01/06/2025
📢 توضيح مهم بالنية الطيبة 🌿
حبيت نكتب هاذ الكلمات اليوم،في الاول ما حبيتش نجاوب لكن لازم توضيح، موش باش نرد على الناس، بصح باش نوضح موقفي ونيتي، ونخلي كل شيء واضح قدام ربي، قدام روحي، وقدام كل إنسان جا عندي بنية طيبة.
في الأيام اللي فاتت، سمعت بزاف كلام يتقال عليا:
ناس تقول سحّارة، ناس تقول ندير شر، ناس تشكك في خدمتي وفي نياتي...
أنا نقول بكل هدوء و سلام
اللي يخدم بالنية، ما يخافش من كلام الناس.
أنا طبيبة، معالجة، ومرافقة ،معلمة ،اخت و أم. نخدم بالعلم، بالإحساس، وبالنية النقية.
ما عمرني استعملت طاقتي باش نضرّ إنسان، وما عمرني وافقت نخدم مع شخص فيه نية الأذى.
الحمد الله الذي وفقني باش تخرج ناسس من اكتئاب و وسواس قهري، الحمد لله على المئات من الازواج الذين انجبوا و خلفوا ذرية بعد العلاج عندنا ، الحمد الله الذي وفقفنا على مرافقة بنات خرجت من الظلمات الى النور ، الحمد الله الذي وفقنا على علاج الادمان و مساعدة ناس على التوبة و تغيير حياتهم ،الحمد لله كثيرا على. كل هذا من فضل الله الذي سخرنا لهذا
🌸 اللي يعرفني، يعرف باللي نخدم من القلب، ونحترم كل روح تدخل فضائي و تشاركني عالمها
📌 لكل واحد عندو شك أو سؤال: الأبواب مفتوحة للنقاش النقي، مشي للنميمة والكلام اللي ما يبنيش.
وأنا نختار نكمل نخدم، نداوي، ونعاون، بلا ما نرد على كل سهم يُرشق ضدي.
لأنو: النية توصل،
والأكاذيب تنكشف،
والنور دايماً يغلب الظلام.
شكراً لكل إنسانة أو إنسان آمن بيا، ودعالي بخير، وشاف فيا الخير.
أنا معاكم، ومن أجلكم، نزيد نقوى وننظّف روحي كل يوم.
ربي ينور قلوبنا كامل، ويهدينا للحق والنقاء 💫
د. دجازية بن خليفة ،❤️😊
