Quel est le site Web ?

https://www.facebook.com/110755320727560/

Entre les mains des sages femmes, Jijel (2026)

17/01/2022

أمقت اخباري لسيدة تعاني الألم ان تحضر زيتا من منزلها لأننا لا نملك الطبي منه😖
أمقت لحظة أخبر فيها من تصارع الويلات أن تتقاسم سريرا مع أخرى 😖
أنا أعشق كوني حكيمة لكن ضاقت بي عندما لم أجد ماء أغسل بيه يداي بعد تلك الولادة العسيرة😔
أنا لا أمقت من جاءتني حاملة لمرض التهاب الكبد المعدي لكن ضاقت بي عندما وجدت الدم تسلسل حتى أظافري لأن القفازات بها ثقوب.
أنا أمقت اللحظة التي أرى فيها في التلفاز الأوروبيات يجهزن لولادة طبيعية بضمان من الدولة 🥺
و أنا أكافح في اللحظة التسعين لأخبر تلك السيدة المتألمة كيف تتم الولادة 🥺🙂
أنا لا أكره بلدي و لا أكره مهنتي..
لكن هناك نقائص يجدر بنا تداركها
و لا فائدة لنا بتفاديها 😔
و لكن الأجمل أنه بوصول منشوري لكن يعني أنكن تملكن ظروفا أفضل من أخريات..
استغلن هاتفكن الذكي في البحث عن التحضير عن الولادة ♥️
جهاز وليدك ليس الأهم، فالأهم استعدادك للولادة و استقبال طفلك ♥️😍

16/01/2022

سلااام مامييز 🌸
هيا حبيباتي كل وحدة فيكم تحكيلنا على تجربتها فالولادة كيفاش فوتتها الصعوبات لي تلقاتها و الشعور نتاعها كي سلكت على خير و شافت البيبي 👶 و ربي يسهل لكل وحدة و يرزق كل محرومة❤

10/01/2022

نكملو مع #لانفيكسيو و النصائح المقدمة :
🌱 السليب تاعك بدليه يوميا، اغسليه بالصابون تاع طرف، و حدديه، و انشريه عند الشمس . باش تقضي على لميكروبات بالحرارة. و ما ديريليشو ماء جافيل مباشرة، ديري قطرات قليلة في الماء لي تغسلي فيه.
🌱 السليپ تاعك يستحسن يكون من القطن، و ماشي ملون ، و ما يديرش احتكاك في مناطق يقدر يهريها .
🌱 كي تبداك حكة خفيفة شللي بالماء و البيكربونات و لا تيزانة الخزامى اذا ما زلش عليك روحي للطبيب.
🌱 نظافة الحمام يا سيدتي و الابتعاد عن المراحيض العمومية، و توالات ماشي غير ترميلها جافيل و تحطي المنطقة الحساسة عليها، تفاعلات المواد الكميائية تطلق غازات تأثر على الكائنات لي قتلك عليها و تحرقك ..
🌱 ملابسك الداخلية ذات استعمال شخصي برك، ما تلبسيش مع ختك .
🌱 حاولي قدر المستطاع ما تحكيش، اغسلي بالماء بارد باش تخدري الشعور بالحكة.
🌱 ابتعدي عن الجماع كي تكوني مريضة، لانو تزيدي تدخلي لميكروب للداخل .
🌱 حذاري نظافة الزوج ايضا تلعب دور كبير، مرات لانفكسيون تجي منو .
🔴 هام: سواءا كانت عندك انفكسيون او لا لازم تديري frottis vaginale ( مرة كل ستة اشهر اذا كانت عندك ، و مرة كل عام اذا ما كان بيك والو) ..
الفخوتي يقدر يكشف عن بداية سرطان عنق الرحم .. ما تستهزايش و روحي تديريه في لبوليكلينيك.
كاين نقاط حبيتك تفهميها:
-◀كي تداوي مرة على لانفكسيون ماشي معنتها ما تزيديش تمرضي، كل ما تتعرضي للمكروب لازملك دواء .
-◀كل ما تروحي للطبيب( gynécologue , infectiologue ) اذكريلو الادوية تاع لانفكسيون لي درتيها من قبل .
-◀احترمي مدة العلاج كلها ماشي غير تحبس الحكة تحبسي الدواء.
-◀ كل ميكروب يحب يعيش في وسط معين ، اذا الطبيب كي يعرف نوع الميكروب يقدر يقضي عليه بالدواء و الغاسول المعين .
-◀ المرأة الحامل طيلة مدة الحمل يقدر يكون عندها افرازات مهبلية، و هذا شي طبيعي.. لكن اذا كانت بزاف + حكة+ رائحة كريهة و لون ماشي طبيعي تولي انفكسيون لازم تداويها .
-◀ من بين الامراض لي تسبب لانفكسيون بزاف : داء السكري، مرضى السرطان، و كل انسان عندو مناعة ضعيفة.
نتمنى نكونو قدرنا نوصلولكم المعلومة و شكرا ^^

10/01/2022

السلام عليكن ماميييز 🌸 اليوم ان شاء الله عندنا موضوع مهم تعاني منه معظم النساء ولي هو الالتهابات المهبلية أو #لانفيكسيو
اول حاجة لازم نعرفو واش هي لانفيكسو و منين تجينا... Donc لانفاكسيون سببها الرئيسي هو التعرض لمكروب ( في اغلب الاحيان فطر، كيما يقدر يكون بكتيريا او فيروس) بسبب الاستعمال المفرط للمواد الكميائية، خلل في النظافة أو بعض الامراض لي توشي المناعة تاعك .
🌸 من علاماتها الرئيسية : الحكة ، إنتفاخ المنطقة الحساسة ، رائحة كريهة، إحمرار، و مادة لزجة.
🌸 المادة اللزجة اذا كانت شفافة عادي ، لكن اذا كانت بيضاء ، صفراء، خضراء ، بنية ، سوداء معنتها كاينة انفكسيون و اللون يعبر على نوع المكروب .
🌸 لانفاكسيون كي تبقا تتعاود و تطول لسنوات بلا ما تداويها ممكن يتدخل فيها فيروس لي يقدر يسبب سرطان عافانا الله .
🌸 اذا ما داويتيش لانفكسيون تاني تخسرلك لحمك، و كي يزيدو فيك والا تتقطعي في الولادة تولي صعيبة باش تتخيطي و لحمك يتفتت و يطول باش يبرا .
💠 و دوكا تبعي هاد النصائح نقطة بنقطة 🤓
🌱 شوفي اختي قبل كل شي لازم تعرفي انه المنطقة الحساسة تعيش فيها كائنات حية دقيقة تحميك من العديد من المكروبات , و اذا كل مرة تستعملي صابون و معطرات رايحة تقتلي هاذ الكائنات، و تقل لحماية تاع المنطقة تاعك .
معنتها مور لبولة اغسلي بالماء برك، و نشفي ، و مور كاكا امسحي بالورق و عاودي اغسلي بالماء و صابون خااص بالمنطقة و شللي مليح و نشفي . و الصابون ما تسعمليهش اكثر من 3-2 مرتين اسبوعيا . حبسي العطور و لكريمات .. كاين عطور خاصة بلمنطقة حتى هي ما تكثريش منها . اما لي تدير عطر عادي ياو راكي عميتيها .
🌱في ما يخص الغسيل دااايمن تغسلي من الأمام للخلف، يعني الشفرات ، البضر باش فتحة الشرج، ماشي تجيبي لجراثيم لي تكون في فتحة الشرج مع لوسخ و تطلعيها للفوق .
🌱كل ما تعرقي اغسلي و نشفي مليييح، الرطوبة ماشي مليحة .
🌱 في ما يخص الصابون، انا لي نشوفهم يتباعو مع مواد التجميل ما نشجعش عليهم لانو فيهم مواد معطرة بزاف. اشرو من الصيدلية احسن . ننصحكم ب hydralin gyn هو شوية غالي بصح هااايل
🌱الفوط (ليبوند) تاعك لازم تبدليها كل ساعتين، الدم هو وسط تحب البكتيريا تتكاثر فيه ( هاذي خلال النفاس و خلال العادة الشهرية) .
🌱تجنبي استعمال les proteges slips.
نكملوا ان شاء الله في منشور آخر تابعونا ^^

07/01/2022

نكملو فيما يخص
🌹 كي يشدوك نوصيك من الأحسن تلبسي جبة والا robe خاطر كل مرة يقلبوك ، وبالفعل هنا القابلة كل ساعة تديك و تديرلك الثوشي باش تشوفك وين وصلتي خاطر لازم تتفتحي ب 10 باش تولدي و ثاني تراقبلك دقات قلب الجنين نتاعك في هاذي المرحلة لازم تساعفي و تديري الكوراج و ما تتأثريش بعياط الأخريات خاطر لايكلف الله نفسا الا وسعها هو سطر الزيادة ما ساهلش بصح كاين لي يزيدو عليها باش يا زعمة يجرو ليهم الطبيبة والقابلة بصح كون ما توصليش نتاع الزيادة صدقيني واحد ماخرج بغير وقتو
🌹 شوفي حبيبتي كي تحسي بحاجة تطبع لتحت و حابة تخمجي هذا ما يكون غير البيبي راهو لتحت "مرحلة الوضع" ومش حاجة أخرى هههههه ، تطلعي فوق الطابلة و تفتحي رجليك مليح و تبعي واش تقولك القابلة تبعي نصائحها و تعليماتها باش تكون ولادتك ساهلة ... كي تجيك الزحمة ازحمي كيما كي تكوني فالطوالاث و كرشك حابسة يعني طبعي لتحت مش فڨراجمك و كي تروحلك تنفسي جبدي النفس من نيفك عمري صدرك و فرغي و كملي هكذا حتى تقولك القابلة ما تزيديش تدزي هنا هي تكمل تخرجو من بعد تقطعلو الحبل السري تمسحلو و تلبسلو وكي تكملو تجي لعندك تكمل معاه قبل اكيد ماهيش رايحة تخليه يبرد و تجي تزرب لعندك و خواتات الصغير يديو وقت باش يخرجو يعني فكرة ازربلي قبل ما يبرد فيا الدم ماكانش منها ... قولنا تكمل تخرجلك خواتات الصغير تديرلك ماساج على بطنك و تضغط و يخرجو وحدهم
🌹 هنا اذا كان زادت فيك القابلة والا قطعك البيبي راهي رايحة تخيطك بعد ما تديرلك الدواء اذا كان متوفر اذا لالا من الأحسن اشريها قبل ما تروحي تولدي و مديهالها و تهناي من تكسار الراس مور ما تكملك و تمسحلك و تديرلك الدواء لي لازمك راكي رايحة تدي وليدك و تروحي لبلاصتك تقعدي حتى ل 24 سا و تشوفك الطبيبة والا القابلة اذا راكي تدمي انت اذا شفتي لابوند تتعمر بالخف قوليلهم هوما يديرو اللازم بعدها تدي وليدك و تروحي لدارك و بالبركة عليك تهنيتي و ربي يجعله ذرية صالحة ^^
ماتنساوش تديرو جام و تكومونثيو حبيباتي ولي عندها تساؤل تتفضل للخاص و الا تخليلي كومونثار 👇

07/01/2022

السلام عليكن
أول موضوع رايحين نحكيو عليه هو الولادة الطبيعية
🌹كي تكوني في الشهر التاسع رايح يبدا يجيك لوجع خاصة كي تتعبي يروح كي تديري سباسفون و تتكسلي وهذا عادي هنا الرحم نقدرو نقولو راه يوجد لعملية الولادة ان شاء الله
فاللحظة لي تحسي أنه السطر راهو يجي قاوي مام تديري سباسفون والا تتكسلي ما يروحش و يكون في ظهرك و كامل كرشك و يبقى غير يزيد يعني بين التقلص الأول و الثاني يكون حوالي 20 د بعدها يبدا بنقص هذا الزمن و السطر يقرب و شدة الوجع تزيد وقادرة مام تترطقلك السقية اي يسيل عليك الماء هنا عزيزتي لازم تتوجهي للمستشفى .. فيما يخص السقية لوكان تتطرطق مام ما عندكش السطر ولازم تروحي للسبيطار
🌹هنا عزيزتي ماعليك غير ترفدي كابتك لي تكوني وجدتيها من قبل ولي فيها الدوسيي ديالك و الدفتر العائلي و تتوكلي على ربي
كي توصلي للماثرنيثي اتوجهي لقاعة الفحص كابتك خليها مع راجلك و أكيد رايحة تلقاي الغاشي ديري لاشان استناي دالتك خاطر ڨع لي تماك مضرارين و جايين يفوتو الا اذا كنت تحسي بيه رايح يخرج هنا لازم تقوليلهم باش يفوتوك استعجالا..
🌹كي تدخلي لقاعة الفحص أول حاجة تفوتي عند القابلة مديلها الدوسي نتاعك و هي بدورها راح تسقسيك على حوايج اسمك عمرك شحال عندك الأولاد ، الغسلة الأخيرة نتاعك ولي لازم تكوني حافضتها و..... بعدها تديرلك الثوشي هنا لازم تكون وجدتي روحك و نقيتي روحك قبل ماتروحي للسبيطار ، قبل ما تطلعي للطابة لازم تنحي صباطك و حوايجك من تحت ، اتخدي وضعية الولادة لي تكوني درتيها من قبل كي شافتك الطبيبة نتاعك و لازم تفتحي رجليك مليح و ترخفي العضلات نتاعك باش ما توجعكش كي تكمل الثوشي رايحة تسمعلك نبضات قلب الجنين ...
🌹 اذا كنت نتاع زيادة راهي تشدك اذا مازولتي راكي ترجعي للدرا وهنا نركز على هاذي النقطة مستحيل ترجعك وانت نتاع زيادة و ثاني ماكالاه تصطنعي الألم و تكذبي فالأجوبة جوسث باش تشدك هنا راكي تضري روحك و خدعتي نفسك .... يتبع 🌸

07/01/2022

صفحتنا تحت تصرف أمهات المستقبل لجميع تساؤلاتك و انشغالاتك القابلة دائما حاضرة لتساندك 💪في فترة :
- ماقبل الحمل - خلال الحمل - قبل الولادة وما بعدها
- في مايخص أيضا تربية الطفل و تنظيم النسل 🌹

Entre les mains des sages femmes

17/01/2022

16/01/2022

10/01/2022

10/01/2022

07/01/2022

07/01/2022

07/01/2022

Adresse

Site Web

Notifications

Raccourcis

Partager

Type