Quel est le site Web ?

https://www.facebook.com/108217218668245/

Heay_Ma Medi_life, Bordj Bou Arreridj (2026)

24/03/2026

في منصة x (تويتر ) لقيت باش نحط فقرة طويلة شوي لازم نخلص ...
ما أقبح الفقر و ما أقبح الفقراء 😔

24/03/2026

اووه ذا وين تولهت بلي رجعنا 9k✨️
بدات عايلة الهايمة تكبر (المصطلح ذا يستخدموه المؤثرين باش يحشيو للناس و يحسو بالانتماء زعما )

24/03/2026

شفت داعية مرأة تنصح و كذا تقول للرجل ما تحطش عقلك بعقل المرأة
الصراحة كنت نستغرب كي نشوف الرجال يستخدمو ناقصة عقل و دين لأي مرأة عجال انتقاصها و عدم معاملتها كشخص بالغ و عندو عقل يخمم ...بصح استغربت اكثر كي شفت بلي نساء يستشهدو بذي باش يبررو أفعال لا تليق بعاقل يديروها
رغم انو الحديث شرحه الرسول مباشرة و قال نقصان العقل و هو انو شهادتها تعادل شهادتين الرجل و الدين بسبب الحيض و ما يترتب عليه من عدم صلاة و صوم ...
المشاعر الانسانية جزء لا يتجزأ من الانسان ذكر كان او انثى ..من مشاعر الحب للكره للغضب للانفعال و غيرها ...و التحكم فيها و ضبطها مش مرتبط أبدا بالجنس اذا ذكر او انثى و انما مرتبط
(بالفكر و الذات و تهذيب النفس ...(و حتى الذكاء

و في الواقع فقط تقدر تلاحظ ذا بحيث تلقى راجل طائش منفعل ..و تقدر تلقى مرأة عاقلة غير منفعلة و تضبط نفسها ) و العكس بالضبط ( ..
تقدر تلقى مرأة تخمم بمنطقية و تقدر تلقى راجل عاطفي منفعل ) و يعني يوجد دراسات تقول ان الرجل بسبب طرق التربية المختلفة يقدر يكون منفعل جدا و يميل للعنف لهذا نسب الجريمة و دخول السجن عندهم اكثر ( ....

التفكير الصحيح و ضبط النفس و الانفعال جامي لا كان حكرا على جنس معين ...
حتى الرسول قال النساء شقائق الرجال و بزاف نصوص شرعية تثبت بلي كيف كيف...الجزاء كيف كيف و حتى الدعوة لتزكية النفس من سبحانه كانت بالعموم و لكلا الجنسين
﴿قَدْ أَفْلَحَ مَن زَكَّاهَا﴾.

24/03/2026

ني فتحت منصة x ( تويتر سابقا و لقيت روحي ديجا عندي كونت )
نطو نرجعو نبيبلييو فيه ثاني

24/03/2026

الذكر عوض يستعرف بلي راه فقير و يروح يخدم على روحو يرجع يوصم أي فتاة بكلمات كيما جيعانة ولا فيمينيست باش تحس بالعار و تحشم حتى ما تبين بلي راهي حابة حاجة مادية ...رغم انو الانسان مادي بطبعه و مكاش حد ما يحبش كون يجيه كادو كيما هك ذكر كان او انثى ...و ذا بالذات كون تجيه هدية هك يموت بالفرحة ... و الرسول قال " تنكح المرأة لمالها " يعني حتى الذكر و كون يلقى المال مش راح يقول لا ( و هانا نشوفو الحراقة بواش يتزوجو عجال الإقامة )

و يستخدمو الدين و مصطلح الزوجة الصالحة كورقة للضغط على النساء اللي عندهم عقدة الذنب و عقدة الخوف من انو ما يكونوش صالحات بمعايير حطها الذكر باش تخدمو تحت غطاء ديني ...
روح تخدم خيرمن ما تعس النسا واش حابين و توصمهم بلي ماديات اللي ماهو وصم ما والو و تبان بهيم برك كي تقول هك هه.
المال قوة فذا الوقت و المؤمن القوي خير من المؤمن الضعيف .

23/03/2026

الرسول صلى الله عليه وسلم كي جا راح يموت و اشتد عليه الوجع قبل أيام ...قال للصحابة جيبلي نكتبلكم كتاب " وصية" لا تضلّوا بعده ...سيدنا عمر قال بلي النبي اشتد عليه الوجع و يكفينا القرآن و بعدها كثر اللغط و الاختلاف نتيجة الاجتهاد و الرسول صلى الله عليه وسلم هنا قاللهم اخرجوا عليا ...بعد ذا ابن عباس رضي الله عنهما كان كل ما يتفكر هذا يبكي و يقول الرَزيّة كل الرزيّة ما حال بين رسول الله و كتابه
و سميت ذي الحادثة برَّزيّة الخميس أي مصيبة الخميس ...
الصحابة رضي الله عنهم حتى عند رسول الله و اختلفوا بحسب اجتهاد كل حد منهم ..و شايفة ذا من طبيعة البشر و ماهمش معصومين ...الاختلاف لازم يكون مكاش كيفاش نكونو بلون واحد ...و مكاش كيفاش نكونو ابيض ولا اسود برك و راح يكونو بزاف درجات ...
حتى في حادثة الفتنة الكبرى تلقى جماعة من أهل السنة يخبيو أحداثها فعلا ولا جماعة من الشيعة يعظموا أحداثها و يزيدو فيها نشوف ذا الشي مش صحيح ...لأنو تع السنة ذو يتعاملوا مع الصحابة كأنهم معصومين و حتى ان يقولوا مش معصومين و ما يقروش أبدا بلي صرات فتنة و ايه غلطوا فبعض ...و تع الشيعة يشيطنوا تماما كل من اختلف مع من ينصروا من جهتهم ...( و أعيد القول بلي مش كامل بالطبع ) ..
الاختلاف لازم يكون ...و مهما واش بلغت درجة إيمانك و علمك راح تغلط مكاش كيفاش و لو بغير قصد ...و نشوف ذو الأحداث رغم أنها مأساوية الا انو تعطينا درس بلي الاختلاف راح يكون يكون و أهم شي تقبله و معرفة أسبابه و التعامل بالعقل و ضبطه بالعدل و العلم و عدم تحويله لصراع ولا كراهية .

23/03/2026

خطرة وحدة فسارفيس ميكروبيو بقينا نحكو قتلها الشيخ لفلاني غلط و قال بلي رائحة العرق سببها الذنوب قاتلي لحوم العلماء مسمومة ... قتلها انا اصلا وجبتي المفضلة هي لحومهم و نديرها باربيكيو ..تدزي بيا؟ ..
الجملة ذي نشوفها أحد أساليب القمع باش ما يخلوكش تعترض ولا تقول رايك حتى في مسألة علمية و اختصاصك نتا ..لانو اللي يفتيو ضرك اغلبهم خاطيهم تعدد الاختصاصات و العلم حتى بأبسط حاجة لهذا تلقى شيخ بعثلو حد يدز بيه و يسقسيه اذا حلال أكل حورية بحر و يقولو ايه حلال من دوم من البحر عوض ما يقولو واشمن حورية بحر كاينة ...

كون نتبعو منطقهم و منطق لحوم العلماء مسمومة نجد اصلا بلي الجملة ذي ماهي حديث ما والو و انما هي مقولة تنسب الى أبي القاسم علي بن الحسن ابن عساكر الدمشقي ....اللي اصلا كان من الأشاعرة و هوما مزندقينو و ياكلو لحمو عادي ...
و اللي يقولو الجملة ذي تلقاه عادي يدير لحوم علماء خلاف مشوي ...ما يحبش برك غير على العلماء اللي يتبعهم و يقدسهم و يقول بلي مش معصومين و لكن يعاملهم معاملة العصمة ...كأنو هوما برك اللي عندهم الحقيقة المطلقة .

23/03/2026

نحب تدين الكبار في السن لسبب رئيسي و هو انهم رغم معلوماتهم القليلة اللي يتلقاوها مباشرة من شيخ في مجلس العلم و من حياتهم المعيشة ... و لكن تعاملهم جيد مع الناس و أخلاقهم حسنة و حتى عباداتهم مليحة ... يعني حجم معلوماتهم تتناسب جدا مع تطبيقهم ...

الحداثة و التطور و وجود مطبعات و السوشل و غيرها خرجتلنا مسلم يعرف الكثير من المعلومات و النصوص و الاحاديث و يناقش عادي في قضايا كبرى بصح ذا ما ينعكسش عليه في سلوكه اليومي و ما يحسنش أخلاقه...
سما الدين رجع مجرد معلومات تُستهلك و مش حياة تُعاش رغم انو نشوفو مثلا الصحابة كانو يطولو باش يحفظو قرآن لأنهم كانو يطبقو واش كاين في واش حفظو قبل و باش يكملو يحفظو الباقي...
و كمثال فقط نلقاو بزاف أشخاص عارفين احكام الصلاة و غيرها بصح ما يصليوش عادي ...و نظن بسبب هذه أيضا خرجت فكرة " انا عاصي و غيرها بصح خيرمنك لأني عندي نصوص تثبت بلي نتا راك مبتدع"

حتى الكتب المدرسية ضرك تنقل الدين كمعرفة و مش كسلوك و تبدل السؤال من " هل يرضي الله" الى "هل هذا مفيد للمجتمع "
و هنا تحول الدين لأداة لحل مشاكل دنيوة و مش غاية بحد ذاته ...

نتيجة هذا التشوه بسبب الحداثة نتجلنا مجتمع فيه مظاهر التدين بصح يفتقر بزاف للقيم و للتطبيق....

و باش نربط الأمر فلسفيا نجد نيتشه مثلا كان ينتقد الإنسان اللي عنده تضخم في المعرفة على حساب الحياة نفسها كي شغل جانب واحد فيه كبر بشكل مشوَّه وبقية الجوانب بقات قزمة ... وانا نشوف اللي عنده معلومات دينية كثيرة من غير تطبيق يشبه مسخ لرأس ضخم (المعلومات ) وجسم صغير(التطبيق) ما كبرش معاه ...
و النتيجة راح تكون انو الشخص ذا ما يقدرش يمشي بشكل سليم ....
و هكذا يرجع الدين "تضخمًا في الذاكرة و المعلومات" لا نضجا في السلوك و العمل.

22/03/2026

شفت بزاف يدعو على إيران و مساندين إس.رائيل ...و ذا جهل كبير. ..
و حتى جملة " اللهم اضرب الظالمين بالظالمين و أخرجنا منها سالمين " الصراحة نشوفها خطاب مش دقيق فذي الحالة. ..و اللي يعرف شوي للسياسة برك يعرف بلي مكاش كيفاش.

و أصلا انك تخلي كل من إيران و إسرائيل فكفة وحدة ما جاياش خاصة فذي الحالة بعيدا عن واش دارت إيران مسبقا في الدول المسلمة السنية ....من باب العدل فقط
سبحانه قال
"ولا يجرمنّكم شنآن قوم على ألا تعدلوا، اعدلوا هو أقرب للتقوى."

و زيد أيضا في القرآن نجد سبحانه قال :" ألم__غُلِبَتِ الرُّومُ _فِي أَدْنَى الأَرْضِ وَهُم مِّن بَعْدِ غَلَبِهِمْ سَيَغْلِبُونَ
فِي بِضْعِ سِنِينَ لِلَّهِ الأَمْرُ مِن قَبْلُ وَمِن بَعْدُ وَيَوْمَئِذٍ يَفْرَحُ الْمُؤْمِنُون"

و يوجد الكثير من النصوص في تفسير هذه من الحسن الغريب حتى للصحيح تقول بلي فرح المؤمنين كان لأنو اولا تحقيق نبوة النبي ..و ثانيا لأن الروم أهل كتاب و هي أقرب على الفرس اللي يعبدو النار ...
خاصة و كاين بزاف علماء اختلفوا في هل كل الشيعة اذا كفار ولا نن و بالإضافة إيران فيها مسلمين سنيين بالملايين ....

اللي عندو شوي عقل برك و يخمم يعرف بلي هذا هو الصح مي هوما خيرو يتبعو سردية سياسية خاطيتهم أصلا ...مش راح يفهموها ناسيين بلي من يقف مع الاعداء اليوم ..غدوة يكون هو الطبق المقدم على مائدة اللئام وتلك الأيام نداولها بين الناس.

21/03/2026

والله يعني نحير كي نشوف خطابات هك و التنطع و الغلو هذا ...
كنت نشوف من قبل الذكور يشاليو بالآية ::" و قرن في بيوتكن " لوحدة تقرا ولا تخدم ...مي توصل حتى يمنعوها من المسجد و صلاة العيد اللي فيهم نصوص صريحة بلي ما تمنعوهمش هنا صايي زادو فيها بزاف ...و الذريعة واش؟ اذا جميلة المرأة ذي و تقدر تفتن ...مش عارفة لوكتاه راح يبقاو يضيقو على المرأة في الحلال و المباح عجال هوما ضعاف مساكن و ما يقدروش يغضو البصر اللي هو واجب ....
و اللي يقرا و يبحث في مختلف التفسيرات و واش قال الأصوليين بلي الآية ذي كانت تخاطب نساء النبي اللي عندهم من الخصوصية واش مكاش لنساء عاديات خلاف...لانو الأجر لهن مضاعف و التكاليف أشد ..سبحانه قال : ﴿يَا نِسَاءَ النَّبِيِّ مَنْ يَأْتِ مِنكُنَّ بِفَاحِشَةٍ مُبَيِّنَةٍ يُضَاعَفْ لَهَا الْعَذَابُ﴾..
و زيد عند أهل العلم يقولك الآية الفوق واضحة و صريحة بلي على نساء النبي و انهم على سبيل الوجوب القرار في البيت ليهم ..و هكذاك و الفهم يختلف عليها عائشة كانت تخرج عادي بعكس سودة بنت زمعة رضي الله عنهما ....
و اذا فعلا القرار في البيت لكل النساء علاه نلقاو آيات التبرج و غض البصر؟ ....
و اللي يهدر على النصف الباقي من الآية باش يعمم الحكم و يقول ولا تبرجن تبرج الجاهلية الأولى ...ففي القرآن نجد آيات اخرى صريحة و عامة على فرضية الحجاب و التبرج ...
في النصوص نلقاو الخاص و العام و يوجد أحكام مخصوصة لمقامات مخصوصة كما في حالة نساء النبي ...

تجي تستخدم فهمك المغلوط للآيات و النصوص على النساء باش تضيق عليهم برك هذا ظلم ....و المشكل نلقى بنات هوما يتبناو ذا الخطاب و تلقاها تخرج تخدم ولا تقرا و غيرها و هي حاسة بلي راهي تدير في كبيرة من الكبائر .
والله عار على الأمة الإسلامية الشي ذا .. حرب طاحنة بين الجنسين و الطوائف و مازلنا نتجادلو و نتضاربو على أبسط حاجة و أبسط حق .

21/03/2026

🕳 علاه اللي يديرو الكيماوي chimiothérapie يطيح شعرهم ؟ ..........
بكل بساطة لأن الكيماوي ذا ما يستهدفش الخلايا السرطانية فقط و إنما يستهدف كل خلية عندها
(Prolifération Rapide)
أي سريعة الانقسام... ( و معروف أن الخلايا السرطانية سريعة التكاثر )
و من بين ذو الخلايا هوما خلايا النخاع و خلايا الغشاء المخاطي الهضمي و الغدد التناسلية و ثاني les phaneres و اللي هوما الشعر و الأظافر .
و نتيجة هذا نلقاو اعراض كسقوط الشعر و لانيمي و مشاكل الجهاز الهضمي و مشاكل الإنجاب و غيرها من الأعراض الجانبية.
الله يعافينا و يشفي كل مريض ♡

21/03/2026

les corticoïdes 💊

يجيوني بنات يحبو يشريو ذو و كي نعرف عجال زيادة الوزن نشوفهم يزعفو. .و شخصيا ما نقدرش نلومهم وحدهم لانو الجماعة ذي تخضع لمعايير جمال مزيفة حاطها المجتمع ...
صحا واش هوما لي كوتيكويد ذو و علاه نحذرو من الاستعمال العشوائي ليهم؟

♦هاذو les corticoïdes هوما هرمونات طبيعية hormones stéroidiennes naturelles تفرزهم وحد الغدة اللي جاية فوق الكلية يسموها الغدة الكظرية ولا la glande surrénale انطلاقا من الكوليسترول... تسما كاينين بشكل طبيعي في جسم الانسان

♦و نقدرو نميزو نوعين منهم :
- les minéralo-corticoïdes :
المعروف فيهم l'aldostérone
- les gluco-corticoïdes :
اللي الشاف تاعهم le cortisol و la cortisone

♦ الهرمونات ذو عندهم أدوار مهمة جدا في جسمنا و اللي تفسر دواعي الاستعمال المتعددة تاع les corticoïdes كأدوية اللي من بينها:

-Hyperglycémiants
-bronchodilatateurs
-Anti inflammatoires
-Antipyrétiques
-Analgésiques
-Anti allergiques
( :ترفع نسبة السكر في الدم... توسع القصبة الهوائية ...مضادات التهاب .. حمى..ألم... حساسية )

♦رغم الفوائد الكبيرة تاعهم إلا أن استعمالهم لازم يكون تحت رقابة طبية صارمة و ذا اللي يخلينا نروحو الآن للنقطة المهمة اللي لازم نهدرو عليها و هي الآثار الجانبية:

1- زيادة الوزن : و هاذي اللي يموتو عليها النساء و العرايس تاعنا و يهلكو بيها رواحهم، الزيادة هاذي ماشي طبيعية كشغل يتنفخو ماشي يسمانو خاصة مناطق الوجه و الرقبة و البطن.
2- هشاشة العظام و ال ostéoporose اللي تسبب في آلام العظام و الكسور.
3- ضمور العضلات و الجلد atrophie musculaire et de la peau و اللي راح يسبب les vergetures و les cellulites...
4- الشحمة في الدم يعني ارتفاع نسب triglycérides و cholestérol و اللي يتسبب في انسداد الشرايين و أمراض القلب.
5- ارتفاع ضغط الدم (لهذا نطلبو من المرضى ينقصو من الملح خلال فترة العلاج)
6- مشاكل جنسية (توقف الطمث... acné..، زيادة في نمو الشعر... )
7-نقص المناعة
8- مشاكل نفسية : قلق و اكتئاب
9- القرحة المعدية....

🕳حاجة أخرى مهمة :
jamais توقفو العلاج بال corticoïdes مرة وحدة d'un seul coup بل لازم يتم تدريجيا خاطر هكذاك رايحة تصرالكم insuffisance surrenalienne aigue يعني الغدة الكظرية تاعكم (و المسؤولة عن وظائف أخرى أيضا) راح تكون متوقفة عن العمل(لأنو العمل تاعها كانت الأدوية معوضاتو) و بالتالي قادرة تسبب في حالات وفاة mort par hyperkalémie

🕳 و فرايكم علاه الضرسة تاعكم الوجع تاعها يزيد في الليل ولا les asthmatiques تجيهم النوبات في الليل هاذي على خاطر افرازات les corticoïdes تقل في الليل مقارنة بالنهار و بالتالي دورهم في تخفيف الألم و الالتهابات ينقص.

Heay_Ma Medi_life

24/03/2026

24/03/2026

24/03/2026

24/03/2026

24/03/2026

23/03/2026

23/03/2026

23/03/2026

22/03/2026

21/03/2026

21/03/2026

21/03/2026

Adresse

Site Web

Notifications

Raccourcis

Partager