BHW Essence : Beauty , Health & Well-being

BHW Essence : Beauty , Health & Well-being Atelier artisanal de production des huiles Végèales 100% Naturelle, Pression à Froid

08/04/2026

الزيوت متوفرة من جديد فب محل نعناعة Healthy مرحبا بكم ❤️

فصل الربيع 🌸هذه السنة من أروع وأجمل الفصول منذ سنوات طويلة ، تنوع كبير في الزهور و الألوان سبحان الخالق المبدع .لكن خلال...
07/04/2026

فصل الربيع 🌸هذه السنة من أروع وأجمل الفصول منذ سنوات طويلة ، تنوع كبير في الزهور و الألوان سبحان الخالق المبدع .
لكن خلال هذا الفصل الجميل البشرة تكون حساسة و تحتاج عناية أكبر لأنها تكون في مرحلة انتقالية من برد الشتاء و عوامل أخرى تأثر فيها مثل حبوب اللقاح و شمس منتصف النهار و أيضا فصل الربيع هو الوقت لي تجدد فيها الخلايا و بالتالي راح تلقاي بشرتك أصبحت تقشر بزاف و لكن ليست جافة
ارواحي نعطيك خطوات بسيطة تحافظي بيها على بشرتك في هذا الفصل الجميل 🌺
💧 1. تنظيف لطيف اختاري صابون ينظف بدون ما ينشف البشرة مثل صابون حليب الماعز (مرة واحدة كافية )
🌿 2. ترطيب مناسب استبدلي الكريمات الثقيلة بمرطب خفيف، لكن لا تهملي الترطيب أبدًا و أفضل اختيار زيت نواة المشمش او زيت السمسم مناسبين لكل أنواع البشرة و تمتصهم البشرة بسهولة
🌸 3.ماء الورد ، يتم تقطيره في فصل الربيع و استعماله ضروري جدا خاصة في هذا الفصل ، يضمنلك ترطيب جيد للبشرة و يعطيها انتعاش طبيعي خاصة لي تكون تتقشر و تعطي احساس غير مريح
☀️ 4.. واقي الشمس ضروري حتى في الربيع! لأن شمس الربيع قوية و تسبب تصبغات (على الأقل SPF 30)
🌼 5. انتبهي للحساسية من حبوب اللقاح اغسلي وجهك بعد الرجوع للبيت وتجنبي لمس الوجه كثيرًا
🍓 7. الجمال من الداخل ماء + فواكه (تناولي الفواكه الموسمية بكثرة خاصة الفراولة و البرتقال) = بشرة صحية ومشرقة ✨
دمتم_جميلات 🥰

مساء الخيرات جمعة مباركة و رمصان مبارك و ان شاء الله تكون أيامكم كلها مباركة كيف احوالكم مع رمضان و تنظيم الوقت، أنا شخ...
20/02/2026

مساء الخيرات
جمعة مباركة و رمصان مبارك و ان شاء الله تكون أيامكم كلها مباركة
كيف احوالكم مع رمضان و تنظيم الوقت، أنا شخصيا لبارح فات أغلب الوقت في المطبخ عادة اليوم الأول نحضر أطباق لي تقعد يومين او ثلاث أيام كيما الشليطة ، لحم الحلو ( بطريقة صحية اذا تحبو نشاركها معاكم ) ، سلطة الأرز ، و حتى الشربة ندير حق يومين هكا الوقت كامل ميروحش في المطبخ و ان كان عندنا أجر إفطار صائمين و خدمة أهل البيت ، و حتى الوقت لي نكون في المطبخ نستغلوه في سماع بودكاست و برامج مفيدة .
بالنسبة للطلبيات بعثت الدفعة الأولى و الدفعة الثانية للأسف مازال تعطلي الهاتف و راحلي كلش واش فيه قدر الله و ما شاء فعل ، و كامل طلبيات لي على الواتساب راحولي منها المعلومات
لذلك أي واحدة دارت طلبية على الواتساب تعاود تبعثلي معلوماتها و عذرا على التأخير❤️
صح فطوركم

رمضان مبارك عليكم جميعا ❤️اللهم أعنا على صيام و قيام رمضان و تقبله منا يا رب رمضان فرصة للتقرب من الله عز و جل و غذاء ال...
18/02/2026

رمضان مبارك عليكم جميعا ❤️
اللهم أعنا على صيام و قيام رمضان و تقبله منا يا رب
رمضان فرصة للتقرب من الله عز و جل و غذاء النفس و ليس الجسد
رمضان فرصة لتنقية الجسم من السموم بتخفيف الأكل
رمضان فرصة لبداية نظام صحي في الأكل و تخفيف قدر المستطاع من السكريات و الزيوت المهدرجة و الأكل المصنع و كل ما يضر الحسم
و نحن هنا لنقدم لكم مواد طبيعية صحية 100% تحيي الجسم و لا تقضي عليه
كل عام وأنتم بخير
صح سحوركم ❤️

نهاركم طيب ❤️طلبياتكم تحضر بكل حب 🥰 لبوكس رمضانلي حب يوصله البوكس قبل رمضان يدير الطلبية اليوم.نذكركم ببوكس رمضان ،فيه م...
16/02/2026

نهاركم طيب ❤️
طلبياتكم تحضر بكل حب 🥰 لبوكس رمضان
لي حب يوصله البوكس قبل رمضان يدير الطلبية اليوم.
نذكركم ببوكس رمضان ،فيه مجموعة من الزيوت الصالحة للأكل و الطهي ، من أجل تخفيف استعمال الزيوت المهدرجة و تنويع الأذواق و الاستفادة من المواد الغنية في الزيوت المعصورة على البارد.
البوكس راه بسعر بزاف مليح و فيه هدية مجانية لي هي فرينة السمسم الغالية من الغلوتين
🌱زيت السمسم
🌱زيت بذور الكتان
🌱زيت جوز الهند
كامل بالحجم الكبير بسعر 4300دج فقط
سارعوا بالطلب على الخاص
التوصيل متوفر لكل الولايات مرحبا بكم ❤️
صح رمضانكم

فرينة السمسمهي بقايا عصر السمسم على البارد بحيث نتحصل على الزيت وحده و دقيق السمسم لوحده ، يعني فيه كل فوائد السمسم من أ...
15/02/2026

فرينة السمسم
هي بقايا عصر السمسم على البارد بحيث نتحصل على الزيت وحده و دقيق السمسم لوحده ، يعني فيه كل فوائد السمسم من ألياف و كالسيوم من غير المادة الدهنية فقط.
و طبعا البقايا هاذي بعد ما نتحصلوا عليها نزيدو نرحوها في رحيوة القهوة و التوابل حتى يصبح ملمسها رطب يشبه الفرينة العادية باش يسهل علينا الاستعمال
هل فرينة السمسم بديلة لفرينة القمح اللين؟
لا طبعا و إنما عندها استعمالات أخرى ، لأنها خالية تماما من الغلوتين فهي خيار رائع لمرضى السيلياك و أيضا لي يتبعوا نظام غذائي بدون غلوتين أو تقليل الغلوتين أو نظام الكيتو ، نقدروا نستعملوها لتحضير الخبز كاين بزاف وصفات على اليوتوب تقدروا تشوفوها.
و حتى لي يتبعوا نظام غذائي عادي يقدرو يخلطوها مع الفرينة العادية في أي حاجة راح تزيدها بنة و الهدف طبعا الاستفادة من القيمة الغذائية للسمسم .
فرينة السمسم راهي متوفرة مجانا في بوكس رمضان و في أي طلبية زيوت أكثر من 3000دج.
شاركونا وصفات اذا استعملتوها من قبل 🥰

نهاركم طيب ❤️أفضل ما تبداو بيه نهاركم لعلاج التهابات الجهاز التنفسي عند الكبار و الصغار و تقوية جهاز المناعة ، هو زيت ال...
15/02/2026

نهاركم طيب ❤️
أفضل ما تبداو بيه نهاركم لعلاج التهابات الجهاز التنفسي عند الكبار و الصغار و تقوية جهاز المناعة ، هو زيت الحبة السوداء ، ملعقة صغيرة منه مع ملعقة عسل في مشروب دافئ أو ماء دافئ ، داوموا عليه مع أولادكم و راح تنسا أمراض الشتاء 👌
دمتم بخير 🥰

بوكس رمضانمجموعة الزيوت لي خيرتهالكم في هذا البوكس خاصة بالطهي و الأكل هكا باش نقصو من استعمال الزيوت المهدرجة و نوعوا ف...
14/02/2026

بوكس رمضان
مجموعة الزيوت لي خيرتهالكم في هذا البوكس خاصة بالطهي و الأكل هكا باش نقصو من استعمال الزيوت المهدرجة و نوعوا في استعمال الزيوت ماشي غير زيت الزيتون ، من أجل الذوق و أيضا من أجل القيمة الغذائية العالية لي كاينة في الزيوت النباتية المعصورة على البارد
البوكس يتكون من ثلاث أنواع زيوت حجم كبير
🌱زيت السمسم : يستعمل في كل أنواع الأكل يقدر يكون بديل صحي لزيت المائدة ، في المرق ، في التتبيل ، في التشويح sauter , في المعجنات ،الحلويات....بزاف استعمالات ، معمر بالكالسيوم و الفيتامينات مليح بزاف للأطفال الصغار لصحة عظامهم
🌱زيت بذور الكتان :غير صالح للطهي لا يجب أن يتعرض للحرارة العالية ، نقدرو نستعملوه في السلطات ، نضيفوه للياوورت و الغرانولا،، غني بالأوميغا3 ، يساعد على تنظيم الهرمونات الأنثوية ، رائع للتخلص من الإمساك ، ضروري كل امرأة تتناوله يوميا .
🌱زيت جوز الهند : جيد للطبخ لكن بكميات قليلة و ليس دائما لأنه من الدهون المشبعة و غير مناسب لمن يعاني من ارتفاع الكوليسترول، رائع للتحليات و الحلويات ، مناسب جدا لمن يعانون من جرثومة المعدة .
و هدية البوكس هي كمية 250غ من فرينة السمسم ، لي يحبوا يطيبو مخبوزات بدون غلوتين ، و لا تقدروا حتى تخلطوها مع الدقيق العادي للاستفادة من مكوناتها .
البوكس راه متوفر للطلب بسعر 4300دج فقط بالإضافة إلى فرينة السمسم مجانية ❤️
التوصيل متوفر لكل الولايات مرحبا بكم

مساء الخيرات ❤️أكيد راكم كامل مع تحضيرات رمضان ، كل واحدة كيفاش تحضر كاين لي راهي مع التنظيف العميق و كاين لي راهي تشري ...
09/02/2026

مساء الخيرات ❤️
أكيد راكم كامل مع تحضيرات رمضان ، كل واحدة كيفاش تحضر كاين لي راهي مع التنظيف العميق و كاين لي راهي تشري أواني جديدة و كاين لي دير تجهيزات الأكل لرمضان و كاين لي راهي تخطط بداية جديدة في الشهر الكريم ، كل واحدة و طريقتها و كل واحدة و نظرتها للأمور
فقط نصيحة بسيطة ، أي جهد تبذليه و لا أي مصروف تخرجيه خممي فيه على أساس استثمار في صحتك و وقتك و جهدك ، يعني اذادرتي تنظيف عميق ماشي فقط لأنه الناس كامل داروه لازم ندير و إنما باش نسهل على روحي و نكون مرتاحة نفسيا ،اذا درت تجهيزات الأكل في المجمد ماشي علجال الناس كامل داروا إنما استثمار في وقتي و منوقفش بزاف في الكوزينة
و حتى الدراهم لي نخرجهم ، أيها احسن نشري أواني جديدة فقط من أجل التغيير و من أجل صور المائدة تكون جميلة ، و لانخرجهم في اقتناء مواد صحية ذات قيمة عالية نستثمر في صحتي و صحة عائلتي
حاليا الغذاء الصحي أصبح ضرورة و ليس فقط موضة ، غذائنا للأسف ملوث و فيه بزاف المواد المضرة و المسرطنة و لازم نتولهو مع أكلنا و نبحثوا على مصادر صحية ، و الحمد لله مؤخرا راهم بزاف اخواتي الحرفيات يقدمو مواد أولية صحية و مصنوعة بكل حب و اتقان من حلويات ، توابل ، اجبان ، مشتقات التمور ، و أنا أيضا منهم نقدملكم زيوت نباتية طبيعية 100% صافية صالحة للطهي وين تقدرو تستغناو تماما عن زيت المائدة و الزيوت المهدرجة لي تضر بصحتنا و صحة أولادنا.
انويو شهر رمضان هذا بداية للأكل الصحي العائلي و ليس محاولات فردية فقط ، ابداو بشوي كل مرة استغناو على حاجة مضرة بشوي بشوي يتحول مطبخكم إلى مطبخ صحي 100%
دك نطاقيلكم كل الحرفيات لي نعرفهم يقدموا مواد صحية طبيعية و زيدو طاقيو الناس لي تعرفوهم ❤️
و راني محضرتلكم بوكس رائع لرمضان فيه مفاجأة علبالي بزاف تعجبكم 🥰
دمتم_بصحة ❤️

مساء الخيرات ❤️نهاية الأسبوع فرصة للراحة و العناية بالنفس ، شاركت معاكم من قبل روتين الجمعة و أنا روتيني يبدى ليلة الخم...
05/02/2026

مساء الخيرات ❤️
نهاية الأسبوع فرصة للراحة و العناية بالنفس ، شاركت معاكم من قبل روتين الجمعة و أنا روتيني يبدى ليلة الخميس وين ندير حمام زيتي بزيت إنبات الشعر ، و نقولكم بكل صراحة و تواضع 😌 هذا المنتج من أفضل ما جربت لشعري
أنا شعري من النوع لي يطوال ببطء شديد و طول عمري نطول فيه منحبش نقطعه ،حتى فترة الرضاعة وين خسرت شعري بزااف طاح بزاف و فرغ و اضطريت نقطعه (بقى ذيل برك من تحت) .
حتى بديت نخدم على المنتج انبات الشعر لي بقيت نجرب فيه سنة أو أكثر كل مرة نزيد منتج نقص منتج و بعد مادرت دورة aromatherapy hair care ، زدت تأكدت مليح من التركيبة و خرج منتج انبات الشعر بمجموعة زيوت نباتية و أساسية مدروسة بعناية ، و بعد ماجربته على شعري الحمد لله شعري رجع لطبيعته و أحسن بكثيير طواال و تعمرت الفراغات و رجع أكثر قوة و التساقط توقف تماما و بشهادة الجميع
و كاين بزاف لي جربوه على الصلع الوراثي. لقاو نتيجة إيجابية و بدى يظهرلهم baby hair , طبعا ماشي كامل لأنه كاين عوامل أخرى تأثر في الصلع الوراثي
لكن بالنسبة لزيادة الطول و الكثافة و القوة فعال 100% 👌
دمتم_جميلات ❤️

مساء الخيرات زيت الخروع من الزيوت الغنية جدا و عنده بزاف فوائد و استعمالات ، و لكن هل فعلا يقضي على السرطان 🤔تابعوا الصو...
04/02/2026

مساء الخيرات
زيت الخروع من الزيوت الغنية جدا و عنده بزاف فوائد و استعمالات ، و لكن هل فعلا يقضي على السرطان 🤔
تابعوا الصور لمعرفة الجواب و معرفة الاستعمالات العلاجية لزيت الخروع .
و اذا حابين تعرفوا الاستعمالات الجمالية لزيت الخروع قولولي في التعليقات ❤️

Adresse

Bordj Bou Arréridj
Bordj Bou Arreridj

Site Web

Notifications

Soyez le premier à savoir et laissez-nous vous envoyer un courriel lorsque BHW Essence : Beauty , Health & Well-being publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter La Pratique

Envoyer un message à BHW Essence : Beauty , Health & Well-being:

Raccourcis

Partager