15/06/2023
ولدي طهروه الملايكة ⛔❌
او hypospadias & épispadias
🟣اكيد كامل سمعنا انو كاين أطفال يقولو عليهم طهروهم الملائكة ولا شفناهم ، و كاين عايلات بزززاف تصرا عندهم يقولك ولدنا مطهر رباني ( كناية على أنو الطفل مولود هكذا)
المشكل ان بعض العائلات تعتبرها هبة ربانية ويجب ان تحتفظ بها سرا خوفا من الحسد
🟣 أولا فتحه مجرى البول الطبيعي تكون في الوسط في المقدمه فلا هي تحت بزياده ولا فوق و غير ذلك نعتبر الطفل عنده المشكل في الصورة
حيث أن فحتة مجري البول تكون موجوده تحت مستواها الطبيعي وكل ما كانت أقرب لمستواها الطبيعي كل ما كان التدخل الجراحي فيها أبسط و cosmotic after surgery تكون احسن ✅
🟣 وش هوما الأسباب زعما !
✓ عوامل وراثية : يكثر وجودها في القرى لزيادة نسبة زواج الأقارب وكثيرا ما الآباء والأمهات معلوماتهم تكاد تكون محدوده عن الاختلافات الخلقيه في الاطفال ..
✓ تعرض الأم لبعض الأدوية أثناء الحمل وخاصه في ال 1ere trimestre( في أول ثلاث شهور) من أشهر الأدوية: أدوية الامراض النفسيه والعصبيه وبعض المضادات حيوية
antipsychotic drugs & antibiotics
🟣 السيناريو يكون كالتالي:
الأول : لي لازم يكون وهو أنو لاساج فام او الطبيب يديرو فحص الوليد و يلقاو هد التشوه الخلقي ويوجهو الوالدين لجراح أطفال
الثاني للأسف: يخرج من المستشفى بدون تشخيص ويجي الأب والأم في أغلب الأحيان الى جراح او طبيب اطفال باه يطهروه
و يكونو حاطين ولدهم سابق نتاجو بخطوتين 😌 ويقولولو نورمالمو منطولوش راه اصلا مطهر ...
لكن للأسف الحياه عمرها ما كانت ساهلة هك يابعد 🤷🏼♀️
ويكونو رافضين فكرة انو طفل ملازملوش يطهر لازملو عملية خاصة وذلك ل:
في الاول لازملو عملية لتصحيح مكان فتحتة مجرى البول
ثم عملية الختان
‼️‼️ الطفل هدا ممنوع ممنوع ممنوع ممنوع من الطهاره العاديه
(circumcision is contraindicated in hypospadias )
على خاطر الختان الطبيعي يعرضو لتشوه الأعضاء التناسلية والجلد لي ينحوه فلختان يحتاجو الجراح للترقيع فيما بعد...في عملية التجميل لمحاولة الوصول لشكل يرضي الطفل عن نفسه مستقبلا..
🟣 المهم نديوه لجراح اطفال ومكله نحوسو على التفاصيل
🟣 الأهم عندي: هو أنو الطفل لي يكون مطهر رباني ملازمش نختنوه ختان عادي هدا ادا عرفتوه كافي جدا لي💯 ....
🟣 والأهم منهما أنو انتي يا القابلة لازم تشخصي التشوه لأنو مستقبل هدا الطفل بين يديك وفي رقبتك و توجهيهم للجراح وتعرفيهم أنو الحالة تشوه وخطيرة وليست هبة
😌
⛔اذا جانا طفل والله غالب متولهوش فالمستشفى للتشوه عند الولادة لازم نديوه في عجالة لجراح أطفال وهو لي حيقرر وش يدير ويجنب الأهل والطفل صراع طويل مستقبلا وهدا بارفكتو 👌
👇 أول كومنت تشوفو المصادر وفقا لاخر guide lines
ودمتم سالمين ♥️
