Cabinet d'orthophonie DEHA

Cabinet d'orthophonie DEHA وقاية، تشخيص، تكفل، وتوعية...من أجل غد أفضل.

مرحبا بكم.

05/01/2026

...بسيكولجيات ليلية
كامل في حياتنا نشوفو هذا المشهد .. بصح اخطر كي يكون مع الوالدين او الابناء 😡😡😡😡

يجيك وليدك...يحكيلك على 😍نهارو .. حاجة فرحاتو ..ولا حاجة زعفاتو ..🥹🥹🥹.يحكي بمشاعر عفوية و صافية ونتا حاكم التيليفون تطلع وتهبط ..📱😅

الطفل يهدر ونتا تقول : ايه صح ....
مكاش تبادل نتاع مشاعر يحس روحو يهدر مع روبوت 🤖
ماشي باباه ولا يماه 😭

أيا من بعد يولو والديه يقولو علاه وليدنا ولا قليل الكلام ماهوش ناشط وولى يحب العزلة و التيليفون


هذي يسموها phubbing (تجاهل لي ڨدامك على جال تيك توك )
وأصل الكلمة phone +snubbing

الابناء مايطلبوش بزاف غير حاجة خفيفة اذان تسمع وقلب حاضر

✔️حط الهاتف من يدك ولا التيليكوموند ادا كنت توف تلفاز واسمع وليدك واتفاعل معاه مراحش يدي من وقتك 5 دقائق لكنها مشاعر تبنى وذكريات ترسخ 🤍

وأنا نشوف أنه يمكن تطبيقها حتى على الأم الماكثة في البيت المشغولة بالطبخ أو الغسيل ، ليست اقل ضرررا
حاولي الاستماع لابنك او بنتك وستجنين ثمار تعبك فيما بعد💗 لما يكبرو ابنائك قراب منك 💜

راح تكتشف/ي بلي كنتو مراطيين بزاااف من حلاوة وطوايش أبنائكم لي راهم يكبرو في لمح البصر 🌀

ننقصو شويا في السم القاتل للعلاقات وتهلاو في صحتكم وصحة عايلتكم النفسية


🖊️Dr mhamdi
بتصرف من المختصة الارطفونية دحة ✍️

31/08/2024

اخطاء نرتكبها مع الطفل الاول
الافراط في تدليله
تلبية كل رغباته
الحماية الزائدة 🫶🏻

13/06/2024

⚠️⚠️رااكم حابين نهدرو في هذا الموضوع ؟!
مهم جدااا ⛔️⛔️⛔️

⁣ما تزرعهُ اليوم تحصدهُ غداً.⁣⁣
11/06/2024

⁣
ما تزرعهُ اليوم تحصدهُ غداً.⁣
⁣

03/02/2024

"الصمت العقابي " هو طريقة يعتمدها الإنسان لمعاقبة شخص آخر مايهدرش معاه ويتجاهله مدة من الزمن .

وإذا كنتِ تعتمدي هذا الأسلوب مع طفلك كوسيلة لتربيته فحبيت نقولك أنو هدي الطريقة راح تخلف أضرار تدمر نفسية طفلك وشخصيته ❗
🔸على المدى القصير :
راح يحس بالإهمال من قبل الوالدين وبلي ماعندوش قيمة وراح يوقع في الحيرة (كلما يغلط تتجاهليه وماتفسريلوش وين غلط وكيفاش يصحح غلطة ديالو )

🔸راح تأثر أيضا عليه على المدى البعيد :

🔺تولي غايته الوحيدة إرضاء الناس Poeple_Pleaser : باش مايتعاودش سيناريو الخسارة والإهمال لي كان يحس بيه كي تجاهلتوه ، ويقوم بكل طلبات الطرف الآخر لينال رضاه .

🔺 يولي عرضه للاستغلال العاطفي والاستغلال في العمل : مايعرفش يقول" لالا " باسكو يخاف من ردة فعل الطرف الآخر ويخاف ( الطرد من العمل ،التخلي عنه ) .

🔺 متردد في قراراته : باسكو مايعرفش الصح من الخطأ ، كل ماقام به والداه في طفولته هو الصمت بدل شرح خطأه وكيفاش يصححو!!

الطفل هاداك تربى على الخوف من أنو يغلط وكيفاش يصحح الخطأ ديالو . وهنا يبقى يشك في كل قرار يديه ويبقى يخاف دايمن من أنو يغلط

لهذا إذا كنتو تعتمدو على هذه الطريقة بدلوها باسكو راح دمر أولادكم ❗❗

الله الله في أولادكم أحسنوا تربيتكم هم أمانة في أعناقكم وستسألون عنهم يوم القيامة

21/05/2023

مساء النور

⛔ارتفاع الحمى لا يعني مضاد حيوي

⛔السعال لا يعني مضاد حيوي

⛔ الالتهابات الفيروسية لا تستدعي اونتيبيوتيك

⛔ حلق احمر في الفحص لا يعني اونتيبيوتيك

⛔التهاب اللوزتين في الغالب فيروسي لأقل من ثلاث سنوات حتى و لو تظهر البقع البيضاء على الحلق و التي لا تعني بالضرورة تعفن و لا تستدعي مضاد حيوي

⛔كاين امهات تقولي طبيبة كلاموكسيل ما تقرش في وليدي اعطيني اوقمونتين هو الي يخرج عليه و هو اصلا لا يحتاج لا هذا و لا هذا

⚠️⚠️ انا احذركم من
الاستعمال العشوائي للمضادات او الاونتيبيوتيك

⚠️المضادات قد تعرض حالة الطفل للخطر لانه في حال ما أصيب فعلا بتعفن حقيقي او التهاب مكروبي فسوف تكون البكتيريا اكيد مقاومة و قد لا نجد المضاد المناسب لها و في هذه الحالة قد يتفاقم الامر و قد يؤدي للوفاة لا قدر الله و قد حدث هذا مع طفل في احد البلدان العربية و غيره كثيرون

⚠️استعمال المضادات بكثرة يخلق مقاومة لدى البكتيريا .

21/05/2023

مساء النور 🌷
معلومات قد تفيدكم
✅لزيادة #الطول عند الطفل لازم يرقد مليح و باش يرقد مليح يجب تهيئة اجواء #النوم
✅النوم مهم جدا لانتاج هرمون النمو و كذلك الجهد العضلي يعني الرياضة و كذلك نقص السكر في الدم يعني الجوع الذي يسبق الاكل يساعد على انتاجه
✅يزيد انتاج هرمون النوم خاصة في الليل .
✅عدو النوم الاول هو الضوء
✅لتحسين النوم يجب تهيئة الظروف يعني: ٠تعويد الطفل على النوم في وقت معين
٠اطفاء الاضواء قبل النوم
٠إعطائه دوش قبل النوم
٠ايقاظه دائما في نفس الوقت.
٠لازم يتعب في اليوم بممارسة الرياضة للكبار و عمل ماساجات و حركات للرجيلين للصغار و تشغيلهم و اللعب معهم في اليوم .
٠الباسه لباس خاص بالنوم
٠للكبار منعهم من استعمال الشاشات في الليل .
✅هناك احماض امينية تحفز انتاج هرمون النمو من بينها الارجنين Arginine
اين اجدها ( الخضر
الارز البني و الشوفان
الدجاج ،اللحوم الحمراء و الأسماك ،مشتقات الحليب و الجوز)
✅الملاتونين تساعد على النوم و بالتالي انتاج هرمون النمو اين اجدها:(البنان، الفراولة
الجوز، السلق والطماطم)
✅القابا GABA مهم جدا يساعد على النوم و يحفز انتاج هرمون النمو اين اجده:(الارز و البطاطا الكستناء ممكن استعمالها من ستة اشهر او châtaignes )
اتحصل على ما يسبق القابا وهو حمض القلوتامين Glutamine الموجود في: (البيض و اللحوم البيضاء ،العدس الحمص ،السلق و المعدنوس )
✅المغنيسيوم يساعد ايضا على النوم اين اجده ( الشكولاته، الجوز ، اللوبيا و العدس الفواكه المجففة و الخضر الخضراء ) و الزنك (بودرة الشكولاته، اللحوم الحمراء، الخبز الكامل الجبن و فواكه البحر) مهمان جدا للنوم و بالتالي للنمو.

الدكتورة موهوبي رشيدة

البيبي الصغير 👶 يبدا يونطريني من سن 6 أشهر 🙄 لالا ماشي فلاصال د موسكيلاصيو ما تفورصيش 🏋️‍♀️✅الإنسان طوال مراحل الحياة ت...
21/05/2023

البيبي الصغير 👶 يبدا يونطريني من سن 6 أشهر 🙄

لالا ماشي فلاصال د موسكيلاصيو ما تفورصيش 🏋️‍♀️

✅الإنسان طوال مراحل الحياة تاعو راح يبدا يحرك رجليه و يديه من بعد يولي يقعد من بعد يحبي من بعد ينوض و يطيح حتى يحكم روحو يولي يجري ...

هاد المراحل راهم يكونوا عندو مهارات حركية 👌

❌يعني ماشي على العام رافدة وليدك سيدتي الأم و سيدتي الجدة و سيدتي العمة و سيدي الأب و و و

كي ديما رافدو راك تحرمو من التدريب الحركي 😔

ما تكونش كيما هاداك لي ما يونطريني ما يخلي وليدو يونطريني 😒

بالنسبة للتيزانة للمولود الجديد tisane pour bébé ؟عند تصفحك في مواقع التواصل أو المواقع العربية أو الأجنبية تجد كلام كث...
21/05/2023

بالنسبة للتيزانة للمولود الجديد tisane pour bébé ؟
عند تصفحك في مواقع التواصل أو المواقع العربية أو الأجنبية تجد كلام كثير ووصفات كثيرة حول التيزانة ( كمون,حبة حلاوة,زراعة بسباس …)
وفعاليتها ضد الغازات لدى الرضيع

وهذا الأمر معروف من قديم من وقت الأجداد
تُباع في الصيدليات
بل حتى نحن أطباء الأطفال كنّا نصفها للرُّضع !

والآن ماذا حدث ؟!

أثبتت الدراسات الحديثة أنّ هاذ التيزانات ليس لها مفعول حقيقي على الغازات
والواقع يشهد لذلك
بل العكس لها آثار جانبية على الطفل

والذي لاحظته أنّ الأطفال ينقسمون لثلاث أنواع :

نوع أوّل :
لديه غازات يشرب التيزانة ولا تنفعه

نوع ثاني :
لا يشرب التيزانة وليس لديه غازات

ونوع ثالث :
لديه غازات ولا يشرب التيزانة وتختفي الغازات لوحدها

والنوع الثالث هو الذي كنّا نظن أنّ التيزانة تنفعه !!

خلاصة الحديث :
للتيزانة آثار غير مرغوب فيها

أولا:
تملئ معدة الطفل بالسوائل التي لاتنفعه للنمو ,والكل يعلم أنّ الوجبة الأساسية في 6 أشهر الأولى هي حليب الأم وبالتالي أنقصنا عليه وجبات في اليوم

ثانيا :
تعتبر من بين الأسباب التي تجعل الطفل يبتعد عن صدر أمه وعن الرضاعة الطبيعية لاعتياده على السهولة وعلى الذوق المغاير

ثالثا :
في كثير من الأحيان تصبح هي سبب رئيسي من أسباب الغازات (كيما يقولو جا يكحلها عماها!)

وما نجده في الدراسات الحديثة على أنّ الطب يتجه إلى ترك المولود الجديد على فطرته
كما خلقه الله رب العالمين دون تدخل الإنسان

ربي يوفقكم للخير

كتبه الدكتور عزيز أحمد أمين 🩺

Dr Aziz A.A🩺

21/05/2023

للاستفادة ❤️
علاش لازم تقلبو الطفل خطرة على خطرة إذا شفتوه يرقد لمدة طويلة على جهة وحدة🤔

ببساطة لأنو الجمجمة تكون مزال طرية شوية مشي كيما الشخص البالغ و كي يبقى في وضعية معينة لمدة راسو راح #يطبز 🙃

اقلبي وليدك يا مدام ما تغامريش بيه صحيتي😒

Adresse

Khraïcia

Heures d'ouverture

Lundi 09:30 - 16:30
Mardi 13:30 - 16:30
Mercredi 09:30 - 16:30
Jeudi 09:30 - 16:30
Samedi 09:30 - 16:30
Dimanche 09:30 - 16:30

Téléphone

+213559070804

Site Web

Notifications

Soyez le premier à savoir et laissez-nous vous envoyer un courriel lorsque Cabinet d'orthophonie DEHA publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type