Neocardia Medical Center - Dr. Chekati

Neocardia Medical Center - Dr. Chekati Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Neocardia Medical Center - Dr. Chekati, Santé, 53, Rue Didouche Mourad, Bloc 3, Guelma.
(4)

- الكشف المبكر وتشخيص أمراض القلب والشرايين
- المتابعة الدقيقة لحالات قصور القلب والاضطرابات المزمنة
- مرافقة المرضى قبل وبعد العمليات الجراحية القلبية
- تقديم الاستشارات الطبية الدقيقة

🚨 حقيقة طبية لازم كل مريض سكر (ولا أي واحد عندو مريض سكر في العايلة) يعرفها! 🩸💔العلاقة بين السكري والقلب قوية بزاف.. لدر...
19/04/2026

🚨 حقيقة طبية لازم كل مريض سكر (ولا أي واحد عندو مريض سكر في العايلة) يعرفها! 🩸💔

العلاقة بين السكري والقلب قوية بزاف.. لدرجة أن مريض السكر معرض للإصابة بأمراض القلب ومشاكل الشرايين بـ الضعف (الدوبل) مقارنة بالشخص العادي!

🧐 وعلاش يصرا هاد الشي؟
السكر كي يكون ماشي مريقل لفترات طويلة، يبدا يأثر بالشوية على جدران الأوعية الدموية، ويسرّع من عملية تصلب الشرايين (Athérosclérose).

⚠️ والمشكل الواعر: مريض السكر ساعات ما يحسش بألم القلب ولا الأعراض بنفس الوضوح اللي يحس بيها الشخص العادي، لأن السكر يقدر يأثر على الأعصاب اللي تنقل الإحساس بالألم.. يعني القلب يقدر يتعب في السكات!

💡 على هاد الشي، ديما نقولولكم في العيادة:
متابعتك لنسبة السكر تاعك والريجيم حاجة ممتازة بصح لازم تطمن على "قلبك" تاني.

الكشف الدوري، وتخطيط القلب (ECG)، والإيكو (Echocardiographie)، هما خط الدفاع الأول باش تحمي روحك من أي مضاعفات، وتكمل حياتك بأمان وراحة بال، بلا مفاجآت عيانة. 🫀✨

____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة
⏰أوقات العمل: نستقبلكم يوميًا من صباح السبت إلى مساء الخميس، مع استقبال الحالات الاستعجالية في أي وقت.

#السكري #قالمة

عمرك حسيت بثقل مفاجئ على صدرك؟ شغل "حجرة" محطوطة على قلبك وقاطعتلك النفس؟ 💔هاد السطر والوجع ماشي مجرد عياء أو شوية تعب و...
16/04/2026

عمرك حسيت بثقل مفاجئ على صدرك؟ شغل "حجرة" محطوطة على قلبك وقاطعتلك النفس؟ 💔

هاد السطر والوجع ماشي مجرد عياء أو شوية تعب ويروح.. هادا يقدر يكون جرس إنذار مباشر من "الشريان التاجي" (Artère coronaire).

الشريان التاجي هو "شريان الحياة" لقلبك، هو اللي يغذيه بالأكسجين باش يبقى ينبض. كي يصرا فيه انسداد أو يضياق (بسبب تراكم الكوليسترول ولا نمط الحياة اللي ماشي صحي)، القلب يبدا يتعب ويعيط، وهاد العياط يترجم على شكل وجع في الصدر أو ضيقة في التنفس (Essoufflement).

⚠️ وعلاش الموضوع خطير بزاف؟
لأن الإهمال في انسداد الشرايين يقدر يؤدي لضعف عضلة القلب أو "ذبحة صدرية" (Crise cardiaque) لا قدر الله.
الشي الواعر في الموضوع أنو الأعراض تقدر تبان وتختفي، وهنا المريض يتخدع ويقول "خلاص راني لاباس" ويأجل الفحص تاعو!

حياتك غالية، وماشي غير نتاعك وحدك.. راهي ملك لعائلتك والناس اللي يحبوك ومحتاجينك دايماً بخير معاهم. 👨‍👩‍👧‍👦
ما تستهينش بأي سطر في صدرك. الكشف المبكر والاطمئنان على شرايين القلب هو أول خطوة باش تعيش حياتك بأمان وراحة بال. 🫀✨

____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة
⏰أوقات العمل: نستقبلكم يوميًا من صباح السبت إلى مساء الخميس، مع استقبال الحالات الاستعجالية في أي وقت.

#الكوليسترول #قالمة

📖 قصة جديدة من العيادةمريضة شابة، في عمرها 37 سنة برك. هادي كثر من عامين وهي تعاني من حالات إغماء، والتحاليل القديمة بين...
11/04/2026

📖 قصة جديدة من العيادة

مريضة شابة، في عمرها 37 سنة برك. هادي كثر من عامين وهي تعاني من حالات إغماء، والتحاليل القديمة بينت بلي عندها الكوليسترول الضار (LDL) طالع.
في داك الوقت، طبيب القلب طمنها وقالها "قلبك سليم" (لأنو ركز على العضلة برك في ديك اللحظة)، وبعتها لطبيب الأعصاب اللي وصفلها فيتامينات ومعادن.

النتيجة اليوم في 2026؟ 📉
بداية سكري (Glycémie à jeun طالعة) + ارتفاع شديد وخطير في الدهون (Triglycérides و LDL) + خطر قلبي حقيقي ومباشر قاعد يكبر!

⚠️ المشكل هنا ماشي في المرض.. المشكل في "روطار" الوقاية!
في طب القلب، الخدمة تاعنا ماشي غير القسطرة (الكاتي) والعمليات كي يطيح الفاس في الراس. أول وأهم درس هو التحكم في عوامل الخطر القلبية (Facteurs de risque):
🩸 السكري (Le Diabète).
🧈 ارتفاع الكوليسترول والدهون.
📈 الضغط الدموي (لاطونسيو).
🏃‍♀️ نمط الحياة (الماكلة الدسمة ونقص الحركة).

مهمتنا في NEOCARDIA ماشي غير نعالجو المرض بعد ما يبان، بصح نقي منه من الأساس (Prévention).

💡 إذا جسمك هدر معاك وعطاك إشارة.. ما تتجاهلوش. وإذا تحاليلك خرجت فيها خلل.. ما تستناش الأعراض باش تبدا تداوي وتعس روحك.
الوقاية عمرها ما كانت خيار... الوقاية هي أقوى علاج! 🫀✨

____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة
⏰أوقات العمل: نستقبلكم يوميًا من صباح السبت إلى مساء الخميس، مع استقبال الحالات الاستعجالية في أي وقت.

❤️ القلب ماشي غير عضلة تضخ الدم..القلب هو لي رفد معاك الفرحة والخلعة 🧓📖ساعات تدينا الدنيا والمشاغل ونقولو: "غدوة نروح لل...
08/04/2026

❤️ القلب ماشي غير عضلة تضخ الدم..

القلب هو لي رفد معاك الفرحة والخلعة 🧓📖
ساعات تدينا الدنيا والمشاغل ونقولو: "غدوة نروح للطبيب" ولا "شوية عيا ويروح". بصح الحقيقة هي بلي قلبك ما يعرفش يستنى! 🕰️

الوجع تاعك ماشي غير تاعك وحدك.. راهو وجع في قلوب كل الناس اللي يحبوك ويخافو عليك. 👨‍👩‍👧‍👦

ما تحملش قلبك فوق طاقتو، طمن روحك وطمنهم عليك. بركة الدار وضحكتها محتاجة قلب سليم يكمل المشوار. 🏠❤️

عيادة NEOCARDIA تقولك: مالازمش تستنا! فحص دوري واحد يقدر يطمنك ويبدّل كلش.

____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة
⏰أوقات العمل: نستقبلكم يوميًا من صباح السبت إلى مساء الخميس، مع استقبال الحالات الاستعجالية في أي وقت.

إذا كنت مركب صمام معدني (valve) وتشرب دواء سانتروم (Sintrom)، لازم تعرف بلي التحكم في تحليل الـ (INR) ماشي لعبة.. راهي م...
04/04/2026

إذا كنت مركب صمام معدني (valve) وتشرب دواء سانتروم (Sintrom)، لازم تعرف بلي التحكم في تحليل الـ (INR) ماشي لعبة.. راهي مسألة دقيقة وحساسة بزاف! 🩸

التوازن هنا كيما شعرة الميزان، أي خلل يقدر يكلفك غالي:
🔺ذا طلع الـ INR فوق اللازم: راح يعرضك لخطر النزيف الخطير (Hémorragie).
🔻وإذا هبط الـ INR تحت المطلوب: يقدر يخلي جلطة (Caillot) تتكون فوق الصمام، وهادي حالة استعجالية جراحية من الدرجة الأولى تقدر تهدد حياتك مباشرة!

على هاد الشي، ديما نأكدوا على هاد القواعد الذهبية اللي لازم تمشي عليها وما تفرطش فيها:

✅دير تحليل الـ INR بانتظام** وفي وقتو بلا روطار.
💊التزم بجرعة السينتروم** اللي حددهالك الطبيب بالحرف الواحد (ما تزيد ما تنقص من راسك).
🥦عس ماكلتك واحترم الريجيم الخاص بمميعات الدم.
🗣️ كي تروح لأي طبيب، طبيب أسنان (Dentiste)، أو سبيطار.. أول كلمة تقولها قبل ما يبداو معاك: "راني نشرب السانتروم".
⚠️ رد بالك من الأدوية الأخرى اللي تقدر تتفاعل مع السينتروم.
🌿 الأعشاب (التيزانات) والمكملات الغذائية ممنوعين تماماً بلا ما تشاور طبيب القلب تاعك!

ما تترددش أبداً باش تتصل وتستشير طبيبك إذا شكيت في كاش حاجة أو شفت أعراض غريبة. دواء السينتروم راهو دواء منقذ للحياة.. بصح الفعالية تاعو والأمان ديالك واقفين على التزامك ودقتك في المتابعة! 🙏

____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة
⏰أوقات العمل: نستقبلكم يوميًا من صباح السبت إلى مساء الخميس، مع استقبال الحالات الاستعجالية في أي وقت.

#قالمة

وقتاش تتفكر قلبك و تعملو الفحص؟ 🤔 ما تخليش الوقت يفوت!القلب هو المحرك تاع الجسم، بصح ديما ننساوه ونهملوا صحته. القلب يخد...
01/04/2026

وقتاش تتفكر قلبك و تعملو الفحص؟ 🤔 ما تخليش الوقت يفوت!

القلب هو المحرك تاع الجسم، بصح ديما ننساوه ونهملوا صحته. القلب يخدم بصمت، بصح الأعراض تقدر تبان متأخرة..

في NEOCARDIA ، ومع الدكتورة شكاتي أخصائية جراحة وأمراض القلب، نوفرلكم تشخيص دقيق وعناية كاملة بأحدث الأجهزة.

📲 للحجز أو الاستفسار، اتصلوا بنا:
📞 0672.73.54.29
📞 0781.02.35.06

🗺️ عنواننا في قالمة: شارع ديدوش مراد (لاڨار)، بجانب مسجد الإمام مالك.

⏱️ أوقات العمل: من السبت إلى الخميس (صباحاً ومساءً).
🔴 نستقبل الحالات الاستعجالية في أي وقت.
🫀

#فحص #وقاية

"راهي غير أعشاب بصح عبالك بلي تقدر تضرك إذا كنت تشرب Sintrom ؟" 💔💊بزاف مرضى يقولونا راني نشرب تيزانة الفلانية، بصح نورما...
29/03/2026

"راهي غير أعشاب بصح عبالك بلي تقدر تضرك إذا كنت تشرب Sintrom ؟" 💔💊

بزاف مرضى يقولونا راني نشرب تيزانة الفلانية، بصح نورمال.. هادي غير أعشاب طبيعية، ما تضرش.

بصح الحقيقة الصادمة هي بلي مع دواء Sintrom (المميع للدم) كلمة "طبيعي" ما تعنيش دايماً "آمن". بالعكس، خلط بعض الأعشاب مع هاد الدواء يقدر يحولها لخطر حقيقي يهدد حياتك! 😱

واش تصرا بالضبط؟ 🧐
كاين أنواع تع أعشاب ومكملات غذائية تزيد سيولة الدم بزاف (Fluidité). إذا شربتها مع السينتروم، المريض يولي معرض لخطر " " (Hémorragie) والخطورة الكبيرة أن هاد المواد تبدل نتيجة تحليل الـ INR بلا ما تفيق وبلا ما يحس المريض!

⛔ حذارِ من تناول هاد القائمة (بكميات كبيرة أو مركزة) تع الأعشاب مع السينتروم:
* 🫚 الزنجبيل.
* 🧄 الثوم (بجرعات علاجية مركزة).
* 🟠 الكركم.
* 🌿 الجنكو بيلوبا (Ginkgo Biloba).
* 🌱 الجينسنغ (Ginseng).
* 🐟 زيت السمك (Oméga 3) وبعض المكملات الطبيعية.

النتيجة ربي يحفظنا تقدر تكون:
🚨 نزيف في اللثة أو الأنف.
🔵 كدمات زرقاء وتجمعات دموية في الجسم بلا سبب.
⚠️ أو نزيف داخلي خطير (في الدماغ أو المعدة) في بعض الحالات.

📥دواء السينتروم دواء دقيق جداً (Dosage précis)، وأي تدخل بسيط (حتى لو كان "طبيعي") يقدر يخلط التوازن تاعو.

🌟 القاعدة الذهبية:
عمرك، ثم عمرك ما تشرب أي عشب، تيزانة، أو مكمل غذائي جديد بلا ما تشاور طبيبك تاع القلب الأول! صحتكم أمانة ما تلعبوش بيها.

____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة
#الأعشاب #شكاتي

السكر التراكمي طالع؟ 🤔 ممكن المشكل ماشي فالسكري.. بصح في "حاجة خلاف"!جانا مريض للعيادة مقلق: "يا الطبيبة راني ريجيم ونشر...
26/03/2026

السكر التراكمي طالع؟ 🤔 ممكن المشكل ماشي فالسكري.. بصح في "حاجة خلاف"!

جانا مريض للعيادة مقلق: "يا الطبيبة راني ريجيم ونشرب في الدوا، بصح السكر التراكمي (HbA1c) لقيتو طالع!" 📈

بصح هل علبالكم بلي بلي فقر الدم (الأنيميا)، وخاصة نقص الحديد، يقدر يخدعنا ويسبب ارتفاع كاذب في السكر التراكمي؟

واش معناها؟
معناها النتيجة تبان طالعة بزاف، بصح في الحقيقة السكر تاعك راهو متوازن، والخلل راهو في كريات الدم الحمراء. 🧪

🌟 لهذا السبب، دايماً نقولو بلي ما لازمش نعتمدو على الـ HbA1c وحدو لتشخيص أو تغيير الدواء، خاصة إذا كان المريض يعاني من فقر الدم.. الطبيب هو اللي يعرف يربط التحاليل ببعضها.

⚠️ نقطة ثانية غايبة على بزاف ناس (تخص دواء Glucophage):
من أكثر الأدوية الفعالة والمستعملة، بصح مع الاستعمال الطويل يقدر يقلل من امتصاص فيتامين B12 في الأمعاء، وهاد الشي يؤدي لنوع آخر من فقر الدم ويقدر يأثر حتى على الأعصاب!

واش لازم نديرو؟
🩸 مراقبة دورية ومنتظمة للتحاليل الشاملة (ماشي غير السكر).
🧪 قياس نسبة فيتامين B12 والحديد من وقت لآخر.
💊 تعويض أي نقص بالفيتامينات أو الأدوية المناسبة تحت إشراف طبي.

ما تقلقوش رواحكم بالنتائج وحدكم، الطبيب هو اللي يعرف يقرأ واش كاين "بين السطور" في التحاليل.

____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة
#السكري #شكاتي

23/03/2026

ينبض قلب الإنسان ما يقرب من 100,000 إلى 100,800 مرة كل يوم.

____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة

😇 عُـدنا والعود أحمد .. العيادة تعود للعمل اليــومبعد انقضاء عطلة عيد الفطر المبارك، نرجو أن تكونوا قد قضيتم أوقاتاً ملؤ...
22/03/2026

😇 عُـدنا والعود أحمد .. العيادة تعود للعمل اليــوم

بعد انقضاء عطلة عيد الفطر المبارك، نرجو أن تكونوا قد قضيتم أوقاتاً ملؤها السعادة والصحة برفقة أحبائكم.
نحن جاهزون لاستقبالكم ومواصلة رحلتكم نحو قلب سليم وحياة مفعمة بالحيوية.
____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة

🌙✨ صح عيدكم.. وكل عام وقلوبكم تنبض بالفرحة والصحة!بمناسبة حلول عيد الفطر المبارك، تتقدم الدكتورة شكاتي و عيادة NEOCARDIA...
20/03/2026

🌙✨ صح عيدكم.. وكل عام وقلوبكم تنبض بالفرحة والصحة!

بمناسبة حلول عيد الفطر المبارك، تتقدم الدكتورة شكاتي و عيادة NEOCARDIA بأحر التهاني وأطيب الأماني لكل الأمة الإسلامية، وللمتابعين عندنا وعائلاتهم خاصة. 🤲❤️

تقبل الله منا ومنكم الصيام، القيام، وصالح الأعمال.

في هاد النهار الزين، نتمنالكم أيام مليانة بالراحة والطمأنينة. وما تنساوش: استمتعوا بلمة العايلة وحلاوة العيد، بصح كولو غير بالعقل وما تكثروش من القاطو والسكريات.. باش تحافظوا على صحة قلوبكم و تبقاو ديما لاباس! 😉🍬

💔 ما تعمرش قلبك فوق طاقتو.. راهو يرفد حمل يهد جبال كل يوم!بزاف مرات نساو بلي القلب تاعنا عندو طاقة وقدرة تحمل، ونبقاو نز...
18/03/2026

💔 ما تعمرش قلبك فوق طاقتو.. راهو يرفد حمل يهد جبال كل يوم!

بزاف مرات نساو بلي القلب تاعنا عندو طاقة وقدرة تحمل، ونبقاو نزيدو عليه في العبء بلا ما نحسو:

🚬 التدخين: اللي يكتم نفسو ويخنق الشرايين تاعو.
🍔 الماكلة الدسمة: اللي تراكم الدهون وتصعب عليه خدمة ضخ الدم.
😰 الستراس والقلق: اللي مخليه دايماً يخبط في حالة طوارئ.
🩸 إهمال لاطونسيو (الضغط) والسكر: الأعداء اللي راهم يدمروا فيه في صمت.

ما تخليش قلبك يعافر وحدو حتى يتعب ويطيح. خفف عليه هاد الحمل، وعطيلو الاهتمام اللي يستاهلو باش يكمل معاك بصحة، على جالك وعلى جال الناس اللي قراب ليك ويحبوك. 👨‍👩‍👧‍👦

الفحص الدوري عمرو ما كان رفاهية أو تضييع وقت.. هو أمانك وطوق النجاة تاعك. 🫀

في عيادة NEOCARDIA مع الدكتورة شكاتي، نوفرولك تشخيص دقيق ومتابعة كاملة، باش تطمن على قلبك وتكمل حياتك بأمان وراحة بال.

____________________________________
📞 للإستفســار أو الحجز: 0672.73.54.29 / 0781.02.35.06
☎️ الثابت: 030.48.88.89
📍 العنوان: شارع ديدوش مراد (لاڨار)، بجانب مسجد الإمام مالك، قالمة

Adresse

53, Rue Didouche Mourad, Bloc 3
Guelma
24000

Heures d'ouverture

Lundi 08:00 - 17:00
Mardi 08:00 - 05:00
Mercredi 08:00 - 17:00
Jeudi 08:00 - 17:00
Samedi 08:00 - 17:00
Dimanche 08:00 - 17:00

Site Web

Notifications

Soyez le premier à savoir et laissez-nous vous envoyer un courriel lorsque Neocardia Medical Center - Dr. Chekati publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type