Quelles sont les heures d'ouverture ?

Lundi 09:00 - 17:00 Mardi 09:00 - 17:00 Mercredi 09:00 - 17:00 Jeudi 09:00 - 17:00 Samedi 09:00 - 17:00 Dimanche 09:00 - 17:00

Quel est le site Web ?

https://www.facebook.com/109489237195335/

Abderazak Ouali

Page d'Accueil
Algérie
El Esnam
Abderazak Ouali

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Abderazak Ouali, Santé, El Esnam.

28/12/2025

نحّيت من راسي l’idée بلي بلي كاين عام هو 'الصح'، ولا عام هو اللي يعلمك ويرجعك فاهم كلش.. بالعكس، قد ما تعيش قد ما تزيد تتعلم وتفهم خير. ماكانش عام سبيسيال هو لي تربح فيه، وماكانش عام هو اللي يخليك تختم الفهامة. ما تخليش واش فهمت يكلخك وتحسب بلي صايي راك وصلتلها و ختمت الفهامة، وما تخليش السيء اللي شفتو في وقت ما يوهمك بلي لي جاي ڨاع راح يكون كيفو

27/12/2025

في هاد l'âge، وليت نحوس غير على صوالح باينين: الاستقرار، الاحترام، وراحة البال.
لحقت لواحد المرحلة وين تصالحت نورمال مع فكرة تاع: قادر نكون أنا هو "الشيطان" في حكايات تاع ناس جازو على حياتي، même si ما درتلهم والو وما أذيتهمش.
وعلاه؟ خطش فهمت بلي كل واحد يحب يصورك ويرسمك بالطريقة اللي تخرج عليه، باش يرضي ضميرو ويقدر يرقد مهني في الليل...

26/12/2025

الضغط الخارجي واعر بزاف، بصح اللي واعر كثر وصعيب هو الضغط الداخلى، الضغط اللي يديرو الانسان لروحو.. ومن أنواع هاد الضغط هو كي تحس ديما بلي راك مقصر!
ماشي شرط حياتك كاملة تكون غير نجاحات وحاجات كبار، عادي جداً تفوت عليك فترة طويلة تعاود ترتب فيها حساباتك، ولا تبرى من كاش مشكل، ولا حتى تريح مور معركة طويلة..

الهدرة مع النفس حاجة مليحة، بصح باش تقعد غير تلوم وتجلد في روحك بسك ما درت حتى إنجاز، هادي حاجة غبية مللخر..
ومول هاد العقلية ماشي غير يعاني نفسيا ويحس ديما بالفشل والعجز، لالا، راه يعيش وطاقته محروقة، ما يقدر يدير والو صح في حياتو!!
خطش طاقتو هاذي اللي نورمالمو ترفدو للقدام، راهي ديجا راحت في حروب وهمية... والمورال تاعو اللي لازم يكون صافي باش يخمم ويبدع، راح غير فالندامة اللي ما عندها حتى معنى."

25/12/2025

اللي يشوف بلي المرا ما لازمش تخدم، يتزوج وحدة متحبش تخدم.
واللي يشوف بلي لازم تخدم، يدي وحدة حابة تخدم.
واللي يشوف بلي مرتو لازم تعاونو في المصروف ودراهمو وحدهم ما يكفوش، يتزوج وحدة قابلة تشاركو في بيتو.

كل واحد حر في تفكيرو، وكيما انت حر، الطرف الاخر تاني حر يخير واش يخرج عليه.
مالا ماشي من حقك تخبي هاد الهدرة في الخطبة وتفرضها منبعد بحجة تاع "هادا هو الصح".
هاذا يتسما غش، خطش مكانش منها "صح مطلق" يتفرض بالسيف على قاع الناس.

24/12/2025

خطرات يجيك تخمام معندو حتى فايدة و يحسسك بلي مزال ملحقتش للي راك باغيه ، ايا تبدا انجازاتك في عينيك تقل و تبدا تحس انو هذا لي درتو قليل ، مي ف الصح التخمام هذا مرحش يوصلني ولا رح يوصلك لاي حاجة، و انو كل ما نحسو بلي اللي درناه هذا و تعبنا فيه صغير, ف هو تاع الصح عمرو ما رح يدينا لحاجة كبيرة ، بصح نظرتك ديما لازم تكون عادلة و حقانية سورتو تجاه نفسك، مكاش لي عارف انت وش شفت باش تحقق اي حاجة انت تعبت عليها.

22/12/2025

ب مجرد انو حنا رافدين الثقل مليح ميعنيش انو مهوش ثقيل ،
كاين ناس رافدة مسؤوليات كبيرة في حياتها ، كي تشوفهم تقول بلي هاذو باردين مكاش حاجة لي يتقلقو عليها ماهمش رافدين هم كبير .....
بصح الموضوع ماهوش هاك

من برا يبانولك باردين و ثابتين و متماسكين ، و ماداخل كاين مجهود مستمر و صلابة حقيقية باش يقدرو يرفدو كلش

ماشي بسك الحمل ولا الثقل هذا خفيف عليهم ، مي هوما تعلمو يتحملو و يرفدو من غير ما يبان عليهم ، رافدين المسؤولية بالسكات .

كاين تعب الناس ماتشوفوش ، كاين محاولات مكاش لي يحس بيها غير لي يحاولها برك .
كي راهم مكملين و يتعاملو بشكل طبيعي مع هاذا قاع ، ميعنيش بلي الدنيا ساهلة معاهم و مفيهاش مشاكل

نشالله يكونو برك قدها ، و يلحقو لوين حابين

21/12/2025

كي تلقى روحك قدّام اختيار صعيب، اتفكر بلي الاختيار الصح غالبًا هو اللي يوجّع أكثر ويتعب أكثر.
When you face a difficult decision, remember that the right choice is often the hardest one.

21/12/2025

يسقسي واحد
علاش ديما الناس الملاح هوما لي يسوفريو؟ ببساطة، على خاطر نتا إنسان مليح تحس بالوجع. الكلمة قاسية شوية، بصح حقيقية.. كي تكون واعي وشايف وش يصرا حواليك، وكي تفهم الناس والتصرفات، توصل تفهم باللي être quelqu’un de bien ماشي حاجة سهلة، mais حاجة مهمة بزاف.
الناس négatifs لي دايرين بيك، كاين ناس malveillants، الناس لي يجرحو ويأذيو، و بلاك انت واحد من الناس لي سوفرات بسبتهم.
تحس بالظلم وتقول في بالك: علاش هما ما يحسوش؟ علاش ما يتوجعوش؟ ما يحسوش أصلًا بالشر لي يديروه، وأنا نحس
. إي نعم، الحياة injuste، والحياة عامرة injustices، وماشي جاية باش تكون عادلة، mais باش تعلمك. قاع وش يصرا راه باش تفهم باللي القبول خير من الهروب، وما عندها حتى فائدة تبقى طول عمرك تعاير وتقول هذا الإنسان دارلي الشر وهذا إنسان عيان، صدقني هذا ما يبردش القلب. الوقت يبيّن كلش، والناس لي تأذي في الأخير تخلص، le karma يخدم خدمتو meme si ما تشوفهاش في الوقت لي حابو، ونهدرلك عن تجربة ماشي غير هدرة. نفهم باللي صعيب تثيق في هاد الحاجة وانت راك موجوع من الداخل، الوجع يكون حقيقي ويضغط، بصح مكاش وجع يدوم وحتى هذا يروح. كاش نهار ترجع لور وتشوف الأمور بنظرة أخرى وتقول إيه، تألمت، بصح هذا الوجع خلاني نفهم ونكبر ونولي إنسان فاهم مليح، وهذا هو الصح.

20/12/2025

بصراحة، بلا عقدة النقص وبلا أفكار négatives، يمكن ما نكونوش حسّينا بالفرحة صح.
خطش لو ما كانوش هاد العفايس، مرحش نعرفو قيمة اللحظات لي نكونو فيها مليح، ولا نحسو بثقلها كي تروح.
ولهذا، طبيعي بزاف تجيك أوقات تحس روحك راك تضيع حياتك، تأذي في روحك، وتخرب كلش بيديك… بصح صدقني، في كل مرة راك تتعلّم.
في الأخير، ما كانش خيار ثالث: يا تربح، يا تتعلّم.
الخسارة توجعك في وقتها، تطيحك شوية، تحسها قاسية، بصح ما تكسركش sur le long terme.
بالعكس، المرة لي من بعدها تلقى روحك جيعان للنجاح أكثر، واعي أكثر، وما تعاودش نفس الغلطة، psk شفت بعينيك وين تقدر توصّل.
حتى الحوايج لي تبان عيانة وثقيلة، فيها حاجة مليحة، برك صعيبة شوية باش نفهموها في وقتها.
ومن هنا يجي الحل: باش ما تخليش الأفكار تحبسك وتشدّك، لازم تتقبلها.
تحاول تسكّت راسك؟ هاذي أسوأ فكرة. أنا درتها مدة طويلة، وما خدمتنيش.
بصح malgré tout ça، ما زلت نآمن بلي الأمور راهي رايحة تتحسّن، ومكاش علاش مرحش تمشي مليح.
ونقولها لك بصدق: حتى نتا… ça va y aller.

19/12/2025

غير تفتح إنستغرام تحس روحك آخر واحد فالدنيا، الناس كامل خير منك، أنجح منك، أذكى منك، وفرحانين كثر منك.
بصح هذا ماشي صح، هذا جاي من تحيّز خلقاتو السوشيال ميديا..
ماكاش واحد يصوّر روحو وهو منهار، ولا و هو مشومر، ولا وهو ضايع، كل واحد يposti غير لي مومو لملاح، أحسن زاوية، وأحسن نسخة منو..
ومنبعد نتا تامن بلي الناس كامل بيرفكت ونتا وحدك اللي عيان.
بكري كانو يقارنوك مع ولد خالتك، صاحبك فالمدرسة، ولا جاركم اللي جاب معدل مليح، شوف ولد فلان كيفاش شاطر.
اليوم؟ نتا تقارن روحك بالإكسبلور ، عندك ألف فولوار تقارن روحك بإنفلونسر عندو مليون... وبلا ما تحس المقارنة ولات قاسية ودايمة وتخدم فاللاوعي.
بكري الوالدين كان يكفيهم دار مستورة وحياة محترمة وما يدومونديوش كثر من هكا. اليوم تلقى مليونيرات ومش فرحانين، علاش؟ خطش كلش ولى قدام عينيك، اللي عندك ما عادش كافي، ماشي psk مش مليح، mais psk ديماً تشوف للي عندو أكثر...

18/12/2025

كي نجو نهدرو عن «منطقة الراحة» أو الـ Comfort Zone والكلام المنتشر هذا،
والله ديفوا الواحد يحس انو المصطلح نفسو مايكزيستيش في حياتنا و حياة ناس بزاف.
لو واحد فيكم يعرف لادراس تاع «منطقة الراحة» اللي الناس قاع تهدر عليها، ياريت يدلّنا عليها.تجي تهدر مع واحد وتقوله:لازم تخرج من منطقة الراحة جرّب حاجة جديدة استثمر في بيزنس حط دراهم في البيتكوين
الكلام هذا capable يكون لوجيك و شباب ،كي يتقال لواحد شهريتو فايتة عشرالاف دولار بصح كي يتقال لناس تكملمصاريفها بالسيف، وناس تهمبر طول نهار باش فلخر تولي ترقد و قاع السمانة باش تعيش، رح تكون الهدرة هاذي بعيده كامل على واقعهم . حنا مش كامل عايشين في نفس الظروف، ولا عندنا نفس الإمكانيات، كل واحد فينا في عالم مختلف،
وكل واحد داخل صندوق ميشبهش للوخر. وعلاهاذي، ما لازمش نهدرو مع قاع الناس بنفس اللغة، ولا نقيسو الجميع بنفس المعايير.

10/12/2025

كلش يبدا و و يخلاص فـراسك...
الحاجة لي تمدلها كثر من قيمتها فـ تخمامك، رايحـة تولّي تدي كثر من حجمها فـ حياتك.
معنتها: ما تكبّرش عفايس ما تستاهلش، وما تبقاش تستنى قرارات من ناس أصلاً ما دومونداوش منك تستناهم
عادي تخمم و تتقلق، تعاود تحسبها، تخمم بلعقل، بصح بلا ما تخلي حاجة تشدّك ولا توقف حياتك.
علاش؟ خاطر فلخر نتا اللي تخلّص من وقتك وطاقة دماغك، والحاجة لي راك دايرلها ألف حساب… ما راهيش اصلا دايرتك حتى فالبال.

Adresse

El Esnam

Heures d'ouverture

Lundi	09:00 - 17:00
Mardi	09:00 - 17:00
Mercredi	09:00 - 17:00
Jeudi	09:00 - 17:00
Samedi	09:00 - 17:00
Dimanche	09:00 - 17:00

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Abderazak Ouali publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.