13/12/2025
🔹1-إذا بلع بطارية "pile bouton" وكليه العسل ملعقة كبيرة كل 10 دقائق و اديه المستشفى فورا.
🔸2-إذا رفض الأكل لازم أقل شي 20 محاولة باش نقولو لا يحب أكلة معينة.
🔹3-حاولي تزوقيله طبق الأكل شوية باش تفتح الشهية بصح إذا العدس ماعندك ماتزوقي فيه حطيه كيما راه دي ولا خلي.
🔸4-مين يكبر الولد مش كل ما يطلب ترضعيه 🤱 يعني باعتدال، راني نشوف في عمرهم 3 سنين مازالو يرضعو، هذي مشي رضاعة هذي لمجة.
🔹5-إذا ترضعي و مرضتي بلاڨريب كملي الرضاعة ديري فقط كمامة ونظفي يديك جيدا.
🔸6-من وينتا ولات تيزانا أو الفرينة أو الحليب أو الماء بديلا عن الغذاء! لازم ياكل حبسولنا طرق "الديباناج" هذو.
🔹7-الرضيع ممكن يسافر في الطائرة بعد 4 أشهر و إذا كانت الوجهة سياحية جميلة من الافضل تدوني معكم من باب الاحتياط يمرضلكم ولا..أنا ندبر راسي نداويه🤣.
🔸8-تسطح رأس الرضيع بسبب وضعية النوم لا يؤثر لا على ذكاء الطفل ولا يضغط على الدماغ ولا يسبب تأخرا عقليا 🧠
🔹9- أول علاج لكحة نزلات برد الرضيع هذه الأيام هو السيروم ثم السيروم ثم السيروم في الانف👃💉.
🔸10- أنتي تطيبي الفطور، تسيقي الدار، تغسلي الماعن، تبدلي ليكوش، تحرري فلس.طين ... أولادك :شحال نحبوك يا بابا شكرا لي شريتلنا حبة حلوة 🍬🤦♂️.
كتبه
