25/08/2025
روتين قبل النوم ❤️
حبيت نشارك معاكم روتيني البسيط و لي نحاول نلتزم بيه ،
و نصيحة اذا حبيتو تلتزمو بأي روتين عليكم بتبسيطه لأقصى درجة ، و كي تتمكنوا منه و يصبح عادة تقدرو تزيدو حاجات أخرى
حاليا الخطوات البسيطة لي راني نركز عليها بشكل يومي:
1-تدليك فروة الرأس : اذا حابة شعرك يطوال و لا يتحسن شكله و لا تتخلصي من القشرة ، لازم عليك تدليك فروة الرأس اتخيلي شعرك كيما مصاص الدماء 🤣 يحتاج الدم باش ينتعش و يطوال و يكون في أحسن مظهر ، و الدم هذا باش يوصل لازملو تحفيز للدورة الدموية ، تقدرو تستعملو الاظافر و تحكو فروة الرأس و لا تستعملوا هاذ الآداة الوردية في الصورة ، الصراحة أنا وحدة تقليدية جدا و منستعملش بزاف الوسائل الجديدة هاذي ، لكن مشط السليكون هذا عجبني بزاف و خاصة اني منقدرش نحك بأظافري (يزغب لحمي 🫥) لقيتو عملي بزاف و يساعدك على تدليك فروة الرأس في وقت صغير المهم حتى تحسوا بالسخانة و شوي حريق في الرأس
2- تغذية الشعر : الشعر على غرار البشرة يحتاج الزيوت بشكل دااائم ، انا نستعمل زيت جوز الهند بشكل يومي في الأطراف بشكل يومي و بكمية قليلة ، و مرة في الأسبوع نعمل حمام زيتي بأي زيت مناسب علي حساب الحالة ، بلا ما ننساو التمشيط من الأعلى للأسف بشكل متكرر ، ضروري عدة مرات في اليوم
3 -ترطيب الوجه : سواءا بكريم مرطب يكون طبيعي ، و لا ببساطة نمسح بماء الورد و نحط زيت نباتي مناسب ،
من الأفضل لي نستعملوه بشكل يومي يكون زيت خفيف كيما زيت نواة المشمش و لا زيت السمسم ، و نقدرو أيضا نديرو زيت بذور التين الشوكي لي يعتبر أحسن الزيوت .
هكا بخطوات بسيطة ماتحكملكش أكثر من عشر دقايق و بالمداومة عليها راح تلقاي فرق كبير في شعرك و في بشرتك
دمتم جميلات 🥰
تصبحون على كل خير ❤️
