20/06/2025
اليوم حبيت نحكي على موضوع جد مهم و هو مسحة عنق الرحم 🧡 frottis cervico utérin FCV🧡
لاني اكتشفت أنه للاسف الكثير من النساء ميعرفوش ولا جامي سمعو بيه ،نسقسي مريضة هل عاملة من قبل مسحة عنق الرحم تقولي و
ما هدا ؟؟؟؟؟؟؟؟🤔🤔🤔🤔
مسحة عنق الرحم هو تحليل بسيط يعتمد على أخذ عينة من خلايا عنق الرحم لنقوم بتحليلها للبحث عن خلايا غير طبيعية يمكن أن تتحول الى سرطان عنق الرحم الناجم عن فيروس مصدره العلاقات الجنسية HPV .
👌كل امرأة متزوجة عمرها اكثر من 25 سنة عامين بعد العلاقات الجنسية لازم تعمل اول مسحة ليها .
👌هذا التحليل يندار كل 3 سنوات إذا خرج الاول مليح
عند بلوغ سن 65 سنة نحبسو مانديروه
👌ماشي كاملH PV يقدر يمد سرطان ،النوع 16 و18 هوما ليقدرو يمدو سرطان
👌على حسب النتيجة كاين وين يخرج عادي ما فيه والو
في بعض الأحيان التهاب بسيط
وفي بعض الأحيان تغير في الخلايا
lésion de bas grade
لتطلب منا القيام بمنظار عنق الرحم colposcopie و هذا لنزع عينات من عنق الرحم biopsie للبحث عن خلايا سرطانية ،الا لقينا خلايا سرطانية نقوم بنزع جزء من عنق الرحم conisation.
و كاين تاست HPV الا درتو المريضة و خرج عادي ،5 سنوات باش نعاودو فروتي .
👌شروط عمل المسحة:
🧡مكاش علاقة جنسية 3 ايام على الاقل .
🧡غياب الدورة الشهرية .
🧡متكونيش غاسلة بالصابون أو اي مطهر أو شميعات ovules من تحت 3ايام على الأقل ،و ماشي شاربا مضادات حيوية
❤️مسحة بسيطة تقدر تحمي حياتك و تجنبك سرطان للعلاج تاعو صعيب في المراحل المتقدمة 😔😔😔😔😔
و تبقى الوقاية خير من العلاج ❤️
👌اي امرأة متزوجة تبلغ من العمر ما بين 25 و 65 سنة و ماشي عاملة فروتي تتجه لاي عيادة عامة أو خاصة و تهني رأسها و ماتقوليلي راني خايفة من النتيجة نفضل مانديروش.
مسحة عنق الرحم تقوم بيها القابلة الطبيبة العامة و طبيبة النساء والتوليد.
خلولي في التعليقات شكون دارت المسحة و ما كانت النتيجة و مدة العلاج ❤️🩹
