Quelles sont les heures d'ouverture ?

Lundi 08:00 - 16:00 Mardi 08:00 - 16:00 Mercredi 08:00 - 16:00 Jeudi 08:00 - 16:00 Samedi 08:00 - 16:00 Dimanche 08:00 - 16:00

Quel est le site Web ?

https://www.facebook.com/100179272781527/

Dr Merabet.k médecin gynécologue الدكتورة مرابط طبيبة النساء والتوليد

Page d'Accueil
Algérie
Chlef
Dr Merabet.k médecin gynécologue الدكتورة مرابط طبيبة النساء والتوليد

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Dr Merabet.k médecin gynécologue الدكتورة مرابط طبيبة النساء والتوليد, Gynécologue obstétricien, Chlef.

29/04/2026

️
مبروك لأخي الغالي دكتور الأشعة radiologue “مرابط محمد نجيب " افتتاح عيادته الخاصة للأشعة “الأزهر” 🌿📡

شفتك تكبر قدامي، تتعب، تصبر، وتسهر باش توصل لهاذ اللحظة… واليوم نشوف حلمك يتحقق قدام عيني 🥹

فخورة بيك بزاف، مش غير على وش حققت، بل على الإنسان اللي وليت عليه… الدقة، الاجتهاد، والنية الطيبة باش تعاون الناس وتشخّص بدقة وتنقذ أرواح 🙏

عيادة “الأزهر” للأشعة ماشي غير مشروع… هي ثمرة سنوات من التعب، والعلم، والإصرار 🤍

ربي يباركلك فيها، يفتحلك أبواب النجاح، ويجعلها مصدر خير وشفاء لكل مريض إن شاء الله 🌟

28/04/2026

…

أنا:
“نقصو السكريات 🍰… حبسو المعجنات 🥐… ركزو على البروتينات 🥚🍗… باش نتحكمو في السكري وتكيس المبايض”

وبعد ما ربحنا العيب لنص الشعب الجزائري 👏

يخرج ترند “نظام الطيبات” فجأة 👀 للدكتور ضياء العوضي ربي يرحمو

يجيوني المريضات يسقسو ….شوفي واش راهم يقولو
“دكتورة… قالو لازم ناكلو نوتيلا 🍫 وبطاطا مقلية 🍟السكريات والحلويات بفلسفة أنها تعزز مناعة الجسم … والبيض والدجاج وشرب الماء مضر بالصحة 😳”

أنا:
🙂🙂🙂
“سمحولي… نرجع نكتب من جديد ولا كيفاه؟!”

الخلاصة:
✔️ اللي راه ترند ماشي شرط راه صح
✔️ جسمك ماشي حقل تجارب
✔️ والنوتيلا… عمرها ما كانت علاج �

27/04/2026

أستاذة اللغة العربية “جيهان” تولّد عندي… وما شاء الله حتى في غرفة العمليات ما خلتش مهنتها 😂✨جابت أحلى توأم بنات: بيان وليان… وطبّقت السجع تطبيـق مباشر 👌📚

أنا: مركزة في الحالة 👩‍⚕️ وهي: مركزة في البلاغة 😅 والله الله على القافية 😎

قلت لها: حتى هنا يا أستاذة؟!قالتلي بنظرة فخر: “اللغة العربية تُعاش… ماشي غير تُدرَّس” 😂❤️

رجعتيني لأيام الدراسة…للدفاتر، للسجع، للتعبير، ولـ“استخرج المحسنات البديعية من النص” 😭📖 والاستعارة المكنية

ربي يحفظ بيان وليان…ويجعل حياتهم كلها فصاحة، جمال،

27/04/2026

تخيلي وأنتي ماشية في طريقك، توقفك طفلة صغيرة… بعينين مليانين براءة وأمل
تمدلك باقة ورد وتقولك: “ادعيلي لماما بالشفاء” 💔🌸

في لحظة… كل همومك تصغر، وكل شكواك تختفي
وتفهمي بلي الحياة مش غير علينا…
كاين قلوب راهي تحارب في صمت، وناس تتمنى غير دعوة صادقة

يمكن وردة صغيرة…
لكن وراها قصة كبيرة من الحب والخوف والأمل

اللهم اشفِ كل مريض، واربط على قلوب كل أم وطفل 💗
وخلي دايمًا فينا رحمة نحسو بغيرنا… حتى في أبسط اللحظات

27/04/2026

اليقين هو أن تدعو الله في عز الكرب وأنت ترى الفرج بعين قلبك قبل عين رأسك. هو أن تقف أمام البحر كما وقف موسى، والعدو خلفك، والموت أمامك، وتقول بكل ثبات: ﴿كَلَّا ۖ إِنَّ مَعِيَ رَبِّي سَيَهْدِينِ﴾. اليقين ليس مجرد أمل، بل هو معرفة تامة بأن المستحيل كلمة لا وجود لها في قاموس القدر الإلهي."

صباح الخير من غرفة العمليات 🥰🥰

26/04/2026

⸻

📢 أنا اليوم نحكيلكم تجربتي الشخصية مع Diane 35:

كنت نحوس نعاون المريضات…
لقيت روحي أنا المريضة......مشكل هرموني صغير 😭😂

💊 شربت الحبة باش نرتاح…
➡️ ولّيت:

* نحب نرقد 24/24 😴
* عضلاتي توجعني كأني درت ماراطون 🏃‍♀️
* والمود؟ ما بين 😐 و 😡 في 3 ثواني
*معصبة قاع الوقت
*نحكي وحدي 🤣
*نعسانة كل وقت 😅

⸻

وجاتني مريضة تسقسي:
“دكتورة وش بيك؟”

قلت لها:
“تجربة حية ليوم من ايامكم العادية ” 😂😂

⸻

📌 الخلاصة:
أنا نكتبلكم الوصفة…
ونجربها عليكم…
بصح هاذ المرة
👉 الحبوب جربتني أنا 😭💊

⸻

❌ ماكاش اللي ما تشاجرتش معاه:

* في قاعة العمليات 👩‍⚕️⚡
* في المطبخ 🍳🔥
* حتى مع روحي في المراية 😭😂

⸻

💬 والأغرب… جاتني مريضة اليوم قالتلي:
“دكتورة، عندي 20 عام وأنا ناخذ الحبوب”

شفت فيها… سكت شوية…
قلت في قلبي:
👉 20 سنة عذاب… الله يعوضك الجنة 😭😂

⚠️ تنبيه:
أي واحد يهدر معايا اليوم…
👉 يدخل على مسؤوليته 😂🔥

⸻

🎭 Final:

👉 الهرمونات دايرة حرب عالمية ثالثة 😭🚨

المهم من اليوم انا من أكبر المشجعات للولب النحاسي وسيلة غير هرمونية

احكولنا في التعليقات واش دارو فيكم الحبوب 😁😅

22/04/2026

🚩"الالتهابات المهبلية "
يحتوي المهبل على بكتيريا🦠 نافعة وبكتيريا ضارة🦠، وفي الحالة الطبيعية يكون عدد البكتيريا النافعة أكثر من الضارة.
يحدث الالتهاب بسبب خلل في التوازن البكتيري في المهبل نتيجة زيادة البكتيريا الضارة لتصبح أكثر من النافعة.

🚩و هناك العديد من الأسباب منها:
🌹استخدام الغسولات المهبلية بكثرة وبدون وصفة طبية. 🌹عدوى منقولة عن طريق الاتصال الجنسي.
🌹 حبوب منع الحمل.
🌹استخدام الصابون المعطر.
🌹التغيرات الهرمونية نتيجة للبلوغ والحمل وانقطاع الطمث.
🌹استخدام بعض الأدوية بكثرة (مثل: المضادات الحيوية).
🌹وجود شريك جنس جديد.
🌹وجود أكثر من شريك جنس.
🌹التدخين.

قد تظهر لدى بعض النساء الأعراض التالية:
🌹إفرازات المهبلية باللون رمادي، أو الأبيض، أو الأخضر.
🌹رائحة قوية وكريهه (مثل: رائحة السمك).
🌹حكة حول المهبل.
🌹حرقة أثناء التبول.

•🚩🚩 متى تجب رؤية الطبيب؟
- عند ملاحظة إفرازات غير طبيعية من المهبل ومرتبطة برائحة أو حمى، خاصة المرأة الحامل لاستبعاد أنواع العدوى الأخرى ومنع المضاعفات.

🚩🚩الوقاية:
الحرص على جفاف منطقة المهبل.
تجنب استخدام الغسولات المهبلية إلا إذا تم وصفه من قبل الطبيب.
تجنب استخدام الصابون أو المنتجات المعطرة لمنطقة المهبل.
تجنب استخدام المنظفات القوية لغسل الملابس الداخلية.
ارتداء الملابس الداخلية المصنوعة من القطن.
تغيير الملابس الداخلية أو الفوط الصحية باستمرار.
المسح من الأمام إلى الخلف بعد قضاء الحاجة وليس العكس.

🚩🚩المفاهيم الخاطئة:
• استخدام الغسول يعد أمرًا ضروريًا لنظافة المهبل.
- الحقيقة: لا يعد ضروري، إلا في حالات يحددها طبيب النساء والولادة.
• البكتيريا المهبلية هو مرض منقول جنسيًا.
- الحقيقة: هناك أنواع من البكتيريا ينتقل عن طريق العلاقة الجنسية و التي يجب فيها علاج الطرفين ، لكن معظمها ليست من الالتهابات التي تنتقل عن طريق ممارسة الجماع، ولكن إذا أصيبت المرأة بالالتهاب فالأفضل تجنب الجماع أثناء العلاج.
• تعتبر خطيرة للغالبية العظمى من النساء.
- الحقيقة: ليست خطيرة بالنسبة للغالبية العظمى من النساء.

21/04/2026

:
“مستحيل”…
وأنتِ تسمعيها كأنها حكم نهائي.

بطانة الرحم المهاجرة…🥹
مخزون مبايض قليل…🤔
كيس في المبيض…لبطانة الرحم المهاجرة 😫
وكل مرة نفس الجملة القاسية:
“انساي فكرة الحمل…”

لكن… الحياة ماشي تحليل، وماشي أرقام فقط.
الحياة فيها شيء ما يتقاسش… فيها أمل، فيها معجزات صغيرة تكبر بصمت 🤍

واليوم…مريضتي بعد ماسمعت كل ماسبق
جنين في الشهر الثاني…❤️❤️
وقلب صغير ينبض 🫀✨

مش كل تأخير هو حرمان…
أحيانًا هو ترتيب مختلف، توقيت أدق، وقصة أجمل مما تخيلنا.

لكل امرأة تسمع كلمة “صعيب” أو “مستحيل”:
ما تخليش التشخيص يسرق منك الأمل…
وما تخليش كلام الناس يكون آخر كلمة في قصتك.

ربي يبدل القوانين في لحظة…
وكي يكتب، يقول “كن” فيكون 🤍

ثقي… وتأخرك اليوم، ممكن يكون بداية أجمل فصل في حياتك

20/04/2026

✨ وين راهم جماعة “ممنوع اللولب بعد القيصرية”؟ 😂

اليوم ركبت اللولب النحاسي لأكبر خوافة في العالم 😅
(هي بنفسها قالتها مشي أنا 🤭)
وعندها 3 عمليات قيصرية من قبل 👀

وقبل ما نكمل حتى الشرح…
قالتلي: “دكتورة غير ديريه ونغمض عيني” 😂
وبعد دقيقتين…
“خلصنا؟! هذا هو؟!” 😳

يا جماعة الخير…
اللولب النحاسي ماشي فيلم رعب 😅

⸻

🔎 وش هو اللولب النحاسي؟
وسيلة منع حمل صغيرة تتحط داخل الرحم،
ما فيهاش هرمونات،
وتخدم لسنوات (حتى 5–10 سنين حسب النوع).

⸻

💡 معلومات سريعة:
✔️ يقدر يتركب عادي حتى عند اللي دارو قيصرية
✔️ الفعالية تاعو عالية بزاف
✔️ ما يأثرش على الهرمونات ولا المزاج
✔️ يقدر يتنحى في أي وقت وترجع الخصوبة عادي
✔️ التركيب سريع… والخوف غالبًا أكبر من الواقع 😄

⸻

💬 الخلاصة:
أحيانًا الخوف يكون في راسنا أكثر من الحقيقة

20/04/2026

اليوم مع مريضاتي “رجاء وماجدة” 😅
من الصباح وأنا نخلط في أساميهم… كل مرة نقول وحدة نلقا روحي نقصد الأخرى 🤦‍♀️

قبل القيصرية سألوني:
“دكتورة شحال نطول في العملية ؟”
قلت لهم وأنا نضحك: “على الأقل 3 ساعات” 😇

بعد 5 دقايق فقط…
بكاء البيبي ملأ القاعة 👶💖

قالولي:
“تمسخرتي بينا دكتورة!” 😜😜

الحقيقة؟
أنا غير حبيت نخفف عليكم التوتر شوية….باش ماتحسبش بالعملية و ترخي روحك باش تسمعي فلوسك يبكي ❤️

الحمد لله على سلامة رجاء وماجدة، وبداية مشوار جديد مع الفلاليس "زيد " و "الين "

وانت سيدتي واش يخوفك اكثر في قاعة العمليات

19/04/2026

هاذيك اللي تجي تسقسيني وينها اللي ساهلة الولادة الطبيعية او القيصرية 😉😁🤣😂

الولادة القيصرية vs الولادة الطبيعية —
ماما تقولك: "اولدى طبيعى!"😅
وصاحبتك تقولك: "اعملي قيصري، أسهل!"🤣
وإنتِ قاعدة محتارة 😂
ارواحي نحكيلك الحقيقة تاع الصح 👇

👶🏽 الولادة الطبيعية – الكلام بصراحة:
✅ إقامة أقل في المستشفى وتعافي أسرع
✅ البيبي ياخد بكتيريا مفيدة من قناة الولادة
✅ بداية أسهل للرضاعة الطبيعية
❌ مؤلمة لو من غير إبرة ظهر 🥶
❌ ممكن يحصل تمزق وغرز 😬
❌ ممكن تطول وتكون مرهقة جدًا!

🏥 الولادة القيصرية – الكلام بصراحة:
✅ محددة وممكن نتحكمو في موعدها – ماكاش مفاجآت الساعة 3 الفجر 😂
✅ ماكاش تمزق مهبلي
✅ منقذة للحياة في حالات طبية ضرورية
❌ عملية جراحية كبيرة – التعافي من 4 لـ 6 أسابيع!
❌ ألم الجرح ماشي قاع سهل 😬
❌ نسبة أعلى لحدوث عدوى أو جلطات

😂 حاجات لازم نبطلو نقولها:
❌ "اللي ولدت قيصري ما ولدتش تاع الصح و ماتعبتش عليه " — فتحو سبع طبقات في بطنها! أكيد ولدت 👏🏽

❌ "القيصري أسهل" — جربي تتعافي من عملية ومعاكي طفل حديث الولادة 😂
❌ "الطبيعي دايمًا أحسن" — الأهم دايمًا هو الأكثر أمانًا

💬 عزيزتي ماكاش جائزة على طريقة الولادة! 🏆
مفيش ميدالية على تحمل الألم.
ومفيش عيب في القيصري.او الطبيعي
الهدف الوحيد: أم سليمة وبيبي سليم 👶🏽❤️

18/04/2026

هل كنتِ تعلمين؟

الرجل أيضاً قد يكون سبباً في الإجهاض المتكرر.
الأمر لا يقتصر دائماً على صحة الأم،
فصحة الحيوانات المنوية وجودتها تلعب دوراً رئيسياً في استمرار الحمل
تكسر المادة الوراثية (DNA fragmentation) عند الرجل قد يؤدي إلى
فقدان الجنين. 🧬
المسؤولية مشتركة، والتشخيص الصحيح يبدأ من الطرفين

Adresse

Chlef

Heures d'ouverture

Lundi	08:00 - 16:00
Mardi	08:00 - 16:00
Mercredi	08:00 - 16:00
Jeudi	08:00 - 16:00
Samedi	08:00 - 16:00
Dimanche	08:00 - 16:00

Téléphone

+213669119943

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Dr Merabet.k médecin gynécologue الدكتورة مرابط طبيبة النساء والتوليد publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.