26/06/2025
اوقات شرب الفيتامينات و المعادن
🔹 الزنك: تقدر تاخدو في أي وقت فالنهار، لكن الأفضل يكون قبل الماكلة بساعة باش يتحسن الامتصاص.
🔹 أوميغا 3 (زيت السمك): يُنصح بتناوله مع الأكل، خاصة وجبة فيها دهون طبيعية كيما زيت الزيتون، البيض، أو الحليب، باش يعاون الجسم يمتصه أفضل. التوقيت ما يهمش بزاف، تقدر تاخدو في أي وقت.
🔹 فيتامين D: خذو صباحاً، ظهراً أو مساءً، المهم يكون مع وجبة فيها دسم (دهون صحية) باش الجسم يقدّر يمتصه. مثلاً بعد وجبة غذاء، مع كأس حليب، أو حتى مع ملعقة زيت زيتون أو شوية أفوكادو.
🔹 فيتامين C: تقدر تاخدو في أي وقت خلال اليوم، يُفضل على معدة فارغة مع كأس ماء كبير.
🔹 فيتامينات B: الأفضل تاخذهم الصباح بعد ما تفيق، سواءً على الريق أو مع الفطور، ومع كمية كافية من الماء. ما يفضّلش تاخدهم بالليل لأنهم يمدو النشاط وقد يسببولك اضطراب في النوم.
🔹 حمض الفوليك: يُؤخذ في أي وقت، سواء مع الأكل أو بدونه. الأفضل يكون صباحاً، ومع كأس كبير من الماء.
🔹 الكالسيوم: ممكن تاخدو مع الأكل أو بدونه، لكن يُفضل صباحاً ومع شرب كمية كافية من الماء. ابتعد على الملوحة الزايدة والتدخين لأنهم ينقصو من امتصاصه. وما تنساش تبعدو على الحديد على الأقل بساعتين.
🔹 الحديد: يؤخذ بعد الأكل في أي وقت (صباحاً، ظهراً، أو مساءً)، لكن لازم ما يكونش مع الحليب أو مشتقاته، ولا مع مكملات الكالسيوم. لازم تخلّي ساعتين فرق بينهم لأن الكالسيوم يمنع امتصاص الحديد.
⚠️اهم حاجة لازم تعرفها انو ملازمش تشرب ديما المكملات بلا مدير تحاليل وبلا ميمدهم طبيب
👈وفيتامين D اهم هذي لحوايج لانو نقص تعو سيبي في لفشلة وهشاشة لعظام
