Médecine with adem

Médecine with adem Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Médecine with adem, Annaba.
(8)

عرايسية أدم عبد الجليل |
صفحة تعليمية طبية مبسطة.
صاحب المرتبة الاولى في البكالوريا سابقا في ولاية عنابة .
- Doctor 👨🏾‍⚕️
- Nutritionnist 🍏
- ANNABA 📍

Ads& collabs :
📩: ademabdeldjalilaraissia@gmail.com

06/04/2026

وش دايرين فاها ؟

انا الناس كي تونتريني و تخدم les cuisses ( جومبا كيما يقولو )

تم وين يجيوها les douleurs w les courbatures

لانها عضلة كبيرة .. انا البيسابس برك عييت نتحرك 😂😀

و انتم وش دايرين فاها ؟

06/04/2026

قالت : عجب فالجيل هذا ‼️

راكب في حافلة و وحد السيد مڨعد ولدو قدامو صغير !

طلعت امرأة كبيرة .. و بقات تشوف مع الطفل هكذا 🙄

و تسنى فيه يوقفلها و يخليها تقعد .. ما وقفش !

قات لباباه خليني نقعد .. وقف ولدو .. و ولدو لصق و يقول " ما نوقفش ، ما نوقفش " و باباه يساعف فيه ول وقفلها أب الطفل !

هنا المرأة قالت " عجب فالجيل هذا " .. لكن الرجل يظهر معاملة خاصة لابنه

و الابن كي شاف باباه وقف.. وقف لصق فيه ..

و طبعا كل المؤشرات تبين بلي الطفل autiste يعني عندو التوحد ..

بصح الناس ديراكت تتهجم و ديراكت تلقي الاحكام و ديراكت المرأة قلبت الطفل مش متربي ‼️‼️

انا نشوف لي حاب يدير الخير .. يديرو من تلقاء نفسو .. بصح تع تفرض على واحد يدير فيك مزية ول مش مليح ..!!!

فالصفحات الأخرى من المفروض المتابعين يديو بادج تع super fan كي يتابعو الصفحة .. في صفحتي انا لي قاعد ندي في super fan عن...
06/04/2026

فالصفحات الأخرى من المفروض
المتابعين يديو بادج تع super fan كي يتابعو الصفحة ..

في صفحتي انا لي قاعد ندي في super fan عند المتابعين تاعي : )

ليكن في علمكم اني نعرفكم و اي تعليق تاعكم ندخل نشوف بروفيلكم من A - Z .. انتم تابعوني و انا ما نتابعش ؟

نتابع 🤝🙂

نتأسف كي نشوف الطلبة كيفاه يعانيو! منحة قيمتها 2000 دج ما تكفي لوالو في ظل التضخم و الغلاء .. و زيد تع جانفي يحطوهالو في...
06/04/2026

نتأسف كي نشوف الطلبة كيفاه يعانيو!

منحة قيمتها 2000 دج ما تكفي لوالو في ظل التضخم و الغلاء .. و زيد تع جانفي يحطوهالو في افريل و يديرو اعلان ثاني على هذا !

نتمنى من وزارة التعليم العالي التكفل بهذا و ضمان حق الطلبة

لأنهم هم مستقبل الجزائر و هم الفئة المنتجة ..

هادي في الجزائر و مام عنابة وسط هكذا ..

05/04/2026

في أحد الحوارات مع زملائي، طرحنا سؤال بسيط بصح
Intéressant كيما يقولو ‼️

وعلاه الإعلام ديما يجيب نفس النوع من الأطباء ⁉️

اداكا الطبيب اللي
يتعب رغم الظروف القاسية
ينسى روحو…
ما يسحقش الدراهم
يحب المريض و كذا

و تلقى الناس و التعليقات كل تشكر و يقولو ادا هو الطبيب صح و لازم الطبيب يكون هكذا ..

و اذا الطبيب تعب
اذا حب يعيش مليح؟
اذا فكر في مستقبله؟
هل يولي أقل إنسانية؟
و يولي طبيب ما يصلحش

الإعلام ما كذبش صح كي جاب العينات هادي و كاينين صح
بصح مشها الحقيقة الكاملة ✅

هو يختار صورة واحدة فقط
"الطبيب البطل"

باه يوصل رسالة
أنو النجاح = تضحية كاملة.

لكن الحقيقة

الطبيب… إنسان.
يتعب.
يقلق.
يحلم.
ويحتاج يعيش حياة كريمة كيما أي واحد.

المشكلة وين؟

كي تتحول "الإنسانية" إلى ضغط.
و"التضحية" إلى واجب مفروض.
وكي الطبيب يحس بالذنب… غير لأنه حب يريح.

أنا شخصيا نحكي على روحي عندي حاجة نآمن بيها

الطبيب الناجح
مش اللي يحرق روحو عجال الناس

بل اللي يعرف يوازن
بين حياتو و بين الطب

خاطر في النهاية:
طبيب محطم… ما يقدرش ينقذ حتى نفسه، كيفاه ينقذ الآخرين؟

وش رايكم أنتم؟
هل لازم الطبيب يضحي بكلش… باه يكون إنساني؟

04/04/2026

روح على chatgpt واكتب له :
(Grill me)
وارجع للتعليق وحط كابتير . خلينا نشوفو فضايح على الرد
قولو بالعربية باه ما يعطيهالكش بالإنجليزية

أيا كل 🤔🤔⁉️

04/04/2026

بعد ما توقفت حياتي لمدة 3 ايام

اليوم رايح نجيب نظاراتي او بالأحرى " عينيا "

درك راني هابط بلا نظارات قال لوخر و الله ما عبالي ببشر نقصد و الله ما نشوف في بشر

درك واحد قالي كثر خيرك و الله ما عبالي عواه .. و دعواتكم ما نطيحش في حفرة .

04/04/2026

اي 1:41 نظن رقدتو اه ؟

يخي الفايسبوك فيه خاصية الذكريات وين يخرجلك منشور قديم يفكرك بيه ..درك خرجلي منشور تع رمضان مش هذا .. لي قبلو

كي شاركت في مسابقة تع عمرة و كنت نقلكم ادعموني ‼️

نشفى دعموني عدة صفحات صديقة منهم اكرام ( ما ننساس الموقف تاعها ) و صفحة سمية و عصام و سبيطار و ميديكو .. المهم و كنت على مقربة من الفوز بعمرة و مبعد جيت الثاني كاين صفحة ربحت ( بالغش )

مش هذا الموضوع .. الموضوع اني صدفة دخلت في مجموعة تع صفحات يتعاونو و كل خطرة يدعمو واحد باه يربح .. انا قلت لما لا مادام ما فيهاش شبهة .. فقط تعاون

حتان وصل الأمر و عرفت بلي واحد من المجموعة يستعمل التكبيس يعني ماللخر يطلع التعليق ب Fake j'aime باه يربح

صراحة صدمة 😅 ما كنتش نظن انو كاين عباد يقبلو يربحو عمرة بالغش .. كي شغل تغتسل طهارة بالخمر 😀‼️

انا هنا تكاكيت .. من جهة راني ديجا دعمت قداه من واحد فيهم و من جهة كاين احتمال انو السيد هذا يطلعلي تعليقي بالتكبيس باه يربح حتى هو معايا !

هنا بدا قلبي يضرب و بدا الضمير يعمل و درت سبة و خرجت من المجموعة.. و قلت من ترك شيئا لله عوضه

و كنت قاااادر نربح و هي فالحقيقة خسارة مش ربح ..

مشني نحكي فيها باه نقلكم راني عندي ضمير ول شوفوني راني صادق .. نحكي فيها

باه نقلكم من جهة المسابقات ادي فيها الغش و كاين ناس تغش في اي حاجة و المشكل اصحاب صفحات كبار ما تديهاش فيهم بهذا الخبث!

و من جهة نقلكم جامي تقربو و لا تحطو رواحكم في موضع تع شبهة ديما خليو رواحكم صافيين مع ربي

كان ما ربحتش .. تسلك على خير 🤝

03/04/2026

تمنّت السيّدة هاجر قطرات ماء، فجاءها زمزم فيضًا.. هكذا كرم الله ‼️

من وزارة الصحة مدايرين يوم تحسيسي حول leptospirose ف zoom موجه للأطباء .. ام حاطينلكم code و mot de passe تدخلو يوم الا...
02/04/2026

من وزارة الصحة مدايرين يوم تحسيسي حول leptospirose ف zoom

موجه للأطباء .. ام حاطينلكم code و mot de passe
تدخلو يوم الاحد على 9 لي حاب يستفيد ‼️

تحبو نعود ننشرلكم كي تحط الوزارة التكوينات تاعها هادم ؟!

02/04/2026

طمأنوني يخي ما قريتوش فالعطلة ‼️😀

02/04/2026

حل بحدانا حانوت réparateur تع هواتف ..

سمى روحو doctor phone و دار شعار سماعة و رسم قلب في الجدار

تعدي عليه تحطها عيادة تع قلب و أوعية ..

و ديجا الناس لبرا يعيطولو الطبيب ⁉️😀

Adresse

Annaba

Site Web

Notifications

Soyez le premier à savoir et laissez-nous vous envoyer un courriel lorsque Médecine with adem publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter La Pratique

Envoyer un message à Médecine with adem:

Raccourcis

Partager

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram