08/11/2025
هذي شحال ما حكيتلكمش على حالات تجيني للعيادة لضيق الوقت بصح هذي بغيت نعرفكم بيها
امراة 43 سنتة زارتني من بعيد بمشكل قاع فينا بصح هي اكثر لي هو (التعب) لكن التعب كان شديد مع نقص الوزن ، و كي هدرت معاية قاتلي يا تلقالي مشكلي يا مانزيدش نفوت عييت مالاطباء!!!!!! و لكن تسلسل الجمل كان تقيييييل و مريضة صفرااااء
اول حاجة جات في راسي (خمول الغدة الدرقية) كي سقسيتها قاتلي درتو و طبيب قالي ما تسحقيش دواء لان TSHراه نورمال كي شفت التحليل فعلا tsh normal mais FT3 FT4 هاابطين
سقسيتها سوال اول : مادام ما نزفتيش بزاف فالحمل الاخير؟ المريضة تشوكت و قاتلي عندها عام
قلتلها و ما طلعلكش الحليب و ما ولاتلكش العادة الشهرية 😳😳😳😳 المريضة ما فهمت والو قاتلي واهً وراني فعام نفوت عند امراض النساء وًقالولي راكي مليحا
قلتلها زيديلي تحليل الكرتزول و ايارام الراس و غادي نفهمكم
🧠🧠🧠 اذا كان TSH NORMAL W FT4 FT3 hawdiiiiine هنا المشكل مشي الدرقيية م انما الغدة النخامية hypophyse
و هذي الغده هي الرايس لي تحكم فكل الغدد منها الغدة الكدرية و هرمون الكرتزول
كي درنا ايارام خرجت كيما توقعت ضياع كامل للغده النخامية وًعلى هذه سقسيتها اذا دارت نزيف حاد فالولاده
يعرف هدا المرض ب la maladie de sheehan
و هو عندما تنتفخ الغدة تمهيدا للرضاعة وًيوقع نزيف حاد تتكمشً وًتضمر هده الغذة و تبقى المريضة بدن هرمون الدرقية و لا الكرتزول
الحمد الله المريضة بديتلها العلاج وًفي ظرف ٥ ايام بدات تحس بتحسن كبييييييير وًقلتلها هذي غي البداية مااازاااال تزيدي تتحسني اكترر #
