08/08/2025
تموت بسبب أبسي حذاري حذاري ، اهبطو نقلكم 👇
مع أني سبق و تكلمت عن هذا الموضوع لكنني مجبرة نعاود.
🔴الأدوية التالية:
Xydol
Clofenal
Diclofenal
Rapidus
Nopain......
🔸و باقي مضادات الالتهاب ممنوعة ممنوعة ممنوووعة في حالة الـ abcès dentaire ولا التهاب اللوزتين أو أي عدوى بكتيرية.
🔸علاش!؟
🔸مضاد الالتهاب من اسمو باين، مايخليش الالتهاب يصرا، و الالتهاب في حالة العدوى البكتيرية هو رد فعل طبيعي مناعي للجسم
🔸كي تشرب مضاد الالتهاب ماتخليش رد الفعل الطبيعي يصرا يعني راك تحمي فالبكتيريا من التهاب الجسم اللي يقتلها و تساعدها أنها تنتشر.
🔸إذا انتشرت واش يصرا!؟
🔸راح تهبط هذيك العدوى للرقبة، المريض يولي مايقدرش يبلع نهائيا مايقدرش يفتح فمو (هنا أصلا نشعلو مصباح الإنذار) و ممكن تتطور سريعا (mediastinite) و تخنق المريض و ممكن تروح مباشرة للدم و هنا c'est l'urgence extrême.
🔸بزاف ناس توفات في الجزائر بسبب السبب هذا
🔸من فضلك في حالة أي ألم ماتشربش فوق الباراسيتامول و روح للطبيب مباشرة.
ما تشربش دواء بدون وصفة طبية في الأبسي ولا في أي حالة
حفظكم الله ، دمتم في رعاية الله ♥️
💉💉💊💊
