Quel est le site Web ?

https://www.facebook.com/186277934564460/

Dr Benammar Mustapha, Pneumo Phtisiologie

Page d'Accueil
Algérie
Oran
Dr Benammar Mustapha, Pneumo Phtisiologie

Soyons optimistes : la médecine a découvert beaucoup plus de remèdes qu'il n'y a de maux.

21/02/2026

مرة زميل قالي علاش راك تفهّم الناس اشياء طبية يفهموها غير الأطباء.
الهدف نتاعي هو تحسيس الشعب لي راه عنده نقص فادح في الثقافة الطبية ، طبعا بأسلوب يقدر يفهم به.
مثلا مرة واحد جابلي ولدو عندو ربو، قالي راني نداويه بالعسل شفت واحد يبيعو في الفيسبوك.
مرة كان عندي مريض في المستشفى عندو رئة متٱكلة رايحة كامل ، قالي مرضت بالسل كي كنت صغير و يما عطاتني العقدة.

لازم الناس تكون عندها ثقافة طبية، le stricte minimum و معليش.

20/02/2026

✅ما ديروش عليهم ، الطبيب ما يحلّبش المرضى.
✅الطروماطو ما يديرش الفرز في الاستعجالات، يديره الطبيب العام
✅مسابقة PASS لي هدر عليها مع يماه كي جاب الفيزا خاصة بالطلبة في طور التكوين مش الطبيب لي مخلص قرايته.

لوكان صقصاوني نعطيهم سيناريو أفضل 🙂‍↔️

بصح مسلسل مليح و اداء ريفكا مقبول

19/02/2026

السلام عليكم و صحا فطوركم

نظن كامل شفتو فيديو هذا الشخص الذي انتحر بعد أن شرب لاسيد " روح الملح " ..
الشخص راه ظاهر عليه اكتئاب حاد، و قال بلي كان مدمن.
الاكتئاب هو سرطان الروح، اذا لاحظتوا واحد من الاصدقاء او الأقارب فيه أعراض الاكتئاب لازم تنصحوه يروح لطبيب الأمراض العقلية أو تدوه ليه.
الانتحار هو الحاجة لي نخافوا منها نحن الأطباء عند الأشخاص الذين يعانون من الاكتئاب.

لا حول ولا قوة الا بالله ، ربي يرحمه و يغفر له.

18/02/2026

المصابون بالربو و الانسداد الرئوي المزمن BPCO، في رمضان على حد علمي و أرجوا من أهل الفقه التصحيح ، البخاخة ليست مفطرة لأنها تذهب الى الرئتين.

بالنسبة للناس لي عندهم ربو و الربو نتاعهم ماراهش مستقر بمعنى راهم يديرو نوبات بزاف، من الأفضل تجنب الصيام.

تصوموا بالصحة إن شاء الله.

17/02/2026

🙂‍↔️🙂‍↔️

14/02/2026

علاش الربو ما لازمش نعالجوه بالفونتولين وحدها ؟

الربو هو في الأصل إلتهاب 🔥، و دواء الالتهاب هو الستيروييد 🧑‍🚒.
الفنتولين هو دواء يفتح الشُعب الهوائية لمدة قصيرة و ما عندوش فاعلية على الالتهاب.
اذا لي عندو ربو ، ممكن يريّح بالفونتولين فقط و لكن الالتهاب راح يبقى كاين، هذا لي يخليه عرضة لنوبات أخرى قد تكون أكثر خطورة.

لذلك مختص الأمراض الصدرية دائما يوصي مرضى الربو
بالبخاخة لي فيها ستيروييد ، ياخدوها كل يوم بانتظام.

#تحسيس
#صحة

13/02/2026

خطأ يديروه لي عندهم مرض مزمن أنهم يعاودوا نفس الوصفة كل ثلاثة أشهر دون الذهاب للطبيب المعالج.

في اختصاصي بالنسبة لمرضى الربو ، شفت بزاف يدو بخاخ forte dose منذ سنوات بالرغم من أن الربو نتاعهم راه bien contrôlé
او بالعكس نشوف مرضى ربو يدو بخاخ faible dose و يقولك راني ننقفل بزاف و البخاخ ما دارلي والو ..

مرض الربو راه مرض مزمن، و درجة الخطورة نتاعه ماراهيش ثابتة، يعني كي يقولولك الربو نتاعك خفيف هذا لا يعني راح يبقى خفيف.

و قيس عليها كل الأمراض المزمنة مثل ارتفاع ضغط الدم و السكري ..

على الاقل شوفوا طبيبكم مرة كل ثلاثة حتى ستة أشهر.

و رسالة أخرى للإخوة الأطباء ، كي يجيك مريض ما تعرفوش ، و يقولك كتبلي الوصفة، عندك الحق ترفض.

#تحسيس
#صحة

12/02/2026

Aujourd’hui, c’était ma cérémonie de fin d’études. Il y a quatre ans, j’ai intégré pour la première fois le service de pneumologie, sans avoir une idée claire de cette spécialité. J’éprouvais des sentiments mêlés de peur, d’inquiétude et de doute.
Mais j’ai eu la chance d’être entouré d’une équipe formidable de médecins, qui m’a donné l’opportunité de m’adapter, d’avancer et d’arriver là où je suis aujourd’hui.
Cette réussite n’est pas seulement la mienne, c’est celle de toute une équipe, dirigée par le chef de service, le Professeur Abdelmadjid snouber, qui m’a prouvé que son rôle ne se limite pas à transmettre le savoir, mais qu’il m’a aussi appris comment prendre en charge les patients, résoudre les problèmes avec souplesse et, surtout, m’a permis de comprendre ma place en tant que médecin dans la société.
Je remercie chaque personne avec qui j’ai travaillé côte à côte au service de pneumologie, sans exception.

10/02/2026

علابالك ؟

اذا كنت طبيب عام أو مختص مهما كان اختصاصك لازم تسأل المريض اذا يدخّن بما يسمى " le conseil minimal" ، يدي من وقتك أقل من دقيقة.

1- إسأل المريض اذا يتكيّف
2- عطيه نصيحة باش يحبّس
3- اقترح عليه مساعدة من أجل الإقلاع عن طريق مساعدته مباشرة أو إرساله إلى طبيب مختص في الأمراض الصدرية.

ملاحظة:
هذه الطريقة ليست كافية للاقلاع ، هي تساعدنا باش نعرفوا المريض اذا يتكيّف و نساعدوه.

31/01/2026

كيفاش تعرف روحك مدمن بزاف ؟

غي تنوض تشعل سيجارة ، راك مدمن بزاف
ما تقدرش تشد روحك في الأماكن العامة و تشعل سيجارة ، راك مدمن بزاف
تتكيف علبة كاملة في اليوم أو أكثر ، راك مدمن بزاف
ترجع مضطرب و تعرّش بزاف في رمضان ، راك مدمن بزاف
تحلل الصيام بسيجارة ، راك مدمن بزاف
تحس بلي لازم تتكيف أكثر باش تحس بالنشوة، راك مدمن بزاف
تتخلى على واجباتك اليومية و تلهى مع السيجارة ، راك مدمن بزاف
تتكيف حتى و انت راك على يقين بلي التدخين راه ضارّك ، راك مدن بزاف

30/01/2026

اذا كانت الكلى تحب شرب الماء ، و القلب يحب الأكل الصحي .
فماذا تحب الرئة ؟🫁

الرئة تبغي الحركة ، الرياضة ، هواء نقي.
باش تحافظ على رئة سليمة لازم على الأقل تمشي نصف ساعة في اليوم ، لازم تتجنب كل ما يؤذيها خاصة التدخين!!

استبدال القلب و الكلى ممكن ، بصح استبدال الرئة ماشي ساهل حتى في الدول المتطورة ، فحافظوا على جهاز تنفسكم ❤️🫁

Adresse

CHU D'oran Ex Glattard
Oran

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Dr Benammar Mustapha, Pneumo Phtisiologie publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.