21/12/2022
⭕ مالا كي تشوف هذه النقاط الصغيرة السوداء لي نصيبوها فقشرة البرتقال تقولهم هذه هي المليحة ؟ 😑🤦🏽♂️ علابالك بلي هي عبارة عن حشرات :o !! انعم ايه
❌ هي حشرات صغيرة مجهرية اسمها الحشرات القشرية المدرعة armored scale insect و تنتمي لعائلة اسمها Diaspididae ، والنوع الأسود هذا الي نصيبوه بزاف فالتشينة اسمو pou noir او la cochenille noire و اسمها العلمي Parlatoria ziziphi، لكن علاش ما تبانش الحشرة ؟
❌ لأنو واش نشوفو حنا هو الدرع نتاعها فقط Bouclier/ Armor عاطيتنا بظهرها المڨلوعة 🤣🤣 وهي تكون الداخل سبحان الخالق المصور، هاذ الحشرة تشكل وحدة من أهم الآفات لي تهدد الحمضيات لأنها تتغذى على مغذيات النبات( نصغ ناقص و كامل) والمشكل أنها تستقر في كل أجزاء الشجرة ( أوراق ، زهور ، ثمار ، أغصان) و تسبب غالبا تساقط الثمار قبل النضج و اصفرار الاوراق و الثمار و أيضا تسبب ضعف التركيب الضوئي لما تكون أعدادها كبيرة، و بزاف أشجار مثمرة ممكن تصاب بهاذ الحشرات .
اغسل مليح وحك القشرة قبل ماتاكل ، واغسل يديك تاني -_- ماشي أدفع فالمدفع صحا !
#الاخصائية : Zoubida Bakhtaoui
🙏💙
