14/02/2026
🛑 إعلان مهم بخصوص الكريدي و نوضحو امور لقيت فيهم صعوبة شوية العام لفات اما بالنسبة لهدا العام و انشاء الله تتفهموهم :
1 .كل ما يتعلّق بالكريدي: يا ختي الكريدي راهووووو عيب تروحي ديري بروشينغ بكريدي راه ماشي محتمة عليك تكردي ليماش و لا ماكياج راه ممنوووووووع على الجميع انا ثاني نخدم على روحي و نصرف على برودوي و السلعة دراهمهم نحطهم كااش
◀️ وبالنسبة للناس لي عندها كريدي قديم:
رجاءً، بارك الله فيكم، تفضلوا خلصوا دينكم في أقرب وقت.
حتى أنا عندي التزامات ومصاريف، وماشي ساهل علينا.
#الكريدي راهو مسؤولية
تكردي اليوم على أساس تخلصي غدوة، ماشي بالاسابيع والشهور.
والله صبرت وراعيت ظروفكم، وحطّيت ثقتي فيكم .
❌نقطة ثانية:
الاطفاااال انا نبغيهم و نعزهم بصح ممنوووع الاطفااال بتاتا راهم يهبلونا يهزو من يحطو من راهم ياكلو و يطيشو مايخليوك ديري انتي مايخليونا نخدمو دوكا نخدمو و لا نعسولكم ولادكم ؟؟؟ و زيد البرودوي راه يضرهم مزالو صغااار كي جيبيهم يديرو مرحبا جبتيه يقعد ممنوع ❌❌و كاينة لي جيب معاها 2 و 3 يحكمو البلايص يجيو ناس مايلقاوش وين يقعدو راه عيب اا مدااام
❌نقطة الثالثة:
كي جي ديري ليماش و لا اي حاجة السعر حنا لي نمدووه ماشي الزبونة لي تمدو و لا تقولي درت عند فلانة بري و عندك بري شوفو راهي كل وحدة باش تخدم برودوي و كفاش تخدم و كل صالو عندو قانون خاص تاعو بيه ماتقاشريني ماتقوليلي ساعديني و لا كرديلي و لا تحطو البري من روسكم شعرك يستاهل بري راهو بري ❌❌
و راكم كامل زبوناتي و نحبكم و صالو راهو تاعكم و انشاء الله تخرجو كامل فرحانيين و شابيين نحبكم ❤️❤️
