25/09/2023
وش لازم على كل ام تدي معاها في حقيبة الولادة و ضروريات لي تديهم ليها و للبيبي
بالنسبة للبيبي تديلو 2 لبسات لبسة يلبسها كيما يخلق و لبسة يخرج فيها و تديلو 4 حبات ليكوش لينجات و كوفيرتا ولا كوات خفيفة لوندو بيبي ليخرج فيه اجيبوه فاميلتك كي يوليو راح اخرجو البيبي
حوايجك انتي تدي ثلاث تبديلات وحدة تلبسيها كي تولدي و من احسن تكون قصيرة و ثانية تلبسيها ثاني نهار و ثالثة كومينو 3 قطع و من احسن سروال سواء ولادة عادية او قيصرية
و تدي ليكوش كيلوط 4 حبات و لينجات و ساك طوالاط و طراشن صغار تسحقيهم خلاه و سليبات ادي 3 و لا 4 حبات بابوش اكون خفيف خلاه باه اساعدك في المشي خاصة لي والدين قيصرية ادي بارات ولا بوندو تلمي شعرك و لا بوندنا تلمي شعرك درا و كوفر مطلا تع بلاصة غلاف تع مخدة
انشاء الله نكون حطيت الضروريات كل
لي ناقصة زيدوها في ليكومنتار
