Djebel Messaad Doctors

29/08/2022

👨‍⚕️مزلت #سهران لضك وش قاعد تدير؟ 🤔
👱‍♂️ ايه وش راح نعود تدير زعما، راني نكوتكتي 📱 برك مكان والو!
👨‍⚕️بصح على بالك بلى #السهر هذا راح يضرك في #صحتك🤒 ونتا من قبل قتلي #الصحة هي الصح 💪🌸 وحاب نتهلى في صحتي خطر هي لي تهزني من بعد.
اهيه بصح وش راك تدير ضك راح يدمر صحتك 🙎🏻‍♂️
تبعني للتعليقات 👇👇 راح تعرف وش هي على صحتك الجسمية والنفسية

15/08/2022

بزاف ناس عندهم هذا لمشكل ويعانو منو لهذا سبب جاكم فريق DMD يوريلكم أسباب ونصائح لعلاج هاته الحالة باش تولي عندنا رائحة #فم منعشة😍 ومنحشموش بيها 🤭
مهم نجو للاسباب تاعها ونذكر منها:
⚪بقايا تاع الماكلة لي متراكمة داخل وحول #الاسنان وخاصة اذا كلينا بصلة ولا ثوم 😑معندي منهدر وش يديرو
⚪وماشي غير لماكلة لدير هكا قادر يكون لمشكل في الاسنان بحد ذاتهم🦷 كفاه هذي 🤔؟!هاني جايتكم وعدم الحفاظ على صحتهم ونظافتهم🪥😁 يخلي #الجراثيم يتجمعو 😈 ويطلقو غازات نتنة 🤧
⚪حتى جفاف الفم لي ينقص من لعاب (ريق) في الفم حيث ان اللعاب يساعد على تنظيف الفم 🪥😁 خاصة كي نكونو راقدين ينشف فم تاعنا بزاف ⏪جفاف الفم ⏪رائحة مش مليحة🤢
⚪واهم اهم سبب لهاته الحالة عند الرجال هو التدخين 🚬 لانو ينشف الفم وكما قلنا من قبل وش يصرا كي ينشف الفم بالاضافة إلى الرائحة الكريهة من التبغ نفسه
⚪ونزيدو نضيفو أنو كاين بعض #الأمراض ثاني تساعد على هذي ريحة كما السرطان والفشل الكلوي والكبدي و .
***ايييييه من قبيل تحكو على الأسباب اعطونا الحلول 🙄هههه هانا جاييينكم مع لحلول تبعو معانا التعليقات 🔽

ما عليكم غير دعمونا وحنا نكملو فلافادة تاعكم 🙋

12/08/2022

#الاستعمال المتكرر لزيت القلي

⚪جماعة كي نكونو نقلو في لفريت (بطاطا مقلية )🍟اكيد رح نستعملو كمية كبيرة من الزيت وكي نكملو نعاودو نخبوها ونستخدموها مرة اخرى خاطرش تغيضنا نطيشوها 🥴وثاني بينا مع ازمة الزيت مما يحتم علينا نستعملوها بزاف خطرات 😑😶
ويا جماعة لخير هذا لجاست مراحش يمر مرور لكرام مع الاسف 😔😥لانو عندو اضرار لا تعد ولا تحصى: وش هوما هذو لاضرار ؟!🙂هاني جايتكم متتقلقوش 🤌
🔴اضرار الاستعمال المتكرر لزيت القلي:
⚫عند تكرار تسخينه وتبريده وتعريضه للهواء والاكسجين يؤدي الى تاكسده (تكوين مركبات هيدروكربونية )لي هي مركبات خطيرة😱 يمكن ان تؤدي للاصابة ب:
1/ارتفاع نسبة الكوليسترول في الدم 🥲(وهذا المرض شائع بزاف خاصة في منطقتنا 🤦)
2/انسداد الشرايين وامراض القلب 💔🥺
3/زيادة في مستويات السكر في الدم
4/اضرار للكبد والكلى 😮
وهذا كله لان اغلب الزيوت تحتوي على نسبة كبيرة من الاحماض الدهنية الغير مشبعة والتي يمكن ان تسرع من الاصابة بالسرطانات👺😈؛على عكس زيت الزيتون 🫒🫒الذي يتوفر على احماض الاوميغا 3؛ هذه الاخيرة تحمي الجسم من السرطان 😌
⚫وفي الاخير نلاحظ ان اغلب هذه الامراض التي ذكرتها في الاعلى ⬆️⬆️يعاني منها الكثير من سكان منطقتنا ويمكن ان يكون الاستعمال المتكرر لزيت القلي احد الاسباب المؤدية لهاته الامراض .
وحنا ما علينا غير ننصحوكم سيو كفاع تنقصوو منو قدر المستطاع .والسلام عليكم ورحمة الله تعالى وبركاته🙋🙌

07/08/2022

افتح فمك.... نشوفك صايم ولا فاطر😅😂
🔴كامل درناها كي كنا صغار 🙄🙄🙄(مكانش فينا لي مدارهاش😂😂) لكن فالواقع هي حقيقة😐اوو كيفاش هذا🧐🧐
اجيييييووو نعرفو علاه🙄🤷
💠كي نصومو او بالاحرى اثناء الصيام يتعرص الجسم تاعنا كااااامل للجفاف حاجة باينة🙆 لكن كي نقولو الجسم نقولو ثاني بعض الاعضاء كيما اللسان👅👅 يؤدي ذلك لظهور الطبقة البيضاء عليه
💠لكن ماش ديما اي لسان ابيض راه صايم (يعني نقصان ماء فالجسم) 🙄مالا واش يخي هذا وين كنتي تقولي نقصان الماء فالجسم ومنعرف واش 😑😑هيه لكن ايضا عدم العناية بنظافة الفم عامة واللسان خاصة تخلي تراكم مجموعة كبيرة من الفطريات والخلايا الميتة والبكتيريا على اللسان🤮🤮🤮تخلي ظهور هذ الطبقة البيضاء اللسان وتسبب رائحة كريهة للفم🚶🚶الوغ ديما فرشو سنانكم على الاقل قبل النوم😴 واغسلو معاها لسانكم يعني ماش الاسنان فقط🦷🦷 حتى اللسان وفرشوه غسلوه نظفوه مليح ✅✅ هك تتمتعوا ينظافة دائمة ورائحة منعشة للفم😍😍

#دكاترة جبل امساعد

06/08/2022

اليوم جيت نحكيلكم على اللي لازم نديروها كي نتجرحو في الدار
أول حاجة كي يتجرح أي واحد في الدار سواء #جرح خفيف ولا عميق قبل ما نمسوه لازم يدينا يكونو نظاف وغاسلينهم بالما والصابون 💦💦
بعدها بقطعة شاش نظيفة راح تضغطو على الجرح باش تحبسو #النزيف بصح مالازمش ❌نربطو حول الجرح على خطر هكذ راح تتلف الانسجة ويطول ما يبرا ا وبعدما يتوقف النزيف راح تنظفو الجرح بمحلول ملحي ان أمكن أو ماء نظيف، وما تعملو حالكم اطباء 🤓 وتروحو تستعملو الالكول ولا الريحة (parfum ) خطر راح يزيد من الألم وتضر الأنسجة، بعدها روح أفحص الجرح وشوف إذا فيه أي جسم غريب
قم بتغطية الجرح بضمادة نظيفة ومعقمة اذا كان الجرح مافيه والو , أما إذا كان ملوثا بسبب العض أو إبرة ملوثة مثلا فيجب ترك الجرح مفتوحا والذهاب للطبيب اذا لزم الامر .
✨تبعونا في التعليقات نقولكم وكتا لازم تروحو للطبيب 👇👇

06/08/2022

كاين واحد العادة منتشرة عندنا انو الواحد كي يتجرح يديرولو البن ( بضم الباء ☕ 🙃) في #الجرح تاعو وهذا أمر خاطئ ومكانش تجربة علمية مؤكدة حول ذالك لأن الكافيين ماعندهاش خصائص تعقيم أو تنظيف بل العكس راح تزيد #الالتهاب وراح تزيد تصعب المهمة على #الطبيب أو الممرض المعالج في تنظيف الجرح إذ راح يضطر أولا أنو ينظف الجرح من البن قبل البدء بالمعالجة الطبية وهذا راح يدي وقت وجهد من المعالج وممكن يسبب ألم للمريض

امالا اخطيكم من البن وتبعو منشوراتنا الجاية

17/07/2022

مرحبا بكم 👋 في صفحتنا صفحة DMD إختصارا لDjabel Messad doctors دكاترة هذه المجموعة الصغيرة التي جمعت إختصاصات صحية في هذه البلدة الطيبة من طلاب #طب 👨‍⚕️و 🦷و #صيدلة 💊 و #أطباء متميزين ✨لتوعيتكم الصحية والارتقاء بالمستوى الصحي هنا .
من أهدافنا
• التعريف بأهم الامراض المنتشرة وتوضيح أعراضها بطريقة بسيطة ومفهومة للجميع
• طرق الوقاية من هاته الأمراض
•الطرق الصحيحة لاستخدام الأدوية
• التعريف بالتخصصات الطبية وإرشاد الراغبين في الإلتحاق بها

نرجو منكم دعمنا ونشر صفحتنا والتفاعل مع منشوراتنا القادمة ☺️🌷
دمتم سالمين وبصحة جيدة

05/11/2021

سلاام عليكم
ليوم حبيت نقلكم يا ناس تجنبو ضرب الكف لأنو قادر يسبب فقدان السمع ... والاذن مهيش واش نشوفو على برا برك هذيك الاذن الخارجية فقط pavillon( إذا مرضت اهم عرض هو ألم otalgieسيرتو كي توشيها) كاين اذن وسطى لي يمرضو منها بزاف صغار ( يولي ميسمعش مليح وبتالي ميفهمش مليح و قادر حتى يطول ما ينطق ) وكاينة الأذن الداخلية المسؤولة على السمع و التوازن (فقدان التوازن ولا دوخة يقلك نحس لحوايج يدورو بيا ولا هو يدور بيهم بلا ما يفقد الوعي ) .. إن شاء الله تكونو استفدتو شوية 😁
سلااام ✌✌ chocho

09/10/2021

سلاام .
رانا في شهر أكتوبر . لي نسموه اكتوبر الوردي ، في هذا الشهر تتم عمليات الكشف المبكر عن سرطان الثدي .
هذا نوع من السرطان اذا تم الكشف عنه مبكرا فإحتمال الشفاء كبير ( العلاج فعال 99.99% ) . ضك لازم على كل سيدة و سيرتو لي فوق 45 سنة لازم دير الفحص الذاتي .واذا حسيتي بتكتل ولا تغير شكل غير معتاد .ولا ألم . عليكي سيدتي زيارة الطبيب باش يديرلك راديو mammographie. باش يتأكد من طبيعة تكتل (قادر يكون كيس . ورم حميد ). ويمدلك العلاج . مهم تنحي الوسواس من راسك . بصح اذا راكي عارفة و راخفة روحك ومرحتيش للطبيب راهي تطفر فيك غير انتي من لخر . لأنو اذا وصل لمرحلة متأخرة وين انتشر في كامل جسم . ما راح ينفع حتى دواء . وفي الاخير كل واحد (ة) يوصل لميساج لأمو لمرتو ..
و ربي يعافينا من كل داء سلاااام .
By chocho

22/09/2021

حبيت نحكيلكم ليوم على وحدة بيبي عمرها عامين من لي زادت والسعلة متخطيهاش ولادياري ثاني (لادياري كي شحمة و تلصق collante ). باباها يحب يلعب معاها وكل ما يعضها يحسها مالحة .ايه مالحة .هذا مرض اسمو mucovisidose. وين كاين قناة في جسم يبوشيها يبوشيلنا لبنكرياس ::أنزيمات لي تهضم متخرجش ::تجي دياري.
يبوشي قنوات الصفراوية يمدلنا صفير ictére
يتأكد من المرض بتحليل إسمو test de sueur
هو مرض سببه خلل في مورثة .
ان شاء الله تكونو تعرفتو اعليه شوية ليوم☺
و في الختام سلام ✌
By chocho

22/09/2021

اناس من لي كانت بيبي و لادياري حاكمتها . رجليها رقاق و كرشها خارجة ولانيمي متخطيهاش.حارو فيها والديها من طبيب لآخر .لحد مأكتشفو بلي عندها سيلياك يعني امعاها تتحسس من الغلوتين وهذي مادة نلقاوها في القمح والشعير .بعد مدارلها الطبيب الفيبرو (المنظار.كاين لي يسموه التيو) و نحلها عينة من المعي وتم تحليلها تأكد المرض انتاعها . فرض اعليها ريجيم تأكل فيه البشنة و الروز ومدورش بالمعجنات .
هذا المرض هو مناعي autoimmune يعني مناعة تهاجم روحها و للاسف هذا الريجيم على مدى الحياة a vie . وكاين احتمال اصابة بأمراض autoimmune أخرى.
لي مريض بسيلياك ومطبق ريجيم يعيش حياتو كيف اي انسان لا خطر عليه .
By chocho

19/09/2021

سلااام
فصيلة الدم أو groupage sanguine حاجة بانال بصح كاين لي ميعرفوهاش .علابالنا بلي في الدم كاين كريات حمراء .ضك هذو كريات اذا عاد عندهم محدد ضد (antigène) نسموهم Aولا Bولا AB .ولي صلعة مسكينة ماعندناش نسموها O .بوزيتيف +ولا نيقاتيف _ هذا كاين مستقبل واحد آخر يسموه D اذا كاين نقولو موجب واذا مكانش سالب .وللعلم أندر الزمر هيا الزمر السالبة 😔.

02/08/2021

27/03/2021

Torsion d'ovaire chez jeune fille 17 ans .suite à des macrokystes . malheureusement il est dépassé 6 heurs donc il est totalement nécrosé .😢

19/02/2021

معلومة صحية ☺
جمعة مباركة❤

25/12/2020

السلام عليكم
ليوم معلومة خفيفة ظريفة على عدم توافق الزمر الدموية بين الأزواج و ماذا ينتج عنه😊 .
اختلاف الزمرة الدموية بين الزوج والزوج(ABO)مثلا هو A وهي O مراحش تكون كاينة مشاكل كبيرة ؛البيبي يحكمو الصفير هذا مكان .بصح اذا كانت الام تحمل زمرة سالبة و الاب يحمل زمرة موجبة 🕭🔔 اهنا بيبي راح يجي دمو موجب وراح يهيج مناعة الام أثناء الولادة باش تكتسب اجسام مضادة ضد الدم الموجب .يعني بيبي الأول راح يزيد لاباس بيه ولكن الخطورة رايحة تكون على لي يجو بعدو لي قادرة تلحق للموت 😢 .الحمد لله نقدرو نتفادو هذي الخطورة .نديرو للام ابرة في 72ساعة
الأولى بعد الولادة (صافي لي زمرتها سالبة لازم كي تروح تزيد تقلهم على زمرتها). كاين حالات وين ميفيقوش ميديروش الابرا هذي تاع الوقاية . صافي الطفل القادم راح يحكمو صفير قاااوي يتعالج في سبيطار سوا بالضوء خاص ولا يبدلو الدم انتاعو .
خلاصة القول :1/الام لازم يكون علابالها بزمرتها .
2/كي بيبي انتاعك يحكمو الصفير متستهزايش.بويسك صفير قادر يدير حوايج كبار .
ان شاء الله تكونو إستفدتو🤗
By chocho