عيادة أحمد جابر للعلاج والتأهيل الأرطفوني باتنة

08/03/2026

06/03/2026

26/02/2026

🔴السلام عليكم وصح فطوركم.... اليوم عندي طلب خاص 🤗
🔹كاين بطلة صغيرة في العيادة...زارعة قوقعة سمعية وتحدت الصعاب مع والدتها.....
🔹واليوم راهي تشارك في مسابقة لترتيل القرآن...

🔹صفحتنا كبيرة فيها أمهات وأساتذة وطلبة التخصص وبغيتكم كامل ديروا جام للطفلة رتاج أدامي ❤️وتشجعوها ..،💪
هيا فرحوها كامل بجام للفيديو تاعها... يلااااااا نوريولها عندها جمهور كبير ...ادخلوا للصفحة رتاج تلقاوها في فئة 2023 ....2025
#بطلة #رمضان
#الدعم #يصنع #المعجزات
#فخر #الوالدين

⁨ 📌 – الفئة الثالثة

هذا المنشور مخصص للفئة الثالثة، والتي تضم:
🔹 زارعي القوقعة بين سنتي 2023 و2025

وعليه، سنبدأ بنشر فيديوهات هذه الفئة في التعليقات الخاصة بهذا المنشور على صفحتنا FACEBOOK👇
ندعوكم لمشاهدة المشاركات ودعم المتسابقين عبر التفاعل والإعجاب 👍

💙 تصويتكم يشكل 40 نقطة من مجموع التقييم، فكونوا جزءًا من تشجيعهم وتحفيزهم.

بالتوفيق لجميع المشاركين 🌟

⁩⁩

14/02/2026

#عيادة #أرطفونيا #تواصل #أمراض #أعصاب #دماغ #اضطرابات #توحد #تخلف #صعوبات #تعلم #عسر #تأخر
عيادة #أحمد #جابر للعلاج والتأهيل الأرطفوني

10/02/2026

اليوم بغيت نمدح شوية خدمتي ومافيها باس 🤗🥰

الطفلة كانت تعاني من الخمخمة أو الرينولاليا أو كما نسميها بالعامية (الشخص الأخن )....
الطفلة ولدت بشق حنكي وشفى أرنبية🥺وبعد التدخل الجراحي تابعت بالعيادة لمدة 3أشهر ☺️
لاحظت اليوم تحسنا واضحا في الرنين الكلامي والحمد لله 🤲

خطوة بخطوة......... والنتيجة تفرح 🥰
#أرطفونية #قبل #بعد
#عيادة #أرطفونيا #أمراض #تواصل #تعلم #لغة #كلام #توحد

#نعيمي #تهاني

01/02/2026

📢 تعلن العيادة عن تنظيم دورة تكوينية نظريـة وتطبيقيـة لمدة يومين
خاصة بـ اضطرابات اللغة الشفوية 👶🗣️
🔹 محاور الدورة:
• اضطرابات النطق
• تأخر الكلام
• تأخر اللغة
• الديسفازيا
🔹 التقييم والتشخيص
🔹التكفل الأرطفوني

🎓 تكوين نظري وتطبيقي
🎯 موجّه للطلبة والأخصائيين بالمجال
💰 سعر الدورة: 2500 دج فقط للطلبة
3000دج للأخصائيين

📞 للاستفسار والتسجيل:
0675726463
✨ فرصة مميزة لتطوير مهاراتك في التقييم، التشخيص والتكفل باضطرابات اللغة الشفوية
🔴الدورة من تقديم الأخصائية الأرطفونية: نعيمي تهاني

31/01/2026

🟦ماهو الصمت الانتقائي؟ 🤔
الصمت الانتقائي أو الاختياري Le mutisme sélectif هو اضطراب قلق يظهر في مرحلة الطفولة ،حيث يكون الطفل قادرًا على الكلام لكنه يصمت في مواقف اجتماعية معيّنة مثل المدرسة أو أمام الغرباء، لكنه يتكلم بشكل طبيعي في بيئة يشعر فيها بالأمان مثل المنزل
🟦 ومن أسبابه :
,🔹 القلق الاجتماعي الشديد
🔹 الخجل المفرط
🔹 صدمة نفسية أو موقف ضاغط
🔹 تغيّر البيئة (الدخول للمدرسة، الانتقال…)
🔹 تأخر لغوي مرافق أحيانًا
الصمت الانتقائي ليس عنادًا ولا يدل على ضعف في الذكاء أو فقر الرصيد اللغوي 🗣️
🔹الصمت الانتقائي رسالة قلق🙎🥺 ،وليس رفضا للكلام 👌

✔️ التدخل والتشخيص المبكر يساعد على تحسن الحالة 👌

#الاخصائية #نعيمي #تهاني #عيادة #أحمد #جابر #للعلاج والتأهيل الأرطفوني #باتنة #الجزائر

12/01/2026

🤔 ماهي صعوبات التعلم الاكاديمية.....🤔

لما الكتاب يقول حاجة والطفل يفهم حاجة أخرى🥺

🔹الأم: "ولدي ذكي بصح ما يحبش يقرا"
🔹يحفظ مليح وميجيبش النقطة في الامتحان
بصح.....عمومو كامل هك 🤗 مقراوش بلاك خرج ليهم 🤗

🔹الطفل: "نبغي نقرا و نفهم… بصح دماغي يرفض يتعاون" 🤯

كي الطفل:
▪️ يقرأ الكلمة اليوم ويقراها غدوة بطريقة أخرى
▪️ يكتب “دار” تطلع “راد
▪️تقلو اكتب 9يكتب 6
▪️ يحسب 3+2 وتخرج 7 بثقة تامة 😎
▪️الطفل يحفظ ويراجع بصح النقاط تاعو مقارنة بالاجتهاد ناقصة
▪️ترجع الأم تعيطولو “ركّز” أكثر مما نعيطولو باسمو

🚨 راهو غالباً ماشي عناد ولا كسل ولا مبغاش يقرا ولا تأخر دراسي وماهوش خارج لعموموا 🤗

راهـي صعوبات تعلّم 👀.......
🧠 صعوبات التعلّم الأكاديمية تعني:
🔹 نسبة ذكاء جيدة ،والطفل ناشط في الحياة الإجتماعية
🔹الرغبة في الدراسة موجودة 🥺
🔹تلقاه يعرف كلش ويفهم كلش ويتفكر كلش غير لقراية
علاه؟....... الطريق للدماغ فيها حُفر ومطبات ،يعني هناك قصور في البعض من مناطق الدماغ 🧠،المسؤولة عن الادراك والفهم والتحليل والتخزين ومعالجة المعلومات......

🔶ديري في بالك الضرب والصراخ مش راح يعطيك نتيجة
🔶والمقارنة مع “بنت الجارة،وبنت أختك ” تزيد تعقّد الأمور 🤦‍♀️،

✅ الحل؟

💡 تقييم عند مختص
💡 دعم وصبر (شوية… بزاف)
💡 تدخل مبكر قبل ما يكره القراية ويكرهنا معها 😂
✨ كل طفل يتعلّم بطريقته…
مش لازم يطلع عبقري في الرياضيات، يمكن يطلع عبقري في الحياة 💙

📩 حسّيتي روحك قريتي على ولدك؟
ونزيد نوضح للأمهات ا هذه الصعوبة لم تظهر فجأة في سن التمدرس،،فصعوبات التعلم الاكاديمية تتنتج عن صعوبات نمائية كتأخر اللغة وقصور على مستوى الادراك والانتباه
هذه الصعوبات تظهرفي السنوات الأولى من عمر الطفل

#الاخصائية #نعيمي

#عيادة #أحمد #جابر #للعلاج #الأرطفوني

12/01/2026

👶 الشق الحنكي (Fente palatine)
هو عدم اكتمال في سقف الفم،
يخلي الهواء يطلع من الأنف أثناء الكلام
➡️ وتظهر لدى الطفل الخمخمة المفتوحة.
❓ ماهي أسباب الشق الحنكي؟
📌 يصير غالبًا أثناء الحمل، ومن أسبابه:
🔹 عوامل وراثية
🔹 نقص بعض الفيتامينات خاصة حمض الفوليك
🔹 أمراض أو أدوية معينة أثناء الحمل
🔹 تدخين أو مواد مضرة
👉 يعني السبب مشي خطأ الأم 🌸
👀 كيفاه تفيق الأم بأن طفلها عندو شق مفتوح؟
⚠️ العلامات تبان من الصغر
🍼 في الرضاعة:
🔸 الحليب يخرج من الأنف
🔸 الطفل يتعب بسرعة
🔸 يشرق بزاف
🗣️ في الكلام:
🔸 صوت أنفي واضح (مخمخم ) الطفل يحكي وكأن الصوت خارج من الانف
🔸 صعوبة في نطق بعض الحروف
🔸الكلام ما يبانش واضح رغم المحاولات

❌ التمارين وحدها ما تكفيش إذا كان الشق ما تعالجش
✅ لازم: 👩‍⚕️ تدخل جراحي (جراحة/أنف أذن حنجرة)
وبعدها التدخل الأرطفوني لتصحيح النطق ومخارج الأصوات بعد العلاج

#الأخصائية #نعيمي

#عيادة #أحمد #جابر #للعلاج #التاهيل #الأرطفوني

10/01/2026

❤️❤️❤️مساء الخير ❤️❤️❤️

🔹إذا ابنك ما يهدرش؟
ماشي “عادي” وماشي “عمو الصغير هدر في 5 سنين” 😂وماشي دمو ثقيل 🤗و يجي نهار ويهدر
التدخل المبكر يربح الوقت والنتائج تكون جيدة
🔹ما يستجيبش لاسمو؟ما تفسريهاش “راسوا يابس كي باباه 🤗
ديما تقولوهالي هذي الكلمة 🤣
ديري فحص سمع وتقييم… وارتاحي 👍
🔹 يفهمك مليح ويسمع مليح بصح ما يعبرش؟
هذا تأخر لغوي، ماشي دلال ولا كسل
والعلاج يجيب نتيجة إن شاء الله ✨ وإذا متعالجش راح يأثر على قرايتو 🥺✍️
🔹ما يشوفش في العين،ولا يشوف مدة قصيرة،ومبعد يهرب عينيه يلعب وحدو،ويدير حركات نمطية،ومايهدرش و ما يشيرش؟
راهم مؤشرات توحد،
والتشخيص والتقييم المبكر= فرصة ذهبية

🔹 التلفون والتلفاز
ما يهدرش مع الطفل 🤳❌
بالعكس… يقدر يعطل الهدرة....،والتلفاز وتيليفون ميديروووووش التوحد هذي ركزوا معاها مليح التلفاز والتليفون يديرو اضطرابات أخرى ميديروووووش التوحد ،التوحداضطراب نمائي يحدث بسبب خلل في الجهاز العصبي المركزي يزيد بيه الطفل
🔹 كل طفل عندو وقتو👌
المقارنة تجيب غير الصداع 🤯
🔹 الأرطفونيا
ماشي عصا سحرية 🪄
هي خدمة، صبر، واستمرارية
🔹 الجلسة بلا خدمة فالدار؟
كي القهوة بلا سكر ☕😄
الدار نصف العلاج ،الارشاد الوالدي والتكفل يمشو مع بعض
متقوليش راهو مبغاش
حتى ومبغاش لازم يخدم
لانو الطفل ذكي ويعرف كيفاه يتهرب،😛

🔹والأمهات لي ديما تشكرونا في العيادة وفي ليكومنتار متبانوش العلاج كي تجي للعيادة الأرطفونية ماهوش عيب ولا عار ولا تخافي الناس تعرف ابنك راهو يتبع 🥺🥺بالعكس التقرب للعيادة وطلب المساعدة راهو وعي ودليل على حب طفلك ❤️❤️❤️

❤️تحياتي للامهات لي ولاو صحاب الدار ولكل الامهات ❤️❤️❤️
#الأخصائية. #نعيمي