدي تبعوني تعرفو السبب 👈🏻صرات فاجعة في الطارف اليوم انقلب فاها بيس تع رحلات اسفر عنو ...
22/08/2025

💔الموت في حادث بدون اي جرح او ضرر جسدي تبعوني تعرفو السبب 👈🏻
صرات فاجعة في الطارف اليوم انقلب فاها بيس تع رحلات اسفر عنو موت 4 اشخاص 😢 من بينهم مراة ماكانش على جسمها ولا خبش واحد 🤌🏻
السبب كان الخلعة لي صرات من الاكسيدون 💀 تخلي جسمك يفرز كميات كبيرة من هرمونات التوتر ( كورتيزول / الادرينالين ) و هذو يديرو :
🛑 تسارع كبير للقلب - arrhythmia
🛑 حتى توقف القلب المفاجئ

ربي يرحمهم و يصبر ذويهم ان شاء الله 🤲🏻💔

22/08/2025

تعرفو متلازمة كوتار (Cotard’s Syndrome) او وهم الج/ثة الحية؟!!👀☠️
👤 حكيم…علاه مازلتم تعاملوني كأني حي؟😭💔
👨‍⚕️ : لأنك فعلًا على قيد الحياة يا سامي نشوف فيك تتحدث وتتنفس قدامي🤌🏻
👤: لا لا… أنا مي/ت، قلبي مشو ينبض، دمي جف، مكانيش مشني موجود،حتى الماكلة لا أحتاجها.
👨‍⚕️: شوف معايا سامي لي تحس بيه يُسمى متلازمة كوتار. هي حالة نادرة تجعل الإنسان مقتنع أنه مي/ت أو غير موجود.
👤: لكن جسمي فارغ… نحس أنني مجرد جث/ة تمشي
👨‍⚕️ : عبالي أن الإحساس صعيب ، لكنه وهم، هذه المتلازمة تصيب بعض الأشخاص عند الاكتئاب الشديد أو بعد إصابة في الدماغ اسمع 🤌🏻في القرن التاسع عشر، طبيب فرنسي اسمه جول كوتار وصف أول حالة لامرأة رفضت الأكل لأنها صدّقت أنها ماتت… ومات/ت بالفعل من الجوع.💔
👤 : إذن أنا لست أول واحد؟
👨‍⚕️ : أبدًا. سُجلت حالات كثيرة: رجل في اسكتلندا قالهم بلي يعيش في الجحيم بعد حادث، وتاني امرأة في اليابان اعتقدت أن جسدها فارغ بعد جلطة دماغية، وحتى شاب في الفلبين نام في المقبرة لأنه كان يظن نفسه مي/تًا.
👤: وهل هناك علاج… لمن فقد حياته بالفعل؟
👨‍⚕️ :نعم، العلاج موجود. الأدوية، الجلسات النفسية، وأحيانًا العلاج بالصدمات الكهربائية تساعد على إعادة المريض إلى واقعه🥹❤️‍🩹 أنت لست ميتًا، بل أسير وهم قاسٍ… ونحن هنا لنك_سر هذا الوهم❤️‍🩹🫂

22/08/2025

فايت 400 رقبة تعقب ورا بعض في ايكوس غير يسقسونا على اسامينا واحد ورا واحد يفض النهار

22/08/2025

كنت حاط الecos غير اشاعة برك

22/08/2025

ولدتي وكملتي ، الناس تباركلك فرحانين بيك 🎊 ، متجمعين في داركم ولا جاوك للسبيطار يطلو عليك ، تشوفي فالابتسامات و تشوفي فالكتكوت تيعك بحذاك ، بصح حاسة بالحزن .. القلقة .. والخوف .. ، عجوزتك تقولك وشبيك مكشرة علينا .. ونتي مش فاهمة روحك ولا فاهمة وش بيك ..
وش هي هذي الاحاسيس ؟

📌 رواحي آنستي نتعرفو على كآبة ما بعد الولادة ولا ما يسمى "baby blues"

بايبي بلوز هي حالة نفسية تصيب نساء ياسر بعد الولادة ، حوالي 80% من النساء ، هذي الحالة تتسبب في مشاعر حزن تستمر لمدة قصيرة تقريبا اسبوعين فقط ، مبعد تروح وحدها بدون علاج.

⁉️ بصح علاه ؟
لانو بعد الولادة تصرا تغيرات هرمونية ، يهبط هرمون الاستروجين والبروجيستيرون فجأة ↘️ ، تولي تجيك تقلبات مزاجية ، اضافة الى باقي العوامل كيما قلة النوم و سوء التغذية ، و أيضا أنك تكوني خايفة مالمسؤولية لي جاتك تع البيبي ، والتغير لي رح يصرا بعد ولادتك.

💡 هاه وش ندير كي تكون عندي هذي الاعراض ؟
فالعادة يروح وحدو كيما قلت بعد اسبوعين تقريبا ، بصح كاين بعض النصائح نعطيهالك :
💤 ارقدي مليح ؛ ع قد ما تقدري
🤝 قولي لعايلتك يوقفو معاك ويعاونوك في رعاية الطفل ، وأيضا يكونو ايجابيين فالتعامل معاك
☀️ حاولي تخرجي شوي وتتعرضي لأشعة الشمس وقت الشروق ولا وقت الغروب
🍲 كولي صحي ، واذا قدرتي مارسي الرياضة بشكل خفيف

💉 وقتاه تحتاجي تروحي لطبيب ؟
🔪 اذا كنتي مش حاملة البيبي تيعك وعندك افكار عن/يفة تجاه نفسك ولا تجاه البيبي
⌛ الحالة طولت اكثر من اسبوعين
↗️ تلقاي روحك مع الوقت الحالة تزيد عليك اكثر
🛏 متقدريش تديري امورك المنزلية ولا تعتني بطفلك
❗ هنا يقدر يولي اكتئاب ما بعد الولادة المنشور الجاي ان شاء الله نحكيلكم عليه و على الفرق بينو و بين البايبي بلوز

نعطيكم معلومة ^^ حتى الرجال يقدرو ينصابو بيه .. لانو قادر ينخفض هرمون التستستيرون و يزيد هرمون الاستروجين عندهم ، وايضا بسبب المشاكل والتوتر فالمنزل وحتى هو احساسو بالمسؤولية يرتفع هرمون الكورتيزول وهرمونات اخرى ..
والسلام عليكم

21/08/2025

كنت مروحا لعشية فالبيس وطريق طويلة وواقفة ...لا علينا زوز نساء واحدة قاعدة في آخر البيس ولوخرا واقفة قبلي تقريبا فالنص المهم وبأعلى صوت صدعتلي وذني حكاو كلش لي عليهم ولي خاطيهم عرفت عباد وانا لا علاقة بيهم ومشاكلهم سمع باها بيس كامل🤌🏻وتقلها فليل نتلاقاو ونكملك!!!! وش بقا باه تكمليه 😭
جديا يعني طريق عندها أدابها منها خفض الصوت ...وزيد أنت مرأة على أقل تحترمي نفسك أولا، بلا ماننساو جماعة لي طلعو فالريل تقول في دارهم لغناء ...ثقافة الاحترام المتبادل قليلة جدا في شعبنا وربي يهدينا ويهديهم

لي طالعين تروازيام سيرتو عنابة ✨
21/08/2025

لي طالعين تروازيام سيرتو عنابة ✨

اوافق و بشدة
20/08/2025

اوافق و بشدة

19/08/2025

تكون قاعد في امان الله 😃 حتى تتفكر بلي راك في البرومو الوحيدة المتعوسة المنحوشة لي ماكملتش العام و رح تعڨب سمانة جاية ايكوس ( مشو راطراباج ) 🥲

Adresse

Annaba

Site Web

Notifications

Soyez le premier à savoir et laissez-nous vous envoyer un courriel lorsque Medical stories publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Type