Nutri-Dadou استشارية التغذية العلاجية

09/02/2026

09/02/2026

رمضان هو فرصتك .....

09/02/2026

Doucement mais surement ❤️

08/02/2026

أحياناً نشعر بالانزعاج من أمور بسيطة، وهذا أمر طبيعي تماماً. لا تلوم نفسك، ولا تعتقد أن الأمر نهاية العالم. المهم أن نتعلم كيف نتصالح مع أنفسنا، ونُحبها ونحتضنها، ونمنحها اللطف والدعم. فكلنا بشر، وكلنا نستحق الرحمة والهدوء.
خربشات دادو

08/02/2026

انه لإنجاز نزول 25كيلو في أربعة أشهر واسبوع مع نقص ب15سم على مستوى البطن

05/02/2026

سر جميل باش تكون عندك glow رهيب في بشرتك
اجمل فيتامين c تقدري تجربيه رائع جدا
المشكل انه ناقص بزاف قي السوق
انا ديما نعمل طلبية عليه عند
https://www.instagram.com/glambeauty.dz?igsh=dG5iajJqZXIyd3Vu

وساعات نبقى نسنا مدة طويلة حتان نتحصل عليه لندرته

واش راح يضيفلك فعليًا إذا جرتبيه؟

✨ إشراقة واضحة: البشرة تولّي منوّرة، ما تبقاش باهتة خاصة مع التعب والستريس

🎯 تفتيح التصبغات: يعاون بزاف على بقع الشمس وآثار الحبوب مع الوقت

🧬 شدّ البشرة: يحفّز الكولاجين ⇒ الجلد يبان أمتن ومتماسك

🪞 تحسين الملمس: مع الاستمرار، البشرة تولّي أنعم وأملس

🛡️ حماية غير مباشرة: يقاوم الأكسدة (تلوّث، تعب، شمس… بصح ما يعوّضش واقي الشمس)

على فكرة حبيباتي هذا ليس اشهار ... حبيت نفيدكم معايا نتمنى يحالفكم الحظ وتلقاوه

05/02/2026

هذه احد النتائج لي تحصلت عليها في علاج التصبغات بالميكرونيدلينغ واذكر جيدا فرحة السيدة التي عانت كثير بسبب هذا المشك

05/02/2026

يجب على كل مريض فهم الفرق بين الانسولين البطيء والسريع لتجنب وقوع لبس كيما صرا لمريضتنا لي حكينا عليها في القصة

خلّونا نوضّحو علميًا وببساطة 👇
🔹 الأنسولين البطيء (Basal insulin)
يخدم بالتدريج
مفعوله طويل (24 ساعة أو أكثر)
دوره هو تثبيت السكر بين الوجبات وأثناء النوم
ما يهبطش السكر فجأة
ما عندوش علاقة مباشرة بالأكل
➡️ يعني:
الأنسولين البطيء ما يسببش هبوط مفاجئ للسكر
حتى لو كان السكر وقت الحقن طبيعي.
🔹 الأنسولين السريع (Bolus insulin)
يخدم بسرعة
مفعوله قصير
مربوط مباشرة بالوجبة
لازم يتاخد مع أكل كافٍ
➡️ هنا فقط يمكن يحدث هبوط
إذا تحقن الأنسولين السريع وما تاكلش.
📌 وين يطيح المشكل؟
مريض يخاف من الأنسولين البطيء وما يحقنش
السكر يبقى مرتفع طول اليوم
تظهر أعراض: تعب، عطش، تبول، حكة جلدية، التهابات متكررة
ويزيد HbA1c أكثر وأكثر
📌 الحقيقة الطبية
الخطر الحقيقي ماشي في الأنسولين البطيء…
الخطر في: ❌ ترك السكر مرتفع
❌ سوء استعمال الأنسولين
❌ غياب التثقيف العلاجي
💡 الأنسولين البطيء صديقك، مش عدوك
هو اللي:
يحمي الأوعية
يحمي الأعصاب
يقلل المضاعفات
ويساعد الجسم يرجع لتوازن أفضل
الخلاصة:
📍 ما تخلّطش بين دور الأنسولين البطيء والسريع
📍 ما تخافش من الأنسولين البطيء
📍 الفهم الصحيح = علاج فعّال
التثقيف العلاجي جزء أساسي من علاج السكري، وليس أمرًا ثانويًا.

05/02/2026

📌 التثقيف العلاجي في السكري: حلقة مفقودة

جبيت نحكيلكم اليوم قصة، والمريضة هاذي ماشي الأولى لي نشوفها تعاني من نفس المشكل.
مريضة عندها سكري نوع 2 وتتعالج بـ الأنسولين، لكن السكر عندها غير منتظم تمامًا،
آخر HbA1c = 12😔

جاتني وهي في حالة رعب حقيقي، بسبب حكة شديدة في كامل جسمها.
دارت بزاف أطباء، وكل مرة نفس الجواب:
“لازم تنظمي السكري والأنسولين باش تروح الحكة”.
لكن المريضة ما كانتش فاهمة السبب الحقيقي للحكة؟

🔹 وش صرا في الجسم تعها بما انه لسكر مرتفع بزاف؟
كي يكون السكر طالع لفترة طويلة:
السكر الزائد يخرج مع البول
يجرّ معاه الماء
➡️ يصرا جفاف شديد في الجسم والجلد
والجلد كي ينشف:
يفقد الطبقة الواقية تاعه
يولّي حساس
تظهر حكة معمّمة بدون طفح، بدون حساسية، وبدون سبب جلدي واضح
ومن جهة أخرى:
السكر المرتفع يضعف المناعة
ويسهّل الفطريات والبكتيريا في الجلد، خاصة في الثنيات
➡️ وهذا يزيد الحكة أكثر

يعني باختصار:
الحكة ما كانتش مرض جلدي بل إنذار من الجسم أن السكر خرج عن السيطرة
نروحو درك للمشكل الحقيقي ومربط الفرص لي انا حابة نوصلو

هي أصلًا ما كانتش تعرف الفرق بين الأنسولين البطيء والسريع، وكيفاش يخدم كل واحد كيما مرضى ياسر كبار في السن يجيوني باه ينظموا غذائهم

المريضة هاذي…
سنة كاملة او اكثر ❗
ما كانتش تحقن الأنسولين البطيء لي وصفته لها الطبيبة
(18 وحدة على 10 تاع الليل).
ليش؟
كانت تشوف السكر (2 غ – 1.8غ) على الساعة العاشرة ليلا تخاف تحسن الجرعة الموصوفة 18وحدة بطيء لانها
تخاف من الهبوط،
وما كانتش تعرف أن: ➡️ الأنسولين البطيء مستحيل يدير هبوط مفاجئ
ومن جهة الأكل:
مرات تاكل وما تحقنش
مرات تحقن وما تاكلش
مكانتش تعرف المعلومات الآتية

🔹 الأنسولين البطيء
يخدم بهدوء وعلى المدى الطويل
يثبت السكر بين الوجبات وأثناء النوم
ما يهبطش السكر فجأة
🔹 الأنسولين السريع
يخدم بسرعة
مرتبط مباشرة بالأكل
لازم يكون مع وجبة كاملة

➡️ والنتيجة لي صراتلها فوضى عارمة ... سكر مرتفع دايمًا… وحكة دايمة. .. وحالة هلع شديد
وهنا نحب نوقف ونقول حاجة مهمة 👇

كاين مشكل كبير، خاصة عند المسنين، في فهم كيفية عمل الأنسولين.
ويمكن بصراحة…

إحنا كمهنيو صحة ما نديّوش الوقت الكافي للشرح.

📅 أنا في انتظارها بعد 10 أيام:

بعد تنظيم الأنسولين حسب الوصفة الطبية
وبرمجة نظام غذائي صحي
ونرجع نحكيلكم: ➡️ هل استقر السكر؟
➡️ وهل اختفت الحكة؟

أحيانًا… تصحيح الفهم يداوي أكثر من أي مرهم

01/02/2026

قبل / بعد جلسة HydraFacial عندنا
شوفي الفرق من أول مرة
بشرة نقيّة، رطبة، وتلمع بالنضارة 💧✨

قبل الجلسة :
✔️ جيبي وجهك نقي (من غير ماكياج)
✔️ ماتستعمليش أي مقشر ولا كريم قوي قبل بـ 2-3 أيام
✔️ ريّحي، وخلي الخدمة علينا 💆‍♀️

📍 بعد الجلسة :
✔️ ما تستعمليش الماكياج لمدة 24 ساعة
✔️ ديري كريم مرطب وواقي شمس
✔️ تفادي الشمس، السونا، والحمام السخون لمدة يومين
✔️ شوفي كيفاش بشرتك تولي تشعّ نور 😍

حجزي موعدك اليوم وخلي بشرتك تتنفس 💦
0676568114
متوفر فقط موعدين لهذا الأسبوع

01/02/2026

استشارة في التغذية برنامج غذائي مدروس وأربعة حصص تنحيف الكل ب 14000

او اختاري باقة استشارة في التغذية وباقة ثلاث حصص تنحيف 12000دج

او اختاري استشارة في التغذية وباقة ستة حصص 23000دج

الدفع يكوند دفعة واحدة او على دفعتين او ثلاث دفعات

27/01/2026

جاني احساس كيما كي بدا الحجر في وقت كورونا .... انا خفت مالرياح وانتوما ؟