Dr k.MEHDI Pneumologie Allergologie.عيادة الامراض الصدرية و الحساسية

18/10/2023

اختبار الحساسية متوفر في العيادة.

18/10/2023

Les tests cutanés d'allergie sont disponible au cabinet.

26/06/2023

العيادة مغلقة من الثلاثاء 27 الى الجمعة 30جوان.

08/03/2023

19/07/2022

نظرا للارتفاع المسجل في عدد حالات كوفيد، يرجى اخذ الاحتياطات اللازمة.
يرجى من مرضى السكري مراقبة مستوى السكر في الدم يوميا.
تجنب استعمال المكيف بدرجة حرارة منخفضة او مباشرة بعد الاستحمام.
نسال الله العافية والشفاء لجميع المرضى.

11/07/2022

العيادة مفتوحة ابتداءا من يوم الثلاثاء 12جويلية ان شاء الله.

09/09/2021

Test antigénique COVID 19, et test rapid sérologique disponible au cabinet.

25/07/2021

.

⬅️ شكيت بلي تعديت بكورونا ، كيفاش نتأكد ؟
- لازم تدير حجر صحي مع الوقاية و تنتظر إذا جاتك أعراض ، غالبا الأعراض تبدأ تبان من اليوم الخامس و احيانا حتى اليوم 14 .
إذا ظهرت أعراض: وجع الراس، حمى،وجع عضلات،وجع في الحلق، إسهال،..تم لازم تشوف طبيب .

⬅️ يهدرو بزاف على المناعة! كي نمرض، كيفاش نعرف بلي المناعة نتاعي مليحة ؟
- كاين ناس تخدم عندهم المناعة بالسكات ( مناعتهم مليحة) ، هاد الناس هوما لي ما عندهمش أعراض و يعدو ناس أخرين .
-كاين ناس تخدم عندهم المناعة بضجة يعني بأعراض لي هوما ( الكحة، الحمى، آلام العضلات و المفاصل و الأعراض الأخرى أنه كورونا..) هاد الناس تاني المناعة نتاعهم مليحة .
- كاين ناس المرض يخدم فيهم بسرعة و يطور بسرعة ، هادوك مناعتهم ضعيفة .

⬅️ علاش ما لازمش نستعملو أدوية كورتيكوييد كيما solumedrol, dexamethasone,l'hydrocortisone...
في الأسبوع الأول من الإصابة بعدوى كورونا ؟
- لأن هاد الأدوية تضعف المناعة الطبيعية لي تقاوم الفيروس ، كي تشرب هاد الأدوية تخلي هادوك الأعراض لي تبين لنا بلي المناعة راهي مليحة ، تخليهم ما يبانوش، ممكن تحس روحك ريحت ، بصح في الحقيقة الفيروس راه يتكاثر فيك و يتوغل أكثر ، و إحتمال كبير تتطور حالتك لمضاعفات .
المهم دواء كورتكوييد الطبيب هو لي يعرف إذا يمدو لك أو لا و تاني يعرف وقتاش يمدو لك ، وطبعا يمدو كي يكون التنفس صعيب و الأكسجين ناقص في جسمك و هادا يصرا غالبا في المرحلة الإلتهابية نتاع كورونا لي تبدا غالبا في الاسبوع التاني من الأعراض .

⬅️ كيفاش نعرف روحي بلي كورونا ماهيش خطيرة عندي ؟
- كي تفوت 15 يوم من بداية الأعراض و التنفس تاعك مليح، و ما صرا لكش تجلط في الدم .راك سلكت
علاش؟ لأن المرحلة الإلتهابية لي فيها المضاعفات تبدا من اليوم السابع في غالب الأحيان .

⬅️ مرضت اليوم بكورونا شحال من يوم و أنا نعدي في الناس ؟
-على حساب حالتك :
إذا كانت حالتك خفيفة إلى متوسطة ( يعني ما دخلتش للسبيطار ) تبقى 10 أيام و أنت تعدي و العدوى تنقص مع الأيام و تكون ضعيفة بزاف فوق 10 أيام حتى 14 يوم
إذا حالتك خطيرة و دخلت سبيطار ،قادر تبقى تعدي كامل مدة المرض . ممكن توصل حتى شهر .

⬅️ كيفاش ندير باه ما نعديش والديا، دارنا ضيقة و ماكاش كيف ؟
- لازم أنت و هوما يديرو كمامة و حاول تبعد عليهم ، ما تسلم ما تعنق، ما تاكلش معاهم ، و فتح البيبان و التواقي كل وقت مع غسل اليدين و النظافة العامة .

⬅️ أنا مريض مزمن و نشرب كورتكوييد
كون نمرض بكورونا ، نحبسو؟
- لا، ما تحبسوش، بصح شوف طبيبك هو لي يعرف كيفاش يتعامل مع دواك و هادا على حساب الحالة المرضية نتاعك (المرض المزمن و كورونا ).