Dr Bounekta Endocrinologue Diabétologue

15/08/2025

راك تأخذ دواء السكري غليكوفاج ، نوفوفورمين ، متفورمين Glucophage Novoformine metformine
500 , 850 , 1000 mg ،
تعرف على هذه المعلومات العشر وشارك المنشور ليصل 10 آلاف لايك 👍🏻 👏

1 - هو دواء لمرضى السكري نوع ثاني وممكن إستخدامه لمرضى
السكري نوع واحد إذا كان عنده ون زائد.

2 - إستعماله عند المرأة الحامل بدون خوف منذ 2024.
3- ممنوع عند المرأة المرضعة ، لازمك أنسولين سيدتي 😀.

4- يستعمل عند غير مريض السكري بوصفة طبية لإنقاص الوزن . ماشي داخل عليها مراميط وتقول معاونيش 😁

5 - يستعمل عند مرأة لي عندها تكيس مبايض ومقاومة أنسولين .
6 - ما يضربش للكلاوي يرحم باباكم ويماكم ، راكم تسمعوا بزاف راديو تروطوار.

7- إذا كان عندك فشل كلوي ولا كبدي ولا قلبي ولا رئوي طبيب ينقصلك جرعة أو يحبسه.
8 - يدير إسهال ( دياري) عند 10 ٪؜ إذا لازم تحبسه إذا مقدرتش توالفه .
9 - يأخذ في وسط الأكل أو بعد الأكل نفس الشيء مرة ، مرتين أو ثلاث مرات حسب وصفة الطبيب. شهية طيبة

10 - يجب تحبسه قبل عملية جراحية أو أي سكانير وترجع ليه بعد يومين .

كتبه أبو مريم بونقطة . متنساش لايك 👍🏻

واش هي المعلومة لكتشفتها اليوم ونتمنى مشاركة المنشور في
كل الصفحات.
fansDr Bounekta Endocrinologue Diabétologue

06/08/2025

شاهد كيف عيّرت سكري بهذا الجهاز 😀
مميزات خاصة عجبتني بزاف في جهاز قياس السكر safe AQ
plus. وأنت واش أحسن مميزة عاجباتك ؟

05/08/2025

زعفني الحاج ميقيسش السكر تاعه وهي أسهل حاجة ديروها لتفادي المضاعفات 😠
موعدنا غدًا الخامسة والنصف ان شاءالله لنتكلم على الجهاز لي في يدي ( علبالي مشفتوهش وراكم تشوفوا فيا سمنت هههه، هذا المازر فقط 😁)
كل واحد يقولنا واش من جهاز يستخدم وشكون أحسنهم وأنا غدا نتكلم على مميزات جهاز ……S.مميزات رائعة ان شاءالله

31/07/2025

لأهمية الموضوع لازم التأكيد:

💧 علاش لازم تشرب الماء قبل ما تدير تحاليل الدم ؟
راك دايما حاسب بلي “صايم” يعني لا ماكلة لا شراب قبل التحاليل بـ 8 حتى 12 ساعة ؟
✋ خبّي هاد الفكرة… راهي غالطة !

👉 شوف واش لازم تعرف :

1️⃣ تقدر تشرب الماء عادي فالليل قبل التحاليل، وحتى الصباح قبل ما تروح للمخبر.
➡️ بصح غير الماء، وبكميات معقولة (ماشي تشرب قازوز وتقوللي صايم 😅).

2️⃣ شرب الماء ما يبدلش نتائج التحاليل (سكر، كوليستيرول، هورمونات…).
➡️ بالعكس، يخلي النتائج أدقّ وأوضح.

3️⃣ كي تشرب الماء :
✔️ تتفادى العطش
✔️ تحس روحك خير، وما يطيحلكش الضغط بعد التحليل و مادوخش
✔️ العروق تخرج مليح، ويسهّل الخدمة على الممرّض (ربي يسهّل عليه 🙏)

4️⃣ هاد النصيحة مهمّة بزاف لـ :
👶 الدراري الصغار
👵 الناس الكبار
🔥 وقت السخانة و الصيف

💬 أول مرة تسمع بيها ؟ قولّي في الكومنتار !

🔁 برطاجي المعلومة مع أحبابك
🔔 تابِعنا للمزيد من النصائح الطبية الصحيحة والمفيدة

#الصحة #الوقاية #الماء #طبيب بونقطة

30/07/2025

إذا كنت تشرب ليفوتيروكس euthyrox Levothyrox لازم تكون على دراية بكامل هذو المعلومات العشر :

1_تغيير ليفوتيروكس من الدواء القديم الى الدواء الجديد يكون بنفس الجرعة و تحت أشراف الطبيب المعالج .

2_اذا قمت بشرب ليفوتيروكس الجديد لا تحتاج الى إعادة اجراء تحليل TSH إلا في حالة وجود أعراض مرضية 🤔 مثل الدوخة ....صداع ...تزايد ضربات القلب .

3_المعلومة لي يبحث عليها الجميع TSHالمليح 🤔 الإجابة هو يكون على حسب الحالة المرضية و الفيزيولوحية مثلا " واحد يكون صغير تحت سن الأربعين 😅 الاحسن TSH يكون قريب من 1 ...تحت الستين سنة TSH الاحسن يكون قريب من3 ....فوق الستون سنة ،الله يبارك ، معليش يكون قريب من 4 و الطبيب المعالج هو لي يقدر يحدد TSH المناسب لكل حالة.

4_المرأة لي حابة دير حمل الأحسن يكون TSH قريب من 1 و هو يختلف على حسب عمر الحمل المهم يكون أقل من 2.5 في كل الحالات .
5_ليفوتيروكس مش فقط للكبار حتى بعض الاطفال يقدر يحتاج يشرب الدواء في حالة خمول الغدة الدرقية .
6_ النقطة المهمة لي هبلتوني بيها راح نقولها و نعاودها ليفوتيروكس مايزيدش فالوزن 😑 زيرو رواحيكم و ديرو الريجيم 😌.
7_لا يوجد اي ريجيم فالعالم كامل يخليك تتوقف عن شرب دواء ليفوتيروكس اذا الطبيب المعالج مقالكش حبسو 😏.
8_شرب دواء ليفوتيروكس لايؤثر أبدا على فرص الحمل بشرط TSHيكون قريب من 1 بالنسبة للرجل و المرأة .

9_ اذا أنت أو أنتِ راح تخطب واحد او وحدة يشربو ليفوتيروكس ، أتزوج و عينيك مغمضين 😁 لكن بشرط يكون او تكون يدير متابعة للطبيب المعالج ولصفحة الدكتور بونقطة 😆.
10_اذا كان تحليل Ac anti TPOو AC anti Tg خرجو طالعين
لازم تعرف ......يتبع؟؟؟🤔

اهم نقطة انك تشارك فالصفحة وخلي جام و كومنت و تبارطاجي لأنه مازال كاين عدة منشورات من هذا النوع تخص كل المواضيع لي تهمكم 🤓و لا تنسونا من صوالح دعائكم .🤲

(هل أعجبك هذا النوع من المحتوى الكتابي )
كتبه ابو مريم عبد الرحيم بونقطة .

28/07/2025

التسجيل مفتوح لجميع الشباب. يرجى قراءة المنشور مرحبا بكم :

27/07/2025

إذا راك تشرب دواء خمول الغدة الدرقية ليفوتيروكس 25 ,50 , 75 , 100 Levothyrox لازم تكون تعرف جميع هذو النقاط العشرة :

1_ دواء ليفوتيروكس لازم نشربو قبل الاكل ينصف ساعة على معدة فارغة .
2_ مش لازم وقت محدد بش تشرب ليفوتيروكس المهم يكون على معدة فارغة .
3_ على معدة فارغة يعني ماتاكل والو على الأقل خمس ساعات وطبعا تقدر تشرب الماء في هده المدة هذا لايؤثر 😅

4_ثلاث ادوية لازم تكون بعيدة على ليفوتيروكس على الأقل مدة اربع ساعات !!!
-دواء فقر الدم anémie اللي هو جميع أنواع الحديد
_ادوية مضادات الحموضة تاع المعِدة
_ دواء الكالسيوم .
5_ اليوم لي تعمل فيه التحليل TSH تقدر تشرب ليفوتيكورس قبل التحليل و تقدر ماتشربش 🙃هذا الشي لايؤثر.

6_ اليوم لي تعمل فيه تحليل tsh تقدر تاكل لكان جيعان كما تقدر ماتكالك
7_النساء الحوامل لي يشربو ليفوتيروكس هذا الشئ لا يؤثر على حملك مكلله تهبلي راجلك ههه
8_ادا كنت ترضعي ، شربي عادي ليفوتيروكس لا يؤثر على الرضيع وتبقاي تحوسي غير على السبايب 🤣.
9- إذا نسيت نضت كليت وماشربتش ليفوتيروكس ، كمل قهوتك وحبس ماكلة أربع ساعات و شربه نصف ساعة قبل الغذاء.
10 - إذا نسيت دواك حتى لغدوة ، شرب جرعة وحدة ، مادوبليش لدوز ☺️

متنساش تابوني في الصفحة إذا أول مرة يخرجلك المنشور.

إذا إستفدت وعجبك هذا النوع من المنشورات الكتابية ، كتبلي تعليق و جام وبرطاج وراح موعدكم ان شاءالله يكون عدة منشورات من هذا النوع .
كتبه أبو مريم .

26/07/2025

شهادة على المباشر ، راني جد جد فرحان بهذه النتيجة.
Bravo madame ,volonté de fer allah ibarek .
WhatsApp 0561 94 30 94

23/07/2025

علاش لازم تشرب الماء قبل ما دير تحاليل؟ وممكن تأكل عادي في بعض الأحيان 🤨

14/07/2025

Dr Brahim Cherfia
من خيرة أطباء قسنطينة، طبيب خلوق مجتهد و مثابر . ربي يوفقك أخي الكريم .

08/07/2025