09/12/2021
اه يا الطبيب واش نحكي واش نخلي ماما رايحة تهبلني 😔
ما تخليني نرمي صوالح الدار في لاپوبال
ما تخليني نجبد الخضرة مالفريجيدار و نلعب بيها 😥
ما يعجبها حال كي نخمج الدنيا و هي مسيقة و ماسحة 😥😥
يا عجابة حتى الرقاد لوكان تصيب ترقدني كيما الدجاج و انا نحب نسهر 🕺🕺🕺
ولله يادكتور ماما ما راهيش مخليتني ناخد راحتي 💔 اذا لعبت بالتواليت و زرزقتها تعيط عليا 😭
واذا رميتلها الشارجور تاعها داخل التوالات تشنف عليا 😥
اذا ريبتلها الخزانة تشوف فيا بطريقة ما تعجبش 😡
علاش ماشي من حقي نعيط من تيليفونها بلا ما نسقسيها ؟؟ ياك هي ماما و حاجتها حاجتي 🤨
انا تعبان نفسيا يادكتور
اعطيني حل يا الطبيب الدعوة ما راهيش تشكر!!!
والان كيفاش قررتو تتصرفوا مع اطفالكم كي سمعتوا شكواهم؟
دمتم و أطفالكم سالمين حاولوا مساعدتهم على الاكتشاف خاصة في اولى سنواتهم قللوا من التذمر والصراخ في وجههم حاولوا قدر الامكان ان تكونوا قدوة صالحة 🥰🥰
