26/08/2025
وقاية من فقر الدم عند النساء
بزاف نساء 👩🦰 يعانيو من فقر الدم (الأنيميا)، خاصة كي يكون نزيف كبير فالدورة الشهرية 🩸 ولا الحمل المتكرر 🤰.
نحكو على الأعراض لي يقدرو يبانولك و وعلاش يبانو :
😴 عيا كبير وماعندكش القوة:
➡️لما يكون عندك فقر دم، يعني الدم ما فيهش كمية كافية من الهيموغلوبين لي يدي الأكسجين من الرئة لبقية الجسم. كي ينقص، الخلايا ما توصلهاش كمية كافية من الأكسجين.
والنتيجة: الجسم كامل يحسّ بـ تعب وعيا شديد، حتى كي ترتاحي ما يروحش التعب.
😶🌫️ الوجه شاحب:
➡️الهيموغلوبين هو لي يعطي اللون الوردي للبشرة. كي ينقص يبان الوجه باهت.
💇♀️ شعر يطيح بزاف:
➡️نقص الحديد يأثر على بصيلات الشعر، ما يتغدّاش مليح فيولي يتساقط.
🤯 دوخة متكررة :
➡️ الدم ما يوصلش كفاية للدماغ، تحسي بدوخة ولا حتى فقدان توازن.
كيفاش تقدري تقي روحك :
✅ كولي ماكلة غنية بالحديد: 🥩 اللحم الحمراء، 🫛 العدس، 🌿 السبانخ،
🍊 شرب عصير غني بالفيتامين C (برتقال، ليمون) باش الجسم يمتص الحديد .
🚫 ما تشربيش قهوة ☕ ولا لاتاي 🫖 مباشرة بعد الماكلة لانو فيهم مواد التانينات و الكافيين لي تمنع الجسم من امتصاص الحديد الموجود في الأكل. خلي على الأقل ساعة ولا ساعتين بين الأكل وبين القهوة/الشاي.
🧪 ديري تحاليل دورية خاصة كي تكوني حامل ولا ترضعي.
🚺 ما تهمليش روحك! إذا لاحظتي هذ الأعراض، ديري فحص وتكفلي بصحتك.
📞 للحجز أو الاستفسار: 027520191 | 0552786579
📍 العيادة: بلدية العامرة – مقابل التكوين المهني
🕐 من السبت إلى الخميس.
