L'orthophoniste Zeghdoudi chahrazad

29/05/2025

بمناسبة عيد الطفولة، أقدم لكم بكل حب استشارات أرطوفونية مجانية للأطفال،
يوم الأحد 01 جوان 2025
📍 في عيادة النفس والحياة – بوشقوف، قالمة

هل يقلقك تأخر طفلك في الكلام؟
هل تود معرفة إذا كان نموه اللغوي يسير بشكل سليم؟
أنا هنا لأجيب عن تساؤلاتك، وأوجهك بخطوات بسيطة وفعالة تساعد طفلك على التقدم.

💬 جلسة استشارية مجانية تشمل:
✔️ تقييم أولي للغة والنطق
✔️ نصائح عملية للتعامل اليومي
✔️ توجيهات مخصصة لمرافقة الطفل حسب احتياجاته

🎁 أجمل هدية في عيد الطفولة هي أن نهتم بهم وندعمهم
فلنمنحهم بداية قوية، وثقة أكبر، وفرصة ليزهروا أكثر ❤️
الأخصائية الأرطوفونية زغدودي شهرزاد

15/05/2025

لكل طفل طريقه، ونحن هنا لنمشيه معه بثقة.

بعض الصور من حصص هذا الأسبوع 📸، حيث أرافق صغاري بكل محبة وحنان وصبر في رحلتهم نحو تعزيز قدراتهم اللغوية والتواصلية. ❤️🗣️

أحبائي الصغار هم نبض قلبي 💖، وأجد في ابتساماتهم وقصص تقدمهم دافعي الأكبر للاستمرار بكل شغف وحب. 😊✨
لكل طفل وتيرته الخاصة، وأحرص دائمًا على تكييف التكفّل بما يتماشى مع احتياجاته وأهدافه. 🎯🧩

يد بيد نمنح أطفالنا فرصة أفضل للتعبير والتطور. 🤝🌟

02/05/2025

✅️ مقتطفات من حصص التكفل الأرطوفوني مع الحفاظ على خصوصية أطفالنا ❤️🗣

في كل جلسة أرطوفونية، نقترب من الطفل، نكتشف قدراته، ونعمل بأهداف واضحة لبناء تواصل فعّال.
نبني اللغة، نبني الثقة، ونرسم طريقا للتواصل.
كل نشاط نختاره، وكل تمرين نطبقه، مبني على أسس علمية دقيقة،
وكل طفل يرافق بخطة علاجية خاصة، تراعي شخصيته، قدراته، واحتياجاته.

النتائج لا تظهر بين يوم وليلة، لكن التقدم الحقيقي يبدأ حين نعمل معًا:
نحن وأنتم، يدا بيد، نؤمن بأطفالكم ونمنحهم المساحة للنمو على طريقتهم.

🔆مع كل خطوة، نقترب من بناء تواصل يسهم في بناء مستقبلهم🧠🗣.

11/04/2025

04/04/2025

❌️الأهم في التكفل مش كي تحط ولدك مرة أو مرتين أو حتى ثلاث مرات في الأسبوع عند الأخصائي الأرطوفوني و تستناه يتحسن .
🔴الأهم هو :
✅️ تبع الحصص مع المختص و تلتزم بالمواعيد و تتفادى الغياب المتكرر عن الجلسات لانو كل جلسة راها خطوة للأمام ، و كل غياب راهو خطوة للوراء.
✅️ التدريب المستمر في البيت ، لأنو التكفل بلا تدريب كيفو كيف لي يبني دار بلا أساس .
‼️بصح وش هي فائدة التكرار في البيت ⁉️⁉️
🟢 اكتساب قدرة أو مهارة معينة يحتاج لتكرار و تدرب عليها، فإذا أنت تدي ولدك عند L'orthophoniste و يخدملو على مهارة لي راح تساعدو في اكتساب اللغة و متكررش العمل معاه في المنزل هذا راح يأخذ وقت طويل لإكتساب هذي المهارة و راح طول مدة التكفل و تزيد عدد الجلسات و الحصص .
✅️ متكتفيش غير بالحصص الارطوفونية فقط ، حاول طبق معاه الأنشطة و التمارين لي يقدمهملك المختص بطريقة ممتعة ، و متخليش التدريب في المنزل حاجة ثقيلة على ولدك ، خليها تكون متعة و مشاركة بينكم . 🗣
✅️✳️ فإذا راك حاب تختصر الطريق نحو العلاج دير يدك في يد المختص و طبق مع طفلك وش يطلب منك المختص ،و متأكدة بلي راح تشوف التغيير بعينيك و فرحة ولدك راح تكون أحلى مكافأة ليك.

26/03/2025

26/03/2025

12/03/2025

✅🗣️⚠️ ماهو سبب زيادة مشاكل اللغة و النطق عند 𝗹𝗲𝘀 𝗲𝗻𝗳𝗮𝗻𝘁𝘀 في الوقت الحاضر ‼️
✔︎ أكثر حاجة نسمعها من عند 𝗹𝗲𝘀 𝗺𝗮𝗺𝗮𝗻𝘀 🤷
علاه ولينا نسمعو بلي بزاف ولاد عندهم 𝘁𝗿𝗼𝘂𝗯𝗹𝗲𝘀 𝗱𝘂 𝗹𝗮𝗻𝗴𝗮𝗴𝗲 ولا 𝗮𝘂𝘁𝗶𝘀𝗺 و لا 𝗯𝗲‌𝗴𝗮𝗶𝗲𝗺𝗲𝗻𝘁 ولا ..𝘁𝗿𝗼𝘂𝗯𝗹𝗲 𝗱'𝗮𝗽𝗽𝗿𝗲𝗻𝘁𝗶𝘀𝘀𝗮𝗴𝗲 .....؟
وحنا كي كنا بكري مكناش نسمعو بيهم بزااف 🤔🤔
✔︎ وي صح بكري مكناش نسمعو بيهم بزاف كيما دوك وهذا راجع لعدة أسباب :
✔︎ بكل بساطة على خاطر الطب تطور 🔍📜 وعادت كاينة مسميات و تشخيص لكل حالة مرضية (فعادت كل مشكلة نقدرو نكتشفوها و نشخصوها ويكون عندها إسم )
㋛︎ 𝗽𝗮𝗿 𝗲𝘅𝗲𝗺𝗽𝗹𝗲 :
لولاد لي يعانيو من صعوبات التعلم (trouble d'apprentissage ) ✍️🧠 عاد عندهم في وقتنا هذا إسم
وعندهم أقسام خاصة بيهم في بعض الدول ويتم تدريبهم بشكل صحيح.
⚠️☹︎ mais بكري الطفل لي عندو صعوبات تعلم يقولو عليه ميحبش يقرا حابس خاطيه لقراياا 😑 وكاين لي يبعتو ولادهم دروس خصوصية ميحوسوش كامل يفهمو المشكل تاع ولادهم
✔︎ 𝗺𝗮𝗶𝘀 𝗹𝗲𝘀 𝗮𝘃𝗮𝗻𝘁𝗮𝗴𝗲𝘀 تاع 𝗹𝗲𝘀 𝗿𝗲‌𝘀𝗲𝗮𝘂𝘅 𝘀𝗼𝗰𝗶𝗮𝘂𝘅 خلات الناس تفهم و تتوعى بهادو المشاكل وعاونت بزاف ناس في إيجاد حل لمشاكل أولادهم
🗯️ بكري مكانتش كاينة توعية كبيرة 😢💔.
✔︎ زيد بكري قليل وين نلقاو إمراة عاملة كانت الأم👩‍👧‍👦 ربة منزل وكل وقتها لأطفالها par rapport لوقت تاع دورك 🤗.
✔︎ وفي وقت الحالي غالبا تتكون الأسرة من طفل واحد أو طفلين وعدم وجود أطفال آخرين للعب وتواصل par rapport لبكري كانت الأسرة كبيرة 👯👨‍👩‍👧‍👧👯و ممتدة وكثرة تواجد أطفال في نفس المنزل و الأشخاص .
✔︎ والحاجة لي زادت كملت على هذا الجيل هي التطور التكنولوجي وتوفر الشاشات بكثرة 📲📺 وجلوس الأطفال عليها .
أدت إلى عدم وجود التواصل و التكلم مع 𝗹'𝗲𝗻𝗳𝗮𝗻𝘁 وزيد قلة وعي الأسرة بمخاطرها 😨.
㋛︎ 𝗽𝗮𝗿 𝗲𝘅𝗲𝗺𝗽𝗹𝗲 :
في وقت تاع دورك 𝗶𝗹 𝘆 𝗮 𝗯𝗲𝗮𝘂𝗰𝗼𝘂𝗽 𝗱𝗲𝘀 𝗰𝗵𝗮𝗶‌𝗻𝗲𝘀 𝗱𝗲 𝘁𝗲‌𝗹𝗲‌𝘃𝗶𝘀𝗶𝗼𝗻 تاع لولاد par rapport لبكري كانو لولاد ميتفرجوش بزاف ويخرجو براا يلعبو مع بعضاهم 🤼🤼
✔︎ كما يوجد سبب آخر وهو تعريض الطفل لأكثر من لغة بطريقة غالطة ❌ مما يؤدي لمشكلة في تطور الكلام {الصحيح تعريض الطفل للغتين بشكل صحيح لتطوير مهارات الطفل اللغوية و قدراته الإدراكية}.
✔︎ وكذلك covid-19 🦠 أدى لإنخفاض التواصل الإجتماعي (عدم خروج الاطفال 𝗱𝗼𝗻𝗰 أغلب وقتهم يفوت قدام ??𝗲‌𝗹𝗲‌𝗽??𝗼𝗻𝗲 ولا 𝗹𝗮 𝘁𝗲‌𝗹𝗲‌𝘃𝗶𝘀𝗶𝗼𝗻).
✔︎ وأخيرا هناك مشاكل أخرى منها التغدية ..العناية الصحية بالحامل و الرضاعة ...الجينات و الوراثة ....وعي الأم و الأب الجدد ...العوامل البيئية .......💙💯🤗

04/12/2024

📢نصيحة اليوم 👇👇👇
👈الخطأ لي يوقع فيه الاهل هو تأخير العلاج يبقى يستنى بحجة
❌️ ولدي كي يكبر يتسرح ....
❌️والبعض منهم يزور المختص الارطوفوني مرة أو مرتين فقط ،لما يوصل مرحلة الدخول المدرسي يجريو بيه عند المختص و هنا للأسف يكون فات الأوان.
❌ و معظم الحالات عندهم إجابة واحدة
:" عزوزتي قالتلي هكدا كان باباه ووووو...... الخ و غيرها من الاعتقادات الخاطئة ".
❌️او البعض منهم :" ايه رحت عند ارطوفونيست زوز مرات مادراتلوا والوا ماكان حتى تحسن " ( المختص لا يملك عصا سحرية) .
✍️✅️هنا أقول كلما يكون الكشف عن الاضطراب والتدخل المبكر كلما تكون النتائج ايجابية ،ونتفادوا تطور الاضطراب الى اضطرابات نفسية سلوكية وصعوبات ممكن راح تشكل عائق كبير في حياة الطفل الدراسية .
✔️لذلك أنصحكم بالتدخل المبكر بالعامية: إذا وصل ولدك عمر 3 سنوات وميكوّنش جملة من 3 كلمات لاتتماطلي في الذهاب لأهل الاختصاص .

08/11/2024

نصيحة للأمهات 👩‍⚕️🗣️
ولدك بدا يهدر و يقول جمل بسيطة و هدرتو حلوة عسل كيفو
مثلا يقولك :- ماما اعطيني حيب (حليب )👶🍼
- ماما خبذ ولا ببا (خبز) 🥖
- ماما نهم ثيكولة 🍫
هنا كاين نوعان من الامهات 👩‍🦰:
🔹النوع الاول : لي تضحك ويعجبها كلام ولدها تفرح و تقول ياعمري ياعمري على ولدي يحوس على ثيكولة. وهذا خطأ ❌ الأم هنا راهي تعزز كلام ابنها الخاطئ و ترسخ فالذهن تاعو بلي نقولو ثيكولة .
🔹 النوع الثاني : هذا النوع يلجأ الى طريقة التصحيح المباشر ولدي متقولش ثيكولة قول شيكولة عاود معايا قول شيكولة و تضغط على ولدها باش ينطقها ولا كاين حتى لي تعيط عليه او......... تضر....بووو 😬باش ينطق كلمة صح ✅و هذا ايضا خطأ ❌

علابالي دك تقولولي واش هي طريقة الصحيحة ✅ كي منديروش تصحيح مباشر 🗣️
اعطينا مثال سابق و قلنا ماما اعطيني ثيكولة 🍫
هنا متركزيش على خطأ ❌ في كلام وليدك فقط عاودي الجملة موراه اه ولدي نعطيك شيكولة صحا ماما
و مع الوقت 🕛 ولدك راح يكتسب طريقة النطق الصحيحة عن طريق السمع ??🏻و التقليد👄??️

02/08/2024

L'orthophoniste Zeghdoudi chahrazad

02/08/2024