Clinique dentaire Dr .S.Mehenni

20/10/2025

20/10/2025

20/10/2025

تطعيم الحامل ضد الدفتيريا يكون بين الأسبوع 26والاسبوع32

20/10/2025

20/10/2025

السلام عليكم ورحمه الله وبركاته

قبل مانعرفو الأسباب و التحاليل اللازمة لازم قبل نعرفو بلي التضخم تاع الغدد اللمفاوية ماعندوش علاقة بالعمر و إنما يقدر يصيب كل الفئات العمرية .

العقد اللمفاوية هي هياكل صغيرة بيضاوية و نلقاوها فعدة مستويات و ليست في الرقبة فقط ، كيما تحت الذقن ،اسفل الأذنين،الإبطين، داخل الصدر ول حتى فالبطن.
تلعب دور كبير في جهاز المناعة، تخدم كمرشحات للجزيئات الغريبة والخلايا الشاذة.

أسباب تضخم العقد اللمفاوية:

1. الالتهابات: البكتيرية (كيما تضخم العقد اللمفية السلي ولي هو شكل من اشكال مرض السل يصيب العقد اللمفاوية وين البكتيريا تستقر فالعقد بدلا من الرئتين ) أو الفيروسية أو الفطرية يمكن أن تسبب تضخمًا في العقد اللمفاوية.

2. الأمراض المناعية (الذاتية): مثل التهاب المفاصل الروماتويدي أو الذئبة.

3. الأورام: يمكن أن تكون الأورام حميدة أو خبيثة، وتقدر تنتشر الخلايا السرطانية إلى العقد اللمفاوية وتسبب تضخمها.

4. أمراض الدم: مثل اللوكيميا

يتطلب التشخيص الفحص السريري و تحاليل الدم ، التصوير بالأشعة (مثل الأشعة السينية أو الموجات فوق الصوتية).
- خزعة من العقدة اللمفاوية.

*درك نروحو للتحاليل اللازمة للتشخيص:
1/ تحليل FNS: لمعرفة اذا كاين التهاب او عدوى و أي سبب آخر .
2/ الهرمونات tsh /t4 st3 : تقييم وظائف الغدة الدرقية
3/ تحليل CRP و VS : التأكد من وجود التهاب بسبب الغدد اللمفاوية
و إذا حبينا نفصلو أكثر كاين تحاليل اخرى بصح تندار بعد هاذو لي لفوق ولي هوما :
Les anticorps thyroïdiens : anti TPO et anti tg : إذا كان شك في وجود مرض مناعي ذاتي متعلق بالغدة الدرقية

و طبعا العلاج يختلف على حسب الحالة و السبب

20/10/2025

الإسهال عند الأطفال أثناء بروز الأسنان (التسنين)

يعتبر التسنين من المراحل الحساسة في حياة الرضيع، وغالبا ما يرافقه بعض الأعراض التي تقلق الأمهات، ومن بينها الإسهال.

✅ لماذا يحدث الإسهال في فترة التسنين؟

في الحقيقة، السنّ ما يسببش الإسهال مباشرة، لكن تكون هناك عوامل مرافقة تؤدي إلى اضطراب بسيط في الجهاز الهضمي:

❌ 1. زيادة إفراز اللعاب:
في هذه الفترة، يفرز الطفل كميات كبيرة من اللعاب، ويبتلعها، وهذا يغير تركيبة وحموضة الأمعاء، مما يخلي البراز أكثر ليونة.

❌2. إدخال الأشياء إلى الفم:
الطفل يعضّ أي شيء باش يخفف الألم، وهذا يخليه يدخل ميكروبات وبكتيريا للجهاز الهضمي، تسبب له إسهالًا خفيفًا.

❌ 3. تغيّر بسيط في المناعة:
خلال التسنين، الجسم يكون تحت "ضغط فيزيولوجي"، والمناعة تكون أضعف شوية، فيولي الطفل أكثر عرضة لعدوى بسيطة (فيروسية أو بكتيرية).

✅كيف نفرق بين الإسهال الطبيعي وإسهال العدوى؟

باش تفهمي أكثر 👇🏻

✅ إسهال التسنين: يكون خفيف، عدد مرات البراز ما يزيدش بزاف (مرتين إلى أربع مرات في اليوم)، والقوام يكون لين أو شبه سائل، بدون رائحة كريهة بزاف، وما تكونش حرارة عالية. الطفل يبقى يلعب ويضحك رغم الانزعاج.

❌ إسهال العدوى: يكون متكرر بزاف، مائي تمامًا، مصحوب بحرارة أو قيء، والطفل يولي خامل، ما ياكلش وما يرضعش مليح.
إذا لاحظتِ الأعراض هذي ضروري تشوفي الطبيب بسرعة.

✅نصائح مهمة للأم:

1. عوضيه بالماء باش ما يتعرضش للجفاف.

2. نظافة اليدين والألعاب ضرورية لأن الفم هو المدخل الرئيسي للجراثيم.

3. استمري في الرضاعة، وقدّمي له أطعمة خفيفة وسهلة الهضم إذا كان ياكل.

4. ما تعطيش أدوية عشوائية (خصوصا مضادات الإسهال والمضادات الحيوية) بلا وصفة الطبيب.

5. بردي له اللثة باستعمال عضاضة باردة أو جل خاص بالتسنين باش تخففي الألم.

✅ متى يكون لازم تروحي للطبيب؟

❌ لازم استشارة الطبيب إذا:

الإسهال أكثر من 5 مرات في اليوم.

فيه دم أو مخاط في البراز.

الحرارة مرتفعة (أكثر من 38.5°C).

الطفل ما يرضعش أو ما ياكلش.

بان عليه الجفاف (ما يخرجش بول، فمو ناشف، يبكي بلا دموع).

~

الإسهال أثناء التسنين غالبًا خفيف ومؤقت، وسببه التغيرات الفزيولوجية، مش الأسنان نفسها.
لكن في بعض الحالات يكون إشارة لعدوى تحتاج متابعة

20/10/2025

راكي ترضعي كتكوتك فالليل باه يزرب يرقد؟

علابالك بلي ممكن حليبك لي ترضعيهولو فالليل حيسبب تسوس في سنيه اللبنية لي خرجو‼️

تبعيني نفهمك🚶‍♀️

الرضاعة الليلية الطبيعية ولا الصناعية تسبب حاجة نسميوها "تسوس الرضاعة" أو "تسوس الطفولة المبكرة" (Caries de la petite enfance / caries de biberon)

علاه؟ لأنو فالليل يرضع الرضيع ويبقى الحليب يتجمع في الفم بيسك الحليب فيه اللاكتوز وهو نوع من السكر هاد السكر تتغذى عليه البكتيريا لي كاينة طبيعيا في فم الطفل وتنتج أحماض تسبب تآكل المينا (l'émail لي هي الطبقة الخارجية تاع السن) يعني بداية التسوس

دركا وش الحل؟
1.قبل ما يخرجو الأسنان:
مشي كي يكون بيبي خلاص غير كي يكون حيبدا ينبت سنيه نمسحو اللثة مرة وحدة فالليل برك بقطعة قماش مبلولة تكون نظيييفة ولا كومبراس مبلولة ونركز على كلمة نظيفة
الما غليوه وخليوه يبرد شوية وبللو بيه الكومبراس هكا تظمنو أنو يكون معقم

2.بعد ما يخرجو الأسنان:
نمسحو الأسنان بعد كل رضاعة بقطعة قماش مبلولة نظيفة (ولا كومبراس مبلولة)

بعد عامين: نوليو نغسلولهم سنيهم بفرشاة أسنان صغييرة ورطبة بمعجون أسنان تاع لولاد بحجم حبة تاع أرز

💡 نصيحة إضافية: ما نعطيوش البيبرون تاع الحليب ولا عصير للطفل يرقد بيه وخلي الما هو السائل الوحيد لي يشربو بعد ما تنظفيلو سنيه فالليل

لأنو الاسنان اللبنية مشي غير مؤقتين برك عندهم دور مهم في المضغ، النطق، وحتى الحفاظ على أماكن الأسنان الدائمة لي تجي في بلاصة اللبنية

20/10/2025

وشي هيا الدفتيريا؟؟؟

الدفتيريا ولا الخناق هي عدوى بكتيرية خطيرة ومعدية تسببها بكتيريا اسمها..
👉 Corynebacterium diphtheriaeوالانسان هو المصدر الوحيد لهاد البكتيريا...مش من الماء ولا الحيوان..

‼️نقطة القوة تع هاد البكتيرية مقارنة بباقي البكتيريا انها تفرز سم (toxin) قوي يدخل للدم ويدمر خلايا الجسم، خصوصًا:
خلايا القلب لي يؤدي إلى التهاب عضلة القلب (myocarditis)..والخلايا العصبية تسبب شلل في العضلات..

تستهدف خلايا الانف والحلق و تشكل غشاء يخنق المصاب..لكن في بعض الحالات المتطورة تقدر تصيب الجلد أو القلب أو الجهاز العصبي...

‼️ تنتقل العدوى عن طريق الهواء (رذاذ السعال أو العطس)...أو عن طريق الملامسة المباشرة مع الشخص المصاب أو الأشياء الملوثة بالإفرازات (مناديل، أكواب...)...
وتنتشر أكثر في الأماكن المغلقة والمكتظة وين ما كاين نقص في التلقيح...

‼️تبدأ الأعراض عادة بعد 2 إلى 5 أيام من العدوى..
تحس بالتهاب في الحلق وألم عند البلع...
مع ارتفاع في الحرارة (حمى خفيفة إلى متوسطة)..
وتضخم الغدد في الرقبة رقبتك منتفخة تتنفخ بزاف..

ومبعد يظهر غشاء رمادي سميك في الحلق أو اللوزتين هادي هيا العلامة المميزة للمرض...
تصرالك صعوبة في التنفس أو صفير بسبب انسداد مجرى الهواء...

‼️في الحالات الخطيرة كي تهمل الاعراض وتتهاون في علاجها مبكراا رح يسببلك الامر ضعف في القلب و مشاكل عصبية (شلل في عضلات الوجه أو الحنجرة)..
ووفاة لا قدر الله إذا ما تعالجش بسرعة...

عليكم وعلى التلقييح سواء كبار او صغار بالنسبة للصغار كاين برنامج تلقيحي تأكدو من الدفتر الصحي اذا لقحو..بالنسبة للكبار اذا فاتت عشر سنين ملي لقحتو لازم تعاودو التلقيح...

ومتنساوش لبس الكمامة وغسل اليدين جيدا والتعقيم... اصلا لوقت هذا معمر امراض وتتكاثر فيه البكتيريا والفيروسات بكثرة...وخاصة لاطفالكم لانو مناعتهم ضعيفة ويهزو المرض ليهليه، ربي يسترنا ويشافي كل مريض يارب🤲🏻

17/09/2025

♨️جاامي تشرب. Anti inflammatoires (مضاد التهاب) كي تكون عندك abcès dentaire❌❌❌

كي تكون عندك abcès dentaire جامي تشرب anti inflammatoires ❌

تبعونييي🚶‍♀️

🌸الالتهاب راهو رد فعل دفاعي يديرو الجهاز المناعي باش مينتشرش الميكروب لي abcès l'abcès dentaire ويتلم في بلاصة وحدة

⛔سما نت كي تشرب anti inflammatoires(مضاد التهاب) كيما مثلا rapidus راك ثبطت رد الفعل هداك

الميكروب لي abcès:

كي ينتشر وين يروح؟ يروح للأنسجة لي قدامو لي هي تاع الوجه والرقبة 🫠

🌸وش راح يصرا هنا؟ la cellulite dentaire( كيما لفوطو)

🌸وممكن لا قدر الله ومعالجناش الحالة الميكروب يفوت للحلق ويولي ميقدرش يبلع ويتخنق ويمو/ت ( asphyxie)

🌸وممكن تتفاقم الحالة أكثر ويزيد ويوصل لل médiastin(هو المنطقة لي فوسط الصدر بين الريتين وين كاين القلب والقصبة الهوائية والمريء) وين رايح تصرا la médiastinite(يعني الميكروب وصل لثم) وهنا راهي وصلت الحالة للذروة وأغلب الحالات توصل للوفاة
وممكن ثاني يروح الميكروب للد/م ويصرا تعفن الدم(septicémie) 💔

حتى أنو مشي أي antibiotique يصلح نشربوه سما ماتشربش من راسك❌

باش تنقص شوية ألم اشرب غير براستامول وروح للدونتيست يمدلك العلاج الصحيح✅

🌸والعلاج تاع هنا يديرلو Drainage لل abcès (معناها يفرغلو l'abcès) ويديرلو علاج بالمضادات حيوية ورا أيام يرجع باه يخدملو ضرستو وادا مش تاع خدمة ينحيهالو