16/07/2025
Syndicat des sages femmes 👌:
🚑 النقل الطبي évacuation من يرافق المريض ؟
🚑 ندعوكم لقراءة هذا المقال بتأني و تركيز .
المصدر المقرر الوزاري رقم 39 المؤرخ في 15 سبتمبر 1998 و الذي لا يزال ساري المفعول إلى يومنا هذا .. و الذي يفصل في عملية النقل الطبي évacuation:
🚑 حيث حسب هذا المقرر تقسم عملية النقل الطبي إلى 3 أصناف حسب نوع المركبة:
🔴 الصنف A: و هي مركبة خاصة و مجهزة بكل العتاد الطبي الإستعجالي (متوفرة لدى مصالح SAMU و لا توجد إلا بضع وحدات منها عبر الوطن -متركزة في بعض المدن الكبرى فقط-).
🟣 الصنف B: و هي سيارة الإسعاف الإعتيادية و المعروفة لدى جميع المستشفيات.
🟢 الصنف C: و هي سيارة صغيرة لنقل المرضى.
🚑 إن تحديد من سيرافق المريض يعتمد على صنف عملية النقل:
🔴 بالنسبة للصنف A: المريض يجب أن يرافقه إثنان من الطاقم:
- طبيب عام تلقى تكوينا خاصا CES أو طبيب إنعاش (بالنسبة للطبيب العام المقصود هو طبيب مصلحة SAMU و ليس طبيب الإستعجالات الذي لا يمكن أن يغادر نقطة الفحص الإستعجالي).
- ممرض (IDE / ISP) أو عون طبي في التخدير و الإنعاش AMAR.
🟣 بالنسبة للصنف B: و هو عادة الذي يمثل 99% من عمليات النقل الطبي .. المريض يجب أن يرافقه إثنان من الطاقم:
- ممرض (IDE / ISP) أو عون طبي في التخدير و الإنعاش AMAR.
- مساعد (مساعد تمريض ATS أو مسعف brancardier).
🟢 بالنسبة للصنف C: المريض يرافقه شخص واحد فقط: مساعد تمريض ATS أو مسعف brancardier.
🚑 هذا و يعتبر اتخاذ قرار نقل المريض من صلاحيات و سلطة الطبيب وحده .. و الطبيب أيضا هو الوحيد من يختار صنف النقل A/B/C و ما على الإدارة إلا الشروع في تنفيذ القرار الطبي و بدء تنظيم العملية حسب الإجراءات و القانون المعمول به.
الآن نرجعوا لينا حنا القابلات وعلابالي راكم تقولوا ما ذكروش القابلة
القابلة وينتا تخرج؟؟
القابلة تخرج في الحالات اللي تستعمل ses compétences يعني وين تقدر تدخل مثلا macrosomie fœtale وتنقلها لأنو لازمها قيصرية هنا شكون يخرج؟ لازم تخرج قابلة علاه؟؟ هي الوحيدة اللي مكونة وتقدر تدخل في حال المرأة هذي ولدت في الطريق
نزيدكم مثال آخر علابالي أبسط طريقة هي الأمثلة..تكون عندك وحدة Bi cicatriciel ولازم تنقليها لأنو عندها قيصرية هنا لازم تروح صاج فام علاه؟ ممكن تولد في الطريق حتى ويقدر يكون الخطر rupture utérine لكن كاين احتمال انها تولد صح؟ هنا تخرج صاج فام لازم
نزيد آخر مثال ونورمالمو فهمتو معنى أنها تخرج في حال تقدر تدخل...مرا عندها map وماكانش ghr ولا ماكانش néonat هنا تخرج صاج فام علاه؟ تقدر تدخل تقدر دير عفسة للبيبي يعني تستعمل مهاراتها كقابلة
حتى وتكون une GHR وكاين خطر انها تولد تخرج صاج فام لأنها تقدر تدخل
حتى لهنا راكم معايا؟؟ دروك نروحو في حال يقولولكم اخرجوا مع حالات grossesse haut risque بصح ماكانش خطر الولادة!
Une femme épileptique
مثلا...صاج فام مين تخرج شا ديرلها؟ وحدة عندها placenta prævia وعندها saignement علاه تخرج معاها القابلة؟ هذي الخطر تاعها choc volumique ما تقدري ديريلها والو تبقاي تخزري وخلاص وبالتالي راكي حطيتي حالتها في خطر لوكان تديها نتي
يعني وحدة ما عندهاش خطر الولادة لازم يخرج معاها شخص مؤهل
يقدر ينفعها ماشي نروح باش نروح وخلاص وما ندخلش روحي شكون يروح ماشي أنا نقرر ولكن كقابلة ما كانش واش نديرلها لوكان نقدر نديرلها عفسة كون درتلها
وزيد مثلا الممرض يقدر يطبق واش يقوله الطبيب حتى الإبر ولا أي جاست ولكن حنا القابلات ما نقدروش
حتى لهنا رانا نهدروا على الحمل فوق 24 أسبوع على الأقل..وبالرغم من هذا كاين قابلات يروحوا مع abrt
Abrt حمل صغير
والخطر هو le choc volumique يعني حتى وتصرا expulsion راه صغييير ماشي تاع نولده وندخل ونديرله انعاش، وبالتالي لازم يخرج معاها شخص مؤهل يقدر ينفعها
زميلات هنا في المجموعة قالولي في حال crise ما نقدروش نديرو الفاليوم وصح ماشي من مهامنا
وزميلة أخرى قالت نعرفوا nvidou لوكان تصرا expulsion
هنا تبقى على الحالة تاع المرا اللي تختلف
يعني يكون حمل شويا كبير والخطر ماشي l'état de choc هنا تقدر تروح صاج فام ولكن إذا خطر على حياتها لل الأفضل شخص مؤهل
مين نقول شخص مؤهل نقصد طبيب، amar m, specialite Ida c possible
