Médecin à domicile Oran

11/05/2025

تخيلي تولدي بيبي و تلقايه مدهون بكريم أبيض من راسو لرجليه؟

لا تقلقي مهزش زبدة ولا فازلين

يسموه : الطلاء الجبني أو بالفرنسية "vernix caseosa"

هاد المادة البيضاء، الكريمية، تتكوّن على جلد الجنين من الأسبوع 17 داخل الرحم

وتخدم دور حارس شخصي ✅️ :

– تحميه من السائل الأمنيوسي
– تحافظ على رطوبة جلدو
– وفيها مضادات ميكروبات طبيعية
– وتسهّل عملية الولادة كي تولي الجلدة زلقة

مالا كي تولدي و تشوفي البيبي "مكريمي"، ما تغسليهش مباشرة (هادي يديروها القابلات)

11/05/2025

سلام جبتلكم اليوم موضوع مهم وهو :كريم بيافين
↩️رواحو نتعرفو على بيافين:
↩️كريمة بيافين (Biafine) مصنوعة أساساً لعلاج الحروق الجلدية السطحية، التهابات الجلد، والتقرحات البسيطة. تحتوي على Trolamine، وهي مادة تحفز ترميم الجلد، وترطب المناطق المتضررة، وتقلل الالتهاب.
بصح المشكل تاعها انها:
↩️ تسدد المسام:
الاستعمال اليومي لها على الوجه يسبب انسداد في المسام، وبالتالي يكثر حب الشباب ويزيد الالتهاب بدلاً من العلاج.
↩️ تغيير توازن البشرة:
بيافين تخدم في بيئة الجلد المصاب، وكي تستعملها على بشرة سليمة راك تخربلها التوازن الطبيعي، وتسبب تهيج، احمرار، وحتى حساسية.
↩️ما تعالجش التجاعيد ولا تفتح البشرة
هاذي الكريمة ما عندها حتى علاقة بمكونات مكافحة الشيخوخة، ولا فيها مكونات تبييض، ونتائج "الترطيب" اللي تبان في الأول، راهي فقط سطحية ومؤقتة.
↩️بزاف ناس تستعمل بيافين مع وصفات (زيوت، عصير ليمون...)، وها الشيء خطييير ويقدر يسبب حروق كيميائية حقيقية!
على هادي لازم تفهمو بلي
بيافين دواء، مشي كريمة تجميل.
استعمولها فقط تحت إشراف طبيب، وفي الحالات الضرورية كي الحروق أو الالتهابات. أما استعمالها اليومي ولا كروتين للبشرة، راهو خطر على صحتكم.

11/05/2025

جدة حكمت عصرت صدر بيبي صغيرون كي لقاتو منفوخ ... أيا جاه التهاب 😰

✅ كي تلقاو صدر الرضيع حديث الولادة منفوخ راه طبيعي يجي عند الذكور ولا الإناث

جاكم الفضول علاه صدرو يكون منفوخ 🤔

⭕ التثدي عبارة على انتقال هرمون الاستروجين من الأم إلى الجنين أثناء الحمل

⭕ قد يترافق كبر حجم الثدي مع إدرار للقليل من الحليب عند 5% من الرضع و يسمى حليب الرضع lait de sorcière 🥛

⭕ يختفي الثدي لوحده خلال 4-8 أسابيع و قد يستمر حتى عمر السنة

و ردي بالك تربطي الثدي ولا دلكيهم ❌ رح تعرضيه لإلتهاب الثدي و يولي في abcès و تولي في شق باش يخرجو القيح ⚠️

11/05/2025

سلام شوفو معايا نقص عنصر اساسي في جسم المرأة يقدر يتسبب في تشوهات للجنين كيما لي راهك في الصور👇
وهذا العنصر هو حمض الفوليك تبعو معايا :
نقص حمض الفوليك (Folic Acid) عند الأم، خاصة خلال الشهور الأولى من الحمل، يقدر يسبب مضاعفات خطيرة على الجنين. من بين أهم النتائج:
1. تشوهات الأنبوب العصبي (Neural Tube Defects - NTDs):
أخطر وأشهر نتيجة لنقص حمض الفوليك.
يشمل تشوهات مثل:
السنسنة المشقوقة (Spina bifida): فقرات الظهر ما تسكرش كامل على النخاع الشوكي.
الأنينسيفالي (Anencephaly): جزء من الدماغ والجمجمة ما يتكونش.
2. مشاكل في النمو:
الجنين ممكن ما ينموش بالسرعة الطبيعية، ويخرج بوزن ناقص.
3. زيادة خطر الإجهاض أو الولادة المبكرة.
4. تشوهات خلقية أخرى:
ممكن تظهر مشاكل في القلب، الكلى، أو الأطراف.
5. تأثيرات على التطور الذهني:
في بعض الحالات، نقص حمض الفوليك يرتبط بتأخر ذهني أو صعوبات تعلم في المستقبل.
ملاحظة: الوقاية سهلة وبسيطة أخذ مكملات حمض الفوليك قبل الحمل (بشهر على الأقل) وخلال الأشهر الأولى للحمل، بجرعة 400 ميكروغرام يوميًا، إلا إذا وصف الطبيب أكثر.

11/05/2025

رح نحكي اليوم على مرض نادر شوية، اسمو داء أديسون. هاد المرض يجي كي تبطل الغدة الكظرية (لي راهي فوق الكلية) تخدم ملاح، وبالضبط كي تتخرب القشرة تاعها بنسبة كبيرة، يعني فوق 90٪. هاد الحالة تخلي الجسم ما يقدرش يفرز الكورتيزون، وهنا تبدأ تظهر الأعراض. رغم أنه مرض نادر، إلا أنه خطير إذا ما تدارش تشخيص بكري، وخاصة أنه يجي أكثر للنساء والأطفال.

الإنسان لي يمرض بدا أديسون يحس بتعب كبير، وضعف فالجسم، وينقص الوزن بلا سبب. يقدر يولي يدوّخ، ويجيه ألم في المفاصل والعضلات، ويولي ما يهضمش مليح. الضغط تاع الدم يهبط، والجسم يبرد، وكأنو المريض راه دايمًا في حالة هبوط. في الدم، ينقص الصوديوم ويطلع البوتاسيوم، وهاد الشي يقدر يخلق مشاكل كبيرة خاصة للقلب.

وكاين حالات خطيرة يسموها “أزمة كظرية”، وين المريض يولي يتقيأ بزاف، يحس بألم كبير فالبطن، يجيه سخان، ويقدر يدخل في غيبوبة إذا ما تعالجش فورًا.

الحل هو أنو المريض يدي الكورتيزون من برا، يعني ياخذ دواء يعوّض الهرمون لي راه ناقص فالجسم. هاد العلاج لازم يكون منتظم وتحت رقابة طبية، لأن أي تهاون يقدر يضر بصحتو.

الخلاصة، داء أديسون ماشي معروف بزاف، بصح لازم الناس تعرف عليه، خاصة كي يكون التعب دايم، والهبوط فالضغط، والمشاكل الهضمية. التشخيص بكري يقدر يغيّر كل شيء، ويخلي المريض يعيش حياة عادية إذا تبع العلاج كيما لازم.

02/05/2025

هاوليك تأثير المشاعر على الجسم تعنا

دارو دراسة على جسم الانسان كيفاش يتأثر بمختلف المشاعر ،

-مناطق ملونة بالاحمر/اصفر هي وين كاين نشاط و حرارة اكثر
-مناطق ملوّنة بالازرق هي وين ينقص نشاط او انخفاض في حرارة الجسم

لاحظو معايا الفرق بين الاكتئاب و الحب ،
الحب كلش يمشي بزيادة
الاكتئاب كلش طافي

02/05/2025

فرق بين انسان صحّي و انسان سمين بزاف
لاحظو الفوق اولا في للمخ ، كيف مخ الشّخص الصّحي اكبر و اكثر صحة و توسّع نت الشّخص السّمين

زيدو لاحظو كذلك العمود الفقري ، انحناء عند الرقبة و بزيادك عند السّمين راه في ضغط مستمر يخليه عرضة للhernie discale

⚠️اكبر خطر لي راه في الصّورة (السّهم الوردي)، هو الشّحم لي في البطن و يدور حول الكبد ، و يسببلنا حالة طبّية خطيرة نسموها Fatty Liver او الكبد الدّهني

الدّهون تتحط فوق الكبد و تنقص من عملها و تتلف فيها و مع الوقت رايحة اما تم//وت الكبده او يحي فيها سرطان الكبد ، لي في كلتا الحالتين قات//لين

مهم جدّا الحفاظ على وزن صحي

04/03/2025

ذبحة صدرية عند مريض مصاب بداء السكري.
على مرضى السكري عدم اهمال اي آلام سواء كان الألم على مستوى الصدر او اسفل الصدر مدعين انها المعدة او القولون ففي الغالب ما يكون الالم بسب انسداد في شرايين القلب .
وعليهم مراجعة اقرب طبيب يتوفر لديه تخطيط القلب ECG
او الذهاب مباشرة الى استعجالات طب القلب وهذا افضل.
دمتم سالمين.

04/03/2025

🟢 أطعمة يجب تناولها لتفادي حصوات الكلى:

✅ الماء 💧 – شرب 2-3 لتر يوميًا يساعد على طرد السموم.
✅ الفواكه والخضروات الغنية بالماء 🍉🥒 – مثل البطيخ، الخيار، والفراولة.
✅ الأطعمة الغنية بالكالسيوم الطبيعي 🥛🧀 – مثل اللبن والزبادي لتقليل امتصاص الأوكسالات.
✅ الأطعمة الغنية بالمغنيسيوم 🥑🌰 – مثل الأفوكادو، اللوز، وبذور الكتان.
✅ الليمون وعصير البرتقال 🍋🍊 – لأنها غنية بالسيترات التي تمنع تكوّن بعض الحصوات.
✅ الحبوب الكاملة 🌾🍚 – مثل الأرز البني والشوفان بدلاً من الكربوهيدرات المكررة.

🔴 أطعمة يجب تجنبها لتقليل خطر حصوات الكلى:

❌ الأطعمة الغنية بالأوكسالات 🥬🍫 – مثل السبانخ، الشوكولاتة الداكنة، والمكسرات.
❌ اللحوم الحمراء والبروتين الحيواني الزائد 🥩🐟 – لأنها تزيد حمض اليوريك في الجسم.
❌ الملح الزائد 🧂 – لأنه يزيد فقدان الكالسيوم في البول.
❌ المشروبات الغازية 🥤 – خصوصًا الغنية بحمض الفوسفوريك.
❌ الأطعمة المصنعة والمعلبة 🍟🍕 – بسبب احتوائها على الصوديوم والمواد الحافظة.
❌ السكر والكافيين الزائد 🍩☕ – لأنها تزيد من خطر الجفاف وتكوّن الحصوات.

💡 نصيحة: اشرب الماء بكثرة، قلل من اللحوم والأطعمة المالحة، واستبدل المشروبات الغازية بعصير الليمون الطبيعي! 🍋💦

🔹

30/01/2025

20/01/2025

✨ تنويه هام ✨

نود إعلامكم أن فريق إدارة هذه الصفحة يتكوّن من أطباء عامّين وأخصائيين في الطب، وهم هنا لخدمتكم وتقديم الدعم اللازم.

إذا كانت لديكم أي استفسارات، تساؤلات، أو طلب نصائح طبية، لا تترددوا في مراسلتنا عبر الرسائل الخاصة أو التعليقات. نحن جاهزون لتقديم المساعدة والإجابة على أسئلتكم بكل سرور.

📩 صحتكم تهمنا، ونحن هنا من أجلكم.

#طب #صحة #نصائح