Quelles sont les heures d'ouverture ?

Lundi 09:00 - 16:00 Mardi 09:00 - 16:00 Mercredi 09:00 - 16:00 Jeudi 09:00 - 16:00 Dimanche 09:00 - 16:00

Quel est le site Web ?

https://www.facebook.com/108424711491772/

Pedia-Bel Pediatre Belhadj د- بلحاج طبيبة اطفال, quartier El msalah cité berbère bloc 3 port 3 (en face le théâtre) medea , حي المصلى عمارة باربار رقم 3 باب 3 مقابل كلية الحقوق المدية, Médéa (2026)

Q: Quelle est l'adresse ?

Quartier El Msalah Cité Berbère Bloc 3 Port 3 (en Face Le Théâtre) Medea , حي المصلى عمارة باربار رقم 3 باب 3 مقابل كلية الحقوق المدية

07/05/2026

تضخم العقد اللمفاوية في البطن
‼️❗️
أو ما يعرف بال
Adenolymphite mésentérique
( إنتفاخ ولاسس البطن !)

🥺ابنك يبكي عندو ألم في بطنه و قالولك عندو تضخم العقد اللمفاوية ( ولسيس) في كرشو ؟؟

♦️هي صح حالة تسبب قلق و خوف الوالدين !🥺
ولكن لازم تعرفوا ان
♦️ ( الولاسس)
هي اعضاء مناعة كاينة في عدة مناطق في الجسم ،

خدمتها هي إصطياد الميكروبات والفيروسات التي تهاجم الإنسان في عدة مناطق من جسمه

⚠️ هي لي تخدم الطبيعية باش تقتل الميكروبات

♦️عند الاصابة بمرض مثل : التهاب اللوزتين( القراجم ) ، أو الزكام ، أو النزلة المعوية …..

#تنتفخ العقد اللمفاوية ، لأن الجهاز المناعي هو اللي يستدعيها من أجل الدفاع عن منطقة معينة

باش تخدم أجسام مضادة إضافية وتقوم بعمل اضافي على الأيام العادية وهو ما يسبب #انتفاخها .

مع انه يوجد أسباب متعددة لانتفاخها ♦️إلا انها تكون في غالب الحالات
لكن المشكل تعها انها تقدر أحيانا تسبب في البطن

♦️طبيب اطفالك بعدما يتأكد من طبيعتها هو اللي راح يصفلك مسكنات الألم مع علاج السبب

د-بلحاج إسمى #طبيبة #أخصائية في #طب #الأطفال و #الرضع و

المصلى عمارة باربار مقابل #كلية #الحقوق #المدية #المصلى
0554 24 72 73 ☎️
0669 88 36 31 ☎️

06/05/2026

هل يعني انها أم #انانية؟؟؟

لالا فالحقيقة العلمية والتربوية تؤكد
أن راحة الأم هي امر مهم وليس رفاهية شخصية
و هي لاستقرار #الأسرة.
لان الأم اللي دايما مرهقة نفسياً و مستنزفة جسدياً لا يمكنها تقديم عطاء مستقر أو تربية متزنة
وتنعكس على اسلوبها التربوي
لازم الام ترتاح اكيد

🚨🚨🚨 ولكن

الأمومة في الأصل هي وليست امتلاكاً وانانية

كفاش نفرقوا بين الأنانية المرضية و طلب الراحة النفسية والجسدية للأم؟؟؟

كاين خيط رفيع بين "رعاية الذات" و"الأنانية"
يكمن في #الهدف و #الأسلوب.

#الأنانية: هي أن الأم تاخذ من حقوق أطفالها لتشبع رغباتها
هي اللي تؤدي مستقبلاً إلى "فجوة" عاطفية)
قد تنتهي بجفاء الأبناء
والاخطر تدمير استقرارهم النفسي)

أما #التوازن هي : أن ترتاح الأم لتقوى على أداء واجباتها تجاههم.

النصيحة الذهبية:
تفكري أن الأبناء "أمانة" سنحاسب عليها
وانه
الحب غير المشروط ودون انتظار المقابل خصوصا الدنيوي
هو التحدي الأكبر للوالدين

"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"

د-بلحاج إسمى #طبيبة #أخصائية في #طب #الأطفال و #الرضع و

المصلى عمارة باربار مقابل #كلية #الحقوق #المدية #المصلى

0554 24 72 73 ☎️
0669 88 36 31 ☎️

ا

05/05/2026

بزاف ناس ولات تحكي
على
توعد الناس أنها تعالج كل حاجة
وجميع المشاكل المرضية بما فيها #الأمراض الي تطلب علاج طويل المدى … كما السكر، الغدد، الالتهابات، و حتى أمراض مزمنة معقدة.

و الحقيقة ؟
هي مكانش شك بلي الأكل الصحي عنده تأثير كبير على صحتنا ❤️
يعني تقليل السكر، الأكل المصنع، المشروبات الضارة، تقليل الدهون والمقليات وتنظيم النوم والحركة …كامل هذو حاجات مفيدة وهايلة للصحة

لكن المشكلة تكون كي هذا النظام الغذاءي يتحول من “ ” لـ “ ”

و يبدأ يخوف الناس من أكلات ووجبات و يقصي أصناف كاملة

أو يقنعهم باش يحبسو العلاج والأدوية اللي كانوا يتبعوها

أو يخليهم يحسوا إن كل مرض سببه نوع او صنف معين من الأكل

الطب ماشي أبيض وأسود.
و جسم كل إنسان يختلف من شخص لآخر
واللى يناسب واحد
ممكن يضر شخص ثاني.

و أخطر حاجة نشوفها تقلق هي أنه بعض الوالدين بداو يطبقوا هذه الأنظمة القاسية على روحهم او حتى على الأطفال بدون متابعة، و هذا أكيد يقدر يسببنا نقص في عناصر مهمة جدًا للنمو.

معليش ندوا من أي نظام غذائي الحاجات المنطقية المفيدة 👍
ولكن بدون مبالغة أو تخويف أو وعود سحرية تقدر تطمعهم وتأدي بيهم إلى التهلكة

الصحة الحقيقية ماشي فى التطرف …
الصحة الحقيقية فى التوازن ❤️

و ثلث الطب والصحة يتلخص في قوله تعالى: {وَكُلُوا وَاشْرَبُوا وَلَا تُسْرِفوا}

د-بلحاج إسمى #طبيبة #أخصائية في #طب #الأطفال و #الرضع و

المصلى عمارة باربار مقابل #كلية #الحقوق #المدية #المصلى

0554 24 72 73 ☎️
0669 88 36 31 ☎️

05/05/2026

في الفترة هذي تع #الامتحانات تع #اولادنا حبيت نبه على نقطة مهمة وهي
اننا لازم نتعلموا
نشجعوا " #المجهود و #السعي " ماشي برك " #النتيجة".
يعني حتى
اذا وليدك #جرب و #فشل، قوله "يعطيك الصحة راك #حاولت".
#الثقة جي من #المحاولة مش من #المثالية.
ابنك محتاج تشجيعك❤️‍🩹 أكتر من 💔انتقادك
فمتخاليش مثاليتك تقضي على شخصيته

د-بلحاج إسمى #طبيبة #أخصائية في #طب #الأطفال و #الرضع و

المصلى عمارة باربار مقابل #كلية #الحقوق #المدية #المصلى

0554 24 72 73 ☎️
0669 88 36 31 ☎️

04/05/2026

🚫 خطورة هز الطفل الرضيع
تعرفوا واش هي متلازمة الرضيع المهزوز؟؟
LE SYNDROME DU BÉBÉ SECOUÉ ??

هزّة واحدة فقط…بعنف ....
قد تغيّر حياة رضيعك بالكامل 🧠

👶 لماذا الهزّ خطير؟
الرضيع دماغه مازال في طور النمو،
ورقبته ضعيفة متقدرش تثبت الرأس مليح
وعليه فأي حركة عنيفة قد تجعل الدماغ يتحرك داخل الجمجمة ويسبب أضرارًا خطيرة.

⚠️ واش هي هذه الاضرار اللي قادرة تحدث؟
هي
نزيف داخل الدماغ
فقدان الوعي
تأخر في النمو
مشاكل في النظر أو السمع
في الحالات الخطيرة: مضاعفات دائمة

🚨 علامات يجب الانتباه لها:
بكاء غير طبيعي أو متواصل
خمول أو نعاس شديد
صعوبة في الرضاعة
شحوب أو زروقية في الجلد
قيء بدون سبب واضح
تشنجات

💡 وقتاش نقدرو نوقعو في هذا الخطأ؟
غالبًا في لحظة تعب أو توتر بسبب بكاء الطفل… وخصوصا عند الوالدين اللي وليدهم يعاني من مغص متكرر وشديد
لكن ثوانٍ من الغضب قد تكون خطيرة جدًا.

وفي بعض الحالات حتى في الملاعبة الخطيرة تع الرضيع

✅ كيفاش تتصرفي بطريقة آمنة؟
لا تهزّي الطفل أبدًا مهما كان يبكي
ضعيه في مكان آمن (سرير مثلًا)
خذي استراحة قصيرة لتهدئة نفسك
اطلبي المساعدة من الأب أو أحد أفراد العائلة أو الأقارب

علاش راني نأكد على الموضوع هذا لأنه أكثر من 75% من الرضع اللي يعيشوا بعد هذه المتلازمة تبقى عندهم مضاعفات دائمة وثقيلة :
الصرع
العمى
إعاقة او تأخر حركي ذهني

💛لهذا تفكّري دايما:
طفلك ما راهش يبكي باش يقلقك
بل يبكي لأنه يحتاجك ❤️
هدوءك = أمانه

د-بلحاج #طبيبة #أخصائية في #طب #الأطفال و #الرضع و

المصلى عمارة باربار مقابل #كلية #الحقوق #المدية #المصلى

#متلازمة

0554 24 72 73 ☎️
0669 88 36 31 ☎️

03/05/2026

طبيبة علاش وليدي يعرق بزاف كي يكون راقد ولا
كي يكون يرضع؟؟؟
اذا تهمك الإجابة تابعي راح نخليها في التعليق 👇👇👇

د-بلحاج إسمى #طبيبة #أخصائية في #طب #الأطفال و #الرضع و .
حي المصلى عمارة باربار مقابل #كلية #الحقوق #المدية #المصلى
#

📞0554 24 72 73
📞0669 88 36 31

01/05/2026

شحال لازم🤷‍♀️ نلبس 👚👕👖🧦 لصغيري في هذه اليامات ⁉️⁉️
سؤال يتكرر عندي في العيادة ‼️

عدد طبقات الملابس يكون على حساب درجة حرارة المكان😇 اللي قادر يتبدل من دار لدار

والقاعدة بسيطة 🟰
لبسي الطفل ✅️طبقة واحدة 1 زايدة على واش يلبس البالغ في نفس الظروف.

وباش تتأكدي✅️
مسي صدر الطفل و رقبته
اذا لقيتيه يعرق اعرفي بلي راكي زايدة طبقات بزاف و لازم تنقصي

لانو 👶 سخون بزاف يعني مايرقد مليح مايكل مليح ما يقدر يرضعلك مليح أو فوق هذا الشي قادر بسهولة يمرضلك ...

أما بالنسبة للنوعية فمن الأفضل قد ما يكون صغير يعني رضيع
قدما يكونوا ملابسه ماصة للعرق، وتوفر التهوية للجلد، و من الأقمشه القطنية.

وحاولي تكون ناعمة، ماهيش مخيطه بزاف و قدر الأمكان مافيهاش أجزاء معدنية أو صلبة.
اللي تقدر تقلق صغيرك

وقلولي في التعليقات شحال من طبقة🧣🧥🧤🧦👕🧥👚 كان لابسها وليدك على حساب السن 😉
قبل ما تقرأي المنشور

د-بلحاج إسمى #طبيبة #أخصائية في #طب #الأطفال و #الرضع و

المصلى عمارة باربار مقابل #كلية #الحقوق #المدية

☎️0554 24 72 73
☎️0669 88 36 31

26/04/2026

الإعتقادات 6 الخاطئة عن المشي عند الأطفال ⛔️⛔️⛔️

1- الطفل اللي لا يمشي قبل العام متأخر في التطور الحركي
إعتقاد خاطئ❌️

إن التطور الحركي يختلف من طفل للثاني... ✅️
بعض الأطفال قادرين يمشيو في 9اشهر
و البعض الاخر يتأخروا لعمر 18شهر (وبالحالتين الطفل طبيعي) والمهم ان الطفل بهذا المجال العمري يكون بدا يرمي الخطوة

2- الطفل اللي يسنن أكيد يتأخر بالمشي !!!

إعتقاد خاطئ❌️

✅️الطفل ممكن يسنن (اول سن )بال12شهر وهذا طبيعي وممكن ايضا يسنن بعمر ال 4 شهور وايضا هذا طبيعي
والتسنين ما عندو حتى علاقة بتطور المشي

3- إستخدام المشاية يساعد على تعلم المشي !!!

إعتقاد خاطئ❌️

✅️وضع الطفل بالمشاية قادر يؤدي الى تأخر المشي لأن الطفل راح يعتمد عليه وبالتالي ماراحش يمشي 🚶‍♂️ كما راكي حابة أنت
ولكن يمشي وقت اللي الجسم تاعو يكون قادر ومستعد للمشي

4-اعطاء جرعة الفيتامين د للرضيع باش يبدا المشي !!!

إعتقاد خاطئ ❌️

يجب إعطاء الفيتامين د✅️
للرضيع في الأوقات المحددة في الدفتر الصحي حسب البرنامج الوطني لمكافحة ضد الكساح
ولكن ليس لتغيير او تسريع الوقت اللي راح يبدأ فيه بالمشي بل لضمان صحة العظام ومناعة الرضيع

تقوس الساقين عند البدء بالمشي غير طبيعي-5

إعتقاد خاطئ ❌️

✅️معظم الأطفال ينزادو بتقوس بسيط في الساقين يختفي تدريجياً مع نمو العضلات والعظام عند بلوغ سن الثانية

6- لبس الطفل الحذاء راح يساعده على المشي !!!

إعتقاد خاطئ ❌️

✅️الدراسات توضح إن مشي الطفل حافي عند تعلم المشي أفضل و صحي أكثر من إستخدام الأحذية و خاصة للطفل اللي مزال مابداش يمشي

قلونا في التعليقات وقتاش مشى وليدك وراح تشوفوا الفرقات الفردية 😉

د-بلحاج إسمى #طبيبة #أخصائية في #طب #الأطفال و #الرضع و

المصلى عمارة باربار مقابل #كلية #الحقوق #المدية

☎️0554 24 72 73
☎️0669 88 36 31

24/04/2026

والله حتى وما ديري والو
نهار كامل⛔️⛔️⛔️⛔️
غير أنك تربي 👩‍👦وديري بالك على طفل رضيع خصوصا في ال 3اشهر الاولى من حيث
الرضاعة 🤱
واللبسة👩‍👦
ودواه🧎‍♀️
ورقاده🛌
وسهرة 🧘‍♀️الليل

☺️تكفيك...

الأمر ماشي ساهل وانا اكتر وحدة
عارفه الشي هذا بحكم إحتكاكي في خدمتي 👩‍⚕️كل يوم بالأطفال (من كل الأعمار وبمختلف الشخصيات) والأمهات...
وبحكم كوني أم

فما بالكم فوق هذا الشي كامل ترعاي بيت وزوج وطفل بالاك مريض مرض مزمن أو معاق واحداخر او اثنين أو أكثر و طياب وغسيل ومراجعة للذراري وتنظيف.. وعلاقاتك الاجتماعية الأخرى وعباداتك

راح اكيد تعتبري أم مثالية 💪وتستحقي التحية والتقدير🫡....وخليك من أي تقليل لتعبك وكلام فارغ ... كما "إنتي واش راكي ديري طول النهار؟" ولا " واش راكي ديري أكتر م النساء ؟"...

والله يجوني أحيانا أمهات حتى في فترة النفاس والله قلق غير عادي وضغط كبير وماشي في صالح الرضيع ولا في صالح الرضاعة الطبيعية

اسمعيني عندك رضيع صغير راكي في رعاية كاءن وروح ضعيفة تتقوى بيك فإنت راكي ديري بزاف حاجات .💪💪💪

تحية منا كامل💌💌💌 لكل أم قايمة على بيتها و ولادها وتربيتهم واحتياجاتهم 💌💌💌

احتسبي فقط الأجر❤️‍🩹❤️‍🩹❤️‍🩹 ولك ثوابي الدنيا والآخرة أن شاءالله
❤

صلوا على النبي الحبيب

د-بلحاج إسمى #طبيبة #أخصائية في #طب #الأطفال و #الرضع و

المصلى عمارة باربار مقابل #كلية #الحقوق #المدية #المصلى

0554 24 72 73 ☎️
0669 88 36 31 ☎️

23/04/2026

ماما 🤗.
كي تبدايلي الماكلة
🚫متقعديش أدوري غير بين البتيسويس المحلى والفرينة تع الرضع
ومتبدايليش بيهم
❌️ مذاقهم حلو بزاف وراح نوالف الحلو وننكر الخضر
❌️راه فيهم مضافات غذائية غير طبيعية
❌️و مزالك غير في الحليب ومشتقاته مزدتيلي حتى حاجة جديدة.
ابدايلي✅️✅️ من الأفضل دايما بالخضر. والفاكهة وكل مرة ذوقيني✅️✅️ حاجة جديدة بكميات قليلة وشوفي✅️✅️ ردة فعلي التحسسية

ماما كي نذوق نوع من الأطعمة 🤨
🚫 ومعجبنيش🙄 أو 🚫رفضتو

❌️متحتميش عليا .
❌و️متتقلقيش عليا وتعيطي .
راح نكره كامل الأكل😮‍💨 اللي تعطيهولي منبعد

✅️ اقترحي عليا انواع أخرى.
✅️خلي وقت وارجعي للنوع المرفوض سابقا .
كري العملية على فترات متقطعة .
👌 احتمالية القبول عندي راح تزيد .

ماما🫣☺️
روحي معايا بالعقل في التنويع✅️✅️✅️
ذوقيني بكميات صغيرة ومنبعد زيدي الكمية بشوية
وبدلي في القوام 👌
من السائل روحي للثقيل والصلب على حساب عمري
وأعطيني بالمغرف ماشي في البيبرون
لازم نبدا نتعلم ماشي نلحق عام وأنا غير نرضع

ماما وبابا والله لهبلتوني 😵‍💫.
نسمعكم :
مرة راسي سخون..مرة يديا باردين...مرة فمي حمر...مرة عينيا مذبالين

🩺الطبيبة قالت:
🚫 بلي هذو كامل معندهم حتى معنى🙃
🚫 وبلي 🤔وحدو مقياس الحرارة اللي يقولنا اذا الطفل عندو الحمى ولا لالا .
الهدرة بدرجة الحرارة الداخلية 😌.
قيسولي الحمى ومنبعد قولوا بلي عندي الحمى

🩺د #بلحاج #طبيبة #أخصائية في #طب #الأطفال و #الرضع و #حديثي #الولادة.

🏨المصلى عمارة باربار مقابل كلية #الحقوق # #المدية.

☎️0554 24 72 73
☎️0669 88 36 31

21/04/2026

راكي تحوسي على #مكمل #غذائي💪 لطفلك📌📌📌📌📌📌📌📌 وماشي غالي ارواحي نقلك على واحد🧏‍♀️ منهم :

#بيض #السمان🥚 غني بالحديد اكثر من بيض الدجاج، حيث يحتوي على حوالي 3 أضعاف #الحديد، واللي يخليه مليح للوقاية من فقر الدم و لتصحيح مخزون الحديد.

كما يحتوي على نسبة أعلى من #فيتامين D
ونسبة أعلى أيضآ من البروتين،
، مما يعزز صحة العظام والعضلات و مفيد في فترة التسنين

بصح بيض السمان فيه ثان كوليسترول (الجيد)أعلى بحوالي 2-3 مرات مقارنة ببيض الدجاج، يعني يجب تناوله باعتدال

وايضا بيض السمان مليح بزاف للرضع و للأطفال لأنه يعزز #المناعة ويساعد على #تنشيط #الدماغ وتقوية #القدرات #الذهنية و #التركيز فهو يحتوي على الاوميغا 3 .الزنك والسيلينيوم

كما أنه يعتبر #فاتح #للشهية #طبيعي ويحتوي على نسبة عالية #الفيتامينات من مجموعة ب B
ومضادات الأكسدة وفيتامين A
للبصر

المهم : يعتبر كمكمل غذائي طبيعي متكامل 👍😉يوفر العديد من الفيتامينات والعناصر الغذائية الضرورية لنمو الطفل بشكل صحي ومتوازن والأهم طبيعي
وخير بزاف من كثير من المكملات الغذائية اللي تباع بأسعار مضاعفة
حبة أو إثنين في الأسبوع تكفي للأطفال والرضع

وراح نشوفوا مكملات غذائية طبيعية اخرى عن قريب

ودعاوي الخير متنساونيش بيهم😊

د-بلحاج 👩‍⚕️إسمى #طبيبة #أخصائية في #طب #الأطفال و #الرضع و

المصلى عمارة 🏨باربار مقابل #كلية #الحقوق #المدية
☎️0554 24 72 73
☎️0669 88 36 31

Pedia-Bel Pediatre Belhadj د- بلحاج طبيبة اطفال

07/05/2026

06/05/2026

05/05/2026

05/05/2026

04/05/2026

03/05/2026

01/05/2026

26/04/2026

24/04/2026

23/04/2026

21/04/2026

Adresse

Heures d'ouverture

Téléphone

Site Web

Notifications

Contacter La Pratique

Raccourcis

Partager

Type

Lundi	09:00 - 16:00
Mardi	09:00 - 16:00
Mercredi	09:00 - 16:00
Jeudi	09:00 - 16:00
Dimanche	09:00 - 16:00