Abderazak Ouali Insight

Abderazak Ouali Insight Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Abderazak Ouali Insight, El Esnam.

06/05/2026

راني نحس روحي روطار على الناس ، بزاف حاجات حبيت نديرهم ملحقتش و داروهم..

شكون قالك راك في منافسة مع الناس ؟ هدوك الحاجات نتا لي راك حابهم ولا شفت بلي الناس دارتهم و بانتلك هذاك نجاح؟
عندك حياة وحدة في وقت محدود .. يا تعيش كيما راك حاب و تنافس روحك ، يا تعيش رهينة في عيون الناس ..
انا يا صديقي لست مستعدا لاضحي براحتي و أحلامي لاجل ارضاء شخص ما ، و لتقل فردانية و أنانية..

01/05/2026

أصعب حرب في حياتك ماشي مع الدنيا… أصعب حرب هي اللي تكون بينك وبين روحك.
صوت يقولك: حبس… خلاص، وصوت آخر يقولك: لا… مازال، كمّل. وتلقى روحك حاصل و ضايع بين وجع التغيير ووجع انك تبقى كيما راك.
فالحقيقة كل واحد فينا عندو زوج نسخ: نسخة مرتاحة… بصح ضعيفة، ونسخة عيانة… بصح قوية.
اللولة صح مرتاحة، بصح ضيعت روحها، والثانية تتحمّل سوفرونص وقاعدة تربح حياتها شوية شوية.
السؤال ماشي: شكون فيهم نتا… السؤال الصح: شكون فيهم لي راك توكلها كل يوم؟ اقراها مليح…
Le choix بين يديك

28/04/2026

مكاين حتى مشكل كي يديكوفري بلي كنت غالط البارح، وديسيدي تصلح روحك اليوم.
ولازم تتقبل بلي نتا إنسان، تغلط وتصيب، مكاش واحد كامل و مكاش واحد اختياراتو كامل صحيحة. أصلاً ماشي لازم تدير كلش مسقم المهم تبقى تحاول.

وخطرات، الدافع الحقيقي باش تتبدّل هو كي فلخر ديكوفري بلي انت أهم من قاع واش راهو صاري في حياتك.

26/04/2026

انا ما نعرفش نروح نشكي همّي ليما، ولا نبكي على كتف بابا..
ما نعرفش نفرّغ قلبي لصحابي، ولا نعيّط لخويا ف نص الليل ونحكيلو لي بروبلام تاوعي، دايرها في قلبي وساكت…
للأسف نهرب بالنوم، نخرج ندور، نخدم بزاف، تلقاني نضحك ضحكة صفرا، ما فيها حتى لون، ونقول لاباس والحمد لله على كل حال

مرحش تحس بيا، ومرحش تسمع مشاكلي. سامحني كان حسّيتني بعيد ولا ما نركزش… الموضوع معندوش علاقة بيك، الموضوع فيّا أنا. في حياتي ما خبيت عليك بسك ما نديرش فيك كونفيونص، نو ، بصح انا ما نحب حتى واحد يشوفني مهموم ولا مشي مرتاح.
نتمنّى… بصح والله ما نقدر

24/04/2026

مكاش حاجة تعييك كتر من مخك. ما تعييش روحك فالتخمام في حاجات ما عندكش كونترول عليها ، خطش راح تبقى تعاود كل كلمة قلتها، كل ديسيزيو درتها، وكل لحظة ما تقدرش ترجع تسقمها، وما راح تتبدل حتى حاجة كون دير هاك.. غير وقتك لي يتسرق منك .

الحالة هي هي. والحاجة الوحيدة اللي في يدك هي كيفاش تتعامل معاها من هنا لقدّام.

الخصوصية في الجزائر غي اشاعة ، جارك يعرف شحال تخلص ، وين تخدم ، فاميلتك هارفة شكون تبغي قبل ما تروح تخطب.. الخصوصية عندن...
22/04/2026

الخصوصية في الجزائر غي اشاعة ،
جارك يعرف شحال تخلص ، وين تخدم ، فاميلتك هارفة شكون تبغي قبل ما تروح تخطب..
الخصوصية عندنا شغل حاجة زعما ،وش راك تسيي تخبي ، وعلاش باغي تخبي ؟ حنا اصلا نحبو غير مصلحتك ، عيطلك كاش واحد ؟ قاع يكسلو وذنيهم ، حابين يعرفو معامن تهدر و على وش تهدر ، اذا سكنت وحدك ، وجد راسك ل ليستا طويلة تاع الأسئلة، حتى اذا بغيت تخبي كاش حاجة خاصة ،نتا لي غادي تولي قبيح ، و نتا لي رح تولي مش مربي ،

الفضاء الخاص هي وحد الحاجة لي مكاشها فدزاير ..
و حنا ما نحوسوش على ديك الخصوصية تاع المريكان ، حنا نحوسو على المينيموم
بغيت تشارك حياتك مع الناس ، هذا قرارك
و لكن باش الناس يشاركوك معاك حياتهم ، حتى هذا يبقى قرارهم و لازم عليك تحترمو ، و ماتحرجش الناس ، كل واحد فينا عندو الحروب ديالو لي حتى واحد ماعلابالو بيها ، و كيما يقولو ،حتى واحد مالقاها كيما بغا

كاين شي ناس يستعملوا الدين في الجزائر شغل كارت bancaire, يجبدو منها وقت مابغاو، بنتك بغات تقرا ؟ حراممراتك بغات تخدم ؟ ...
20/04/2026

كاين شي ناس يستعملوا الدين في الجزائر شغل كارت bancaire,
يجبدو منها وقت مابغاو،
بنتك بغات تقرا ؟ حرام
مراتك بغات تخدم ؟ حرام
وليدك سقسا كاش سؤال؟ حرام تسقسي
ف الدين.
هذ الناس مايستعملوش الدين باش يقربوك من الله، ييستعملوه باش يتحكموا فيك. و الفرق بين الاثنين واضح، اللي يبغي يقربك من الله يشرحلك الحكمة ديالو واللي يبغي يتحكم فيك يخوفك بالله.
الدين جا باش يحرر الإنسان من العبودية تاع البشر، ماشي باش يكون أداةللعبودية. المشكل إنو بزاف اناس خلطوا بين كلام الله وبين التفسير تاع بعض الناس، بعض الناس اللي عندهم مصلحة تاعهم خاصة.
لازم تعرف الفرق بين الدين وبين اللي يستعملوا الدين، عندك عقل باش تفكر، ماشي باش تسلموا لواحد آخر. والعلم في الدين فريضة، ماشي باش تسمع غير اللي هما بغاوا يقولولك.

19/04/2026

اذا ما عندك ما تتزوجش...
هي من بعض الجمل لي نسمعها بزاف دور فالمجتمع، واللي تخليني نفكر: علاش بالضرورة اذا ما عندكش ما تتزوجش؟
علاش ماشي الا ماكنتش مربي ما تتزوجش؟ الا ما كنتش مسؤول ما تتزوجش؟
الدراهم عندهم أهمية، بصح الزواج ماشي تجارة الزواج هو العلاقة اللي رأس المال ديالها هو الأخلاق، المشكل عمرو ما كان في الدراهم، مي فالنية، والأخلاق غير السليمة..
كيجي واحد يخطب عندو دراهم ، بصح ماشي مربي، نقولو عليه الله يهديه، وبصح واحد عاد يبني في حياتو ومربي فيه قاع الأخلاق السليمة منقولوش الله يرزقه علما أنه الرزاق هو نفسه الهادي، بصح لا نامنو برك الحوايج اللي يعجبونا .
الدراهم صح مهمين ، هوما المحرك تاع هاد الدنيا، بصح هذاك الهوس المبالغ فيه بالدراهم يخلينا نفقدوا القيمة الحقيقية تاع الزواج ويخلينا ندخلوا في واحد الدوامة اللي تدينا للعديد من المشاكل منها صراع الجنسين

17/04/2026

ما تخليش الناس يفرضو عليك واش ما تحبش، وتعلّم مليح وقتاش تقول ايه ووقتاش تقول لالا.
ما تقبلش بحاجة من داخلك ماكش حاب ديرها، ومن بعد ديرها غير باش تراضي الناس .

ما تنساش بلي تستاهل تكون حرّ. واعرف بلي كي يقول لسانك ايه وقلبك يقول لا، ودير الحاجة بسيف عليك، راك تنقص من قيمة روحك ومن تقديرك لذاتك، ومع الوقت تولي متحسش بلي تستاهل الخير، وتولي حياتك معمرة بالسلبية.

علاهاذي، تعلّم تقول لالا كي يلزم، وتقول ايه كي تحب تقولها… راحة البال هي الصح

16/04/2026

My self

16/04/2026

أنا ما نحبّش الناس، وانا راضي على روحي بزاف. ديكوفريت بلي أحسن حاجة درتها مع روحي هي كي نحّيت الناس من حياتي. نعيش وسطهم، بصح لا أنا جزء من حياتهم ولا هوما جزء من حياتي. ما نحب حتى واحد يدخل في حياتي، وما نحبّش حتى أنا ندخل في حياة اي واحد.

قبل، كي كنت نخالط مع الناس، كان اوبليجي عليا نطيح في المقارنة، نقارن روحي بهذا وهذاك… نحب نكون خير من هذا، نخدم خدمة خير من هذا، ندير دراهم كثر، نلبس خير، نركب طوموبيل خير… وعلاهاذي ، ما كانش عندي رضا على روحي. ديما حاس ناقصتني حاجة.

وحتى كي ما نكونش أنا لي نقارن روحي، اللي دايرين بيا كانوا يجرّوني للمقارنة ويخلّوني جزء منها بسيف.

بصح كي حبست نقارن ، وولّيت نشوف غير لروحي ونخدم على روحي، فهمت باللي الوقت اللي كنت نضيعو في المقارنة، كان أولى بيه نطوّر فيه روحي ونكون إنسان خير لنفسي.

ومن تماك، حياتي تبدلت… وليت مرتاح، وليت نعرف كيفاش نرضى على روحي. قبل ما كنتش نعرف نرضى و فهمت باللي أهم حاجة في هاد الدنيا، هي انا

Adresse

El Esnam

Heures d'ouverture

Lundi 09:00 - 17:00
Mardi 09:00 - 17:00
Mercredi 09:00 - 17:00
Jeudi 09:00 - 17:00
Samedi 09:00 - 17:00
Dimanche 09:00 - 17:00

Site Web

Notifications

Soyez le premier à savoir et laissez-nous vous envoyer un courriel lorsque Abderazak Ouali Insight publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter La Pratique

Envoyer un message à Abderazak Ouali Insight:

Raccourcis

Partager