عيادة أمراض النساء و التوليد د. بوزيان Dr Bouziane. Gynécologue privé

16/11/2025

16/10/2025

سلام..🎉🎉مبروك لعائلات صديقي و بوزيدي قدوم الجميلتين :
🥰 ريم وتوبة 🥰
يترباو في عزكم و على طاعة الرحمن إن شاءالله

12/10/2025

🅰️ pour Adénomyose ❕️
واش هذا المرض ،واش تعرفوا عليه..
تسمعوا كامل ببطانة الرحم المهاجرة🤔، امالا هذي نوع منها، بصح الخلايا المسؤولة عن المرض ما تهاجرش بعيد،🐢🐢 في عوض لي تروح للحوض ، تكون فقط في جدار الرحم
تسبب آلام متوسطة😑 إلى شديدة 😬و الدورة تكون قوية على العادي و مدتها أطول
تقيس أكثر المرأة لي قريب تروح لها العادة و تكون سبب من أسباب الإجهاض 😔
التشخيص نتاعها سهل نسبيا، و فقط الايكو المهبلي يكون كافي
لا تتحول أبدا إلى سرطان⛔️، بصح ساعات الحل الوحيد هو استئصال الرحم إذا ما نفعش الدواء..
و كي العادة نخليلكم بعض الصور تساعدكم على الفهم
، دمتن بصحة و عافية 🥰

11/10/2025

سلام..منا و جاي نرجع ندير لكم حلقات كل مرة على واش نهدر،حلقات خاصة بالايكو، بصعوبة الإنجاب، بالنزيف خارج أو أثناء الحمل, الخ..على شكل حروف الأبجدية، تحبوا بالعربية أو الفرنسية أو في زوج معا....غدا A ان شاء الله راح يكون الحرف
🥰 اقترحوا حاجات و انا نسجلها عندي

10/10/2025

سلام..الرحم المقلوب يبدأ الحل نتاعو عندما تكون أعراض..أما ما تحسي والو، ما تحوسيش عليه🤷🏻‍♀️
هاي ليكم بعض الحلول:
تأهيل بعد الولادة⬇️
⬇️ الجراحة
احكوا لطبيبة هذا المشكل و ناقشوا الحل معاها

06/10/2025

سلام..فيما يخص الرحم المقلوب، كاين لي ما فهمتش واش هو..قلت بلي الوضعية الطبيعية للرحم أنو يكون مائل إلى الأمام و يجي فوق المثانة..بصح في بعض الحالات يطيح للوراء جهة الظهر.
ساعات اكون خليقة، بصح معظم الأحيان تصرالو هكذا بسبب التصاقات ناتجة عن عمليات جراحية سابقة، كيما العمليات القيصرية، أو أي عملية أخرى تخص الحوض،
يقدر ثاني يدور للوراء بسبب فيبروم كبير في الرحم أو أي مرض آخر يجي في الرحم
ساعات بسبب الولادة و ضعف أربطة الرحم مع ضعف عضلات العجان
♦️ نروحو للاعراض نتاعو: كاين بزاف نساء ما تفيقش بلي عندها رحم مقلوب حتى تروح للطبيبة، و لكن في بعض الأحيان يسبب آلام شديدة خاصة أثناء العلاقة مع الزوج أو أثناء الدورة الشهرية.
♦️ هل يسبب العقم؟! الجواب هو لا ، و لكن لازم نمدو نصائح للمرأة تحسن فرصها في الإنجاب في هذي الحالة
إن شاءالله نكون جاوبت على تساؤلاتكم و انتظروني في بوست قادم على نفس الموضوع إن شاءالله 🥰

04/10/2025

سلام..واش تعرفوا على الرحم
🤔المقلوب؟
وضع الرحم الطبيعي يكون مائل إلى الأمام فوق المثانة
عند واحدة من خمس نساء، يكون مائل إلى الوراء جهة الظهر
لايؤثر على الحمل و لا الولادة، بصح يدير بزاف آلام أثناء الدورة الشهرية أو أثناء العلاقة..شوفوه في هذي الصور كيفاه عامل ...فدا إن شاءالله، نحكي على بعض طرق العلاج..تصبحو على خير

03/10/2025

سلام..لما ما يحدث حمل و يكون بوليب ، يجب نزعه
لما يكون نزيف متكرر بسبب بوليب، يجب نزعه
لما تكون المرأة قريبة لسن اليأس و تلقى بوليب، يجب نزعه
في باقي الحالات ، نديرولو كونترول فقط

02/10/2025

سلام، بوليب polype ، هي زوائد لحمية ،تنشأ في بطانة الرحم أو في عنق الرحم..عادة تكون حميدة.، لكن معظم الأحيان لازم لها استئصال ، في العيادة عند الطبيبة، أو بالمنظار الرحمي 🥰. هكذا تبان بالمنظار

01/10/2025

فتحة قناة فالوب من جهة الرحم، بالمنظار الرحمي
Ostium tubaire vu en hystéroscopie



#المنظارالرحمي

01/10/2025

سلام النزيف خارج الدورة يجي عادة بسبب اضطرابات هرمونية، زوائد لحمية حميدة أو غير حميدة، فيبروم، التهابات في بطانة الرحم...في كل الحالات، ما تستهزاوش و روحو شوفو الطبيبة في أقرب فرصة

30/08/2025

سلام..كثير من النساء ما تفرقش بين المخاض الحقيقي و المخاض الزائف أو الكاذب..
في هذا الجدول راح تشوفو أهم الفروقات بيناتهم باش تعرفوا وقتاش تروحوا لمصحة الولادة..وكيما نقول ديما للمريضات لي يتابعوني: ديروا شميعات سباسمول ( سباسمين، سباسيل، سباسفون.....عدة أسماء، بصح نفس المكون !)، اذا راح الوجع، هذاك راهو طلق كاذب في 99% من الحالات🥰