01/06/2025
🎀 نصائح للحامل بمناسبة عيد الأضحى 🐑🤰
بمناسبة العيد، نقدملك شوية نصائح مهمة باش تحمي روحك وجنينك:
🔸 التوكسوبلاسموز – داء القطط
مرض خطير يقدر ينتقل عن طريق اللحم الني أو ناقص طياب، ويأثر على الجنين.
✅ باش تتفاديه:
طيّبي اللحم مليح، خاصة لحم العيد.
ما تاكليش اللحم الني أو الكبدة النيّة.
غسلي يديك مليح بعد لمس اللحم الني.
نظفي الخضر والفواكه قبل ما تاكليهم.
🔸 الكبدة وڤيتامين A
صح الكبدة صحية، بصح الحامل لازم تنتبه!
✅ ما تكثريش منها: كمية كبيرة من الكبدة تقدر تعطي جرعة زايدة من ڤيتامين A وتضر الجنين وتسببلو تشوهات، خاصة في الشهور الأولى.
📌 نصيحة من القلب: كولي بعقل، وعيشي فرحة العيد بصحة وأمان ❤️
