Dr. Zouaoui Pneumo-Allergologue دكتور زواوي أمراض صدرية و حساسية

09/05/2026

يطالبون بغلق صفحات الأطباء = أنا مع الغلق .بشرط أن يمتثل الجميع.

09/05/2026

تظل تعتقد أنك أفضل من أحدهم أو تُقاربه ؛ عالما كان أو عظيما أو أيا كان..
حتى تطلع فجأة على بعض تفاصيل حياته ؛ لتدرك أن مشهدا واحدا و تفصيلة واحدة من دقيقة من حياته قد تكون أعظم من حياتك كلها.. و أنه لم يصل تلك المرتبة العظيمة من لا شيء..

09/05/2026

عندما تخاطب من لا يستحق ؛ انتظر أن يخاطبك بما لا تستحق.

لهذا تجد الكثيرين ممن يحترمون أنفسهم؛ يأنفون أن يظهروا أو يعلقوا أو يكتبوا في وسائل التواصل.

الكثير من الأدباء؛ رجال الأعمال؛ العلماء؛ ليست لهم حسابات شخصية.. و هم المؤثرون حقا .. تأثيرهم الفعلي في الواقع؛ و هو "عزيز" يناله من يستحق أن يصله هذا التأثير ..

يعني لازم تتعب بش يأثروا فيك..

و لكل بلد مثله الشعبي الخاص : ماتخالط النخالة ماينقبك الدجاج..

07/05/2026

المناوبات قاتلة ..
ماتقدرش تخدم نهار كامل تداوي الناس.. مستحيل ..

مرة كانت عندي مناوبة.. فالمناوبة تكون وحدك
يعني تخدم من 8 حتى 16h مع زملاءك .. و بعد ااربعة تخدم وحدك حتى الصباح ..

وصلت الخمسة نتاع صباح .. ماكانش مرضى .. طفيت .. تعبت رقدت حتى ستة و نص .. نضت بش نبدا نوجد التقرير الطبي ( كل صباح نديرو تقرير طبي على الليلة لي قبل)

ايا مع البروفيسور .. هدرة تجيب هدرة . قتلها رقدت ( نهدر عادي ماعنديش مشكل)..
قاتلي كيفاااااااش ترقد ساعة .. حنا بكري مانرقدوش ..
يعني رقدت ساعة نرتاح فيها جاتك مشكلة ..

وهنا مربط الفرس في حنا بكري ..
حنا بكري سوفرينا ...لازم نتوما تسوفريو ..
حتا بكري تحقرنا .. لازم نحقروكم ..
حنا بكري ماكناش نرقدو ( زعما برك ) .. لازم نتوما ثاني تتعبو.

و تحت مسمى ( حنا بكري) يخرج جيل معقد نفسيا . يكره الخدمة و يهرب منها و يفرغ العقد نتاعو في الاجيال لي تجي بعدو ..

العمل في المستشفى مالازمش يفوت ست ساعات . فوق هاذ الحد تستنزف مخك و طاقتك و شبابك.

07/05/2026

الحقيقة تقال. رحم الله زميلتنا..

06/05/2026

03/05/2026

كي تخدم 8 ساعات فاليوم
و ترقد 8 ولا 9 ساعات.
و تعبد ربي و تصلي و تفتح المصحف تقرا فيه
و تقرا كاش كتاب عشرين صفحة تفتح بيه مخك.
و تروح ساعة تطل فيها على والديك.

و تتلاقى صاحبك تقصر معاه نص ساعة
و تروح لكاش إدارة تخرج ورقة
و تدير سبور ساعة فالنهار و لا تمارس اي هواية تحبها
و تقصر مع عايلتك شوي
و تقعد نص ساعة مع روحك تخطط وش لازم تدير في حياتك .

كون تدير هاذ الحوايج كل يوم و الله ماتلقى وقت بش تضيعو و نتا تدور هنا و تتفرج لي ريلز واحد ورا واحد.