16/09/2025
# # #حبيت نعرف قانونيا ولو تعاود معايا الموقف واش لازم نعمل لمساعدة الطفلة او الطفل !؟؟؟؟
#اليوم نحكيلكم قصة عجيبة حدثت معي شخصيا
أمس صباحا كنت نمشي في الطريق نشوف طفلة في السيارة مغلقة مع شق صغير لدخول الهواء وانا فايتة كانت تبكي حالة يرثى لها 💔 عمرها 3 سنوات تقريبا ، أنا والله فجعت اول مرة نتحط في موقف مماثل ماعرفت واش ندير ابتسمت لها وقلتلها ماتخافيش راني هنا شافت فيا ومسحت دموعها ولكن مازالها خايفة في تلك اللحظات ، قلت نستنى شوية ونشوف بعدها بلحظات زادت جات امراة اخرى قلتلها راهي الطفلة كانت تبكي 😢 وباباها او أمها خالوها وحدها واش نديرو زادت قعدت بجانبي وقعدنا نشوفو معاها والطفلة تونست بينا شوية وجاء الأب انتاعها
الطفلة trisomique صغيرة بهيونة لا تتكلم ربما لا تفهم شيئا و كي جاء باباها لقانا في زوج بجانب زجاج النافذة جهة الطفلة نعسوا فيها
المهم غادرنا المكان وكملت أنا والمرأة مع بعض لقيتها هي ايضا طبيبة 👩⚕️ سبحان الله ( من محاسن الصدف 🙏🙏👌👌
✔️محبة الله للطفلة التي لا حول لها ولا قوة لها، الله الرحمان الرحيم الحي سخر لها طبيبتين ولو حدث لها لشيء لكنا بجانبها ( جعلنا جانبها نتكلم معها بالإشارات والابتسامات
هدأنا خوفها وطمأننا قلبها الصغير حتى وان لم تكن تفهم علينا ولو لدقائق ، الدقائق التي كان لها فرق كبير في حياتها ربما 👍🏻🙏
# # #الحكمة
الله عندما يحبك يسخر لك البشر والطير والأطباء و الصالحين
سبحان الله … كانت الطفلة في حماية الله قبل حماية والدها
وكان الله راحمها قبل رحمة والدها
اطلبوا الرحمة والعون من الله وفقط ♥️
Dr Salima Belilita
